NOMBILANGMO 15:9 - KITAB NU TUMPU ALLA LELE MA'IMAI'

⁹ tionyo ahi' osombahkon suele totolu' na kilogram na labu'ogalo'i lanya' nu zaitun ohua' na liter bau koloban kaanon

NOMBILANGMO 15:9 Iomraidhean Croise

1 TAWARIKH 21:23

“Tinaman i Arauna alamo Tuan,” “baumo apa apaa Tuan apa na anu maima aya! Na to sapi-sapi bau koloban anu opo tunu ka kau pontunuan, alamo na aya papan pongututan, ka paka ala na aya gandum bau palasombahan ku be'o iwi-iwi na atina boli pilenje o pai bayan kita Tuan.”

NEHEMIA 10:33

Kami tionyo ahi' momposadia apa-apaa na anu opalalui de monsombahmo Tumpu kiijo' i Laigan nu Tumpu, aijo'mo: roti anu nasasakmo, palasombahan gandum sansinaa-toka sansinaa, binatang koloban anu opotunu sansinaa toka sansinaa, palasombahan anu susi' sangga'at, koloban anu bau pongampuni dosa' aha mian nu Israel, ka' sinin na anu opalalui opake i Laigan nu Tumpu.

YEHEZKIEL 42:13

Mo'ane aijo' notataemo mae hi belengku, “Ohu-ohua' na laigan aijo' susi'. Ikiijo'mo na to ima-imam anu timbali mangadap hi ahop nu Tumpu, mongkan koloban anu susi' hondo. Ikiijo'mo ahi' na pompo'una'an nu aha koloban anu susi' hondo, aijo'mo: koloban gandum tiba koloban pohapusi dosa' kabai koloban pombolosi lugi'.

YEHEZKIEL 46:11

Kakona mombau-bauonmo ka' molameanmo suele ahi' sapi' lakinyo ka' domba lakinyo toto sa'angu' tionyo ahi' ogampai 17,5 liter na gandum ka' mule' toto sa'angu' na anak nu domba yayamo anu nu kahanda'i nu mian anu monsombah. De monsombahkonmo koloban gandum tionyo ahi' ogampai nu lanya' nu zaitun na osombahkon.

YEHEZKIEL 46:15

Salatan subu-subumo tionyo ahi' saja' osombahkon hi Tumpu: sa'angu' na anak nu domba, koloban gandum tiba lanya' nu zaitun.”

YEHEZKIEL 46:5

Tiba domba lakinyo aijo' tionyo mule' ahi' osombahkon koloban gandum konjoo'nyo 17,5 liter ka' mule' tiba anak nu domba toto sa'angu' tionyo mule' ahi' osombahkon koloban gandum konjoo'nyo yayamo anu okahanda'i. De monsombahkonmo koloban gandum tionyo ahi' ogampai nu lanya' nu zaitun totolu' na liter na suele osombahkon.

YEHEZKIEL 46:7

Tiba sapi' lakinyo ka' mule' mee' lakinyo ia tionyo monsombahkon mule' ahi' gandum konjoo'nyo 17,5 liter bau ponggampai toto sa'angu' na sapi', ka' mule' toto sa'angu' na anak nu domba yayamo anu okahanda'i na konjoo'nyo nu gandum. De mongkolobanakonmo gandum tionyo ahi' ogampai totolu' na liter lanya' nu zaitun na suele osombahkon.

YOËL 1:9

Gandum ka' anggur i nokangkanmo i Laigan nu Tumpu. Sahingga lewa'mo nohangi na to imam-imam, anu mohongo-hongo hondo mombau palentah nu Tumpu.

YOËL 2:14

Ugaat Tumpu nu belemiu mombali'imo tanga'an-Nyo ka' mombee'i balakat hi belemiu anu molabi-labi. Sahingga belemiu monsombahkonmo koloban anggur ka' gandum hi Tumpu nu belemiu.

IMAMAT 14:10

Toka i sinaa ko ialunnyo mian aijo' tionyo ahi' momboa ohua' na anak nu domba lakinyo ka' sa'angu' na anak nu domba behenyo umunnyo anu sataunmo, ka' toto sa'angu' madi' ko panyakitnyo. Ka' suele mule' labu totolu na kilogram anu ginalo'anmo nu lanya' zaitun ka' saliten na lanya' nu zaitun anu obagi totolu', sambahagian na oboa mae.

IMAMAT 6:14

Aiya na to atu-atulannyo mongkona koloban kaanon anu osombahkon hi Tumpu. Koloban aijo' tionyo ahi' oboa i ahop nu mezbah nu samian lee' mae i Harun.

IMAMAT 7:37

Sumo aijo' na to atu-atulannyo mongkona koloban anu opotunu, koloban kaanon anu osombahkon, koloban bau pongampuni dosa', kolobau bau polugi'i, koloban pombalakatian ka' koloban bau pompodame.

NOMBILANGMO 15:10

ka' ohua' na liter na anggur. Hongohisnyo nu koloban aijo' momposanangmo kinyonyoa nu Tumpu.

NOMBILANGMO 15:8

De anu okolobanakon aijo' sa'angu' na sapi' lakinyo bau koloban anu opotunu kabai koloban bau pombayan anu i niatakonmo kabai koloban bau pompodame,

NOMBILANGMO 28:12

Salaku bau koloban anu okaan tionyo ahi' osombahkon labu anu ogalo'i lanya' nu zaitun; totolu' na kilogram na labu anu ponggampai de sa'angu' na sapi' lakinyo; ohua' na kilogram na labu anu ponggampai de sa'angu' na domba lakinyo,

NOMBILANGMO 28:14

Hingga-hinggat tiba koloban anu opotunu aijo' tionyo ahi' suele osombahkon na anggur, konjoo'nyo ohua' na liter anu ponggampai de sa'angu' na sapi' lakinyo, ka' sa'angu' na liter anu ponggampai de sa'angu' na anak nu domba. Aijo'mo na atulannyo nu koloban anu opotunu anu tionyo ahi' osombahkon toka sambitu'on de tanggan satumo sataun toka sataun.

NOMBILANGMO 29:6

Koloban haha aijo' salaku bau pontuangi koloban anu opotunu anu osombahkon hingga-hinggat tiba koloban kaanon i tanggan sa'angu', sambitu'on toka sambitu'on, ka' mule' salaku bau pontuangi koloban anu opotunu sansina-sinaa anu osombahkon hingga-hinggat tiba koloban kaanon ka' koloban anggur. Hongohisnyo nu koloban anu opotunu aijo' momposanangmo kinyonyoa nu Tumpu.

1 SAMUEL 1:24

Salatan i Samuel madi'mo nonsusu ia binoamo nu tinanyo i Laigan nu Tumpu kiijo' mae i Silo. Tempo'nyo aitu ia daagi ise'hondo. I Hana nomboa suele sa'angu' na sapi' lakinyo anu totolu'mo na taun na umunnyo, gandum sampulu' na kilogram, ka' sa'angu' na botutu kilit na binau anu ingisianmo pinobuke nu anggur.