NOMBILANGMO 17:7 - KITAB NU TUMPU ALLA LELE MA'IMAI'

⁷ Lantas pinotimpasmo i Musa na tokon haha aijo' i uno nu Kemah nu Tumpu i ahop nu Peti' Palajanjian.

NOMBILANGMO 17:7 Iomraidhean Croise

NOSABATMO 38:21

Aiyamo na daputan nu pakakas anu opake i Kemah nu Tumpu tampat anu pompo'una'an ohua' na batu tiba Sampulu' na Palentah nu Tumpu Allah. Daputan aijo' binau kalana pinalentahkon i Musa ka' tinulis nu aha to mia-mian nu Lewi anu mokalaja nu atun i Itamar anak i Imam Harun.

NOMBILANGMO 1:50

Pokau na aha mongkalesang Kemah-Ku, tiba posadiaonnyo iwi-iwi'. Kalaja nu aha aijo'mo molemban Kemah-Ku tiba posadiaonnyo ka' mongkalesang. Aha tionyo ahi' mompotinjo kemah kajojoongan nu aha montikubi Kemah-Ku.

NOMBILANGMO 1:53

Panyo to mia-mian nu Lewi tionyo ahi' mombau kemah kajojoongan nu aha montikubi Kemah-Ku. Aha tionyo ahi' monjagai da boli ko mian anu mongohani, sahingga monsaduakonmo Aku pusa ka' mohukumo aha mian Israel.”

NOMBILANGMO 14:10

Iwi-iwi' na mian da'isan mongkahanda'imo mompahambunu'akon aha nu batu sampe mate. Panyo monti-montiik mian haha aijo' nontoamo jingka nu Tumpu tinokamo aijo' i Kemah-Nyo.

NOMBILANGMO 17:4

Boa na tokon haha aijo' i Kemah-Ku, ka' opotimpas i ahop nu Peti' Palajanjian, tampat-Ku biasa singkabot tiba belemiu.

NOMBILANGMO 17:6

Han aijo' pinoto'imo i Musa hi aha mian nu Israel. Lantas to pola-polaya' nu aha mombee'mo hi ia, toto sa'angu'an na tokon anu ingala hi toto samian na polaya' nu aha tompukan nu tulunan nu bansa. Iwi-iwi'mo sampulu' ka' ohua' na tokon, ka' sala'sa'angu' kiijo'mo na tokon i Harun.

NOMBILANGMO 18:2

To utu-utus nu beleyum tulunan nu bansa Lewi tionyo ahi' nu ala da bau pontulungi apaa na anu nu kalaja ka' apaa na anu nu kalaja nu to ana-anak nu beleyum.

NOMBILANGMO 9:15

I sinaa pompotinjoanmo Kemah nu Tumpu, tinokamo na kundom nohohungi Kemah aijo'. Salatan pe'e nalomo sangkutnyo tinoka daagi' subu, kundom aijo' otoa sumo apu.

SISIKON NU TO RASUL-RASUL 7:44

Kemah katokaan nu Tumpu hi mian ola kiijo' hi mompolee'to i padang bone'. Kemah aijo' binau kalana palentah nu Tumpu hi Musa ka' mombatuki sonto' anu pinotoa nu Tumpu Allah hi Musa.