NOMBILANGMO 17:10 - KITAB NU TUMPU ALLA LELE MA'IMAI'

¹⁰ Lantas Tumpu notataemo hi Musa, “Po'ule' potimpas na tokon i Harun i ahop nu Peti' Palajanjian. Tokon aijo' tionyo ahi' opo'una' salaku bau tanda saja' o'inau' nu aha mian Israel, anu saja' moto'idek saba' aha matemo de aha saja' mososon.”

NOMBILANGMO 17:10 Iomraidhean Croise

MAZMUR 57:4

Kiita' mae i suluga' Ia nontaamimo mae ka' nomposalamatmo aku; Ia nompatundu'mo to mia-mian anu nonsakisamo mae aku. Tumpu je na mompotoa mae taalu' memang Ia monginau' aku, ka' saja' mongkalibosi aku.

NOSABATMO 16:32

I Musa notataemo, “Tumpu nompokaumo kita mongala kila-kila ohua' na liter na manna da opo una' hi lee'to, da nutoa nu aha na kaanon anu binee' nu Tumpu hi kita i padang bola, tempo'nyo kita binoa-Nyomo mae nosabat lengkat i Mesir.”

NOSABATMO 16:34

Lantas i Harun nompotimpasmo kuhon aijo' i ahop nu Peti' Palajanjian da opo una' susumo koonyo nu palentah nu Tumpu hi Musa.

YESAYA 1:2

Potombihing pe'e mae langit, palahatikan pe'e mae tano'! Tumpu notatae, “To ana-anak anu kinale sangkumo notomuhukmo hi beleng-Ku.

HOSEA 10:9

Tumpu notatae, “Salatan kinokajadianmo kiijo' i Gilgal mian nu Israel madi'mo ahi' nontibahakon palabuatan dosa' ka' pinanggagamo hi belengku. Mokonyo aijo', kiijo' mae suele i Gibea aha nu pahampateakonmo nu bansa sangga'at.

NOMBILANGMO 14:5

Lantas i Musa ka' i Harun tinolodadupumo i ahop nu mian da'isan.

NOMBILANGMO 16:21

“Pala'i na mian haha aijo'; Ku pateimo na aha uuka aiya.”

NOMBILANGMO 16:40

Aijo' baumo pompo'ingat bansa Israel saba' de misa' lee' i Harun madi' timbali ko samian pe'e toka i mezbah da mompapu kamangian ka' osombahkon hi Tumpu. Mian anu molanggai atulan aijo' opateimo susumo i Korah tiba anu monsangaja'imo ia. Iwi-iwi' aijo' binaumo susumo anu pinalentahkonmo nu Tumpu hi Musa ka' pinoto'inyomo hi Eleazar.

NOMBILANGMO 17:11

Apaa na anu pinalentahkonmo nu Tumpu binaumo i Musa.

NOMBILANGMO 17:4

Boa na tokon haha aijo' i Kemah-Ku, ka' opotimpas i ahop nu Peti' Palajanjian, tampat-Ku biasa singkabot tiba belemiu.

NOMBILANGMO 17:9

Ingalamo i Musa na tokon haha aijo' iwi-iwi', lantas pinotoanyomo hi aha mian nu Israel. Tinoamo nu aha apaa na anu jinadimo, lantas toto samian na polaya' haha aijo' po'ule'mo mongala tokonnyo.

NOMBILANGMO 20:9

Sahingga i Musa nambamo nongala tokon aijo' susumo anu pinalentahkonmo nu Tumpu.

1 KORINTUS 10:10

Kita madi' timbali mososon sumo anu binau nu sambagian aijo' hi aha naipuan mae, sahingga aha pinatean nu Malaikat Kapatean.

EFESUS 5:6

Boli komiu nu akali nu to sisi-sisik anu madi' mimbatu. Kalana anu hahan aijo'mo na monsaduakon Tumpu montambuha'i to mia-mian anu madi' tulu-tulutan hi Ia.

PO'ULE' INGULIT 9:24

Salatan pe'e aku nonsumbu'mo belemiu, belemiu saja' madi' mohongo-hongo Tumpu.

PO'ULE' INGULIT 9:7

Inau' mosia na belemiu nonsabapi Tumpu Allah nu belemiu pinusa i padang bola. Salatanmo pe'e belemiu nompala'imo mae Mesir sampe tinoka i aiya belemiu saja' pinanggaga hi Tumpu.

IBRANI 9:4

I uno nu salipi' aijo' daagi' ko mezbah mosoni' na binau bau pompapuian kamangian, ka' daagi' mule' ko Peti' Palajanjian. Peti' aijo' i lapisan songko-songko nu mosoni'. I uno nu Peti' aijo' daagi' ko kuhon mosoni', isinyo manna, tokon i Harun anu ninsumpemo, ka' ohua' na kobakan nu batu bau pinontulisan; anu kiijo' tuli-tulis sampulu' na palentah nu Tumpu.

1 SAMUEL 2:12

To ana-anak i Eli ma'idek hondo na kinyonyoa nu aha. Aha madi' mompajuli Tumpu.

1 SAMUEL 30:22

Panyo aha to sulu-suludadu i Daud anu namba hingga-hinggat tiba ia, daagi ko anu ma'idek na kinyonyoanyo ka' mule' pangalu'. Aha notatae, “Mian haha aiya madi' namba nombatuki; jadi aha madi' ko hak mohumpak apa-apaana balang anu pinahuhuakon mae aijo'. Aha ola timbali mongala bengkele' tiba to ana-anak nu aha, lapas aijo' mambamo.”