NOMBILANGMO 15:3 - KITAB NU TUMPU ALLA LELE MA'IMAI'

³ Mongkona koloban anu opotunu kabai koloban pombayan anu i niatakonmo kabai koloban kasanangan nu kinyonyoa kabai anu okolobanakon i lamean anu biasamo obau, belemiu timbali monsombahkon hi Tumpu: sapi' lakinyo, domba lakinyo, domba kabai mee'. Hongohisnyo nu koloban haha aijo' momposanangmo kinyonyoa nu Tumpu.

NOMBILANGMO 15:3 Iomraidhean Croise

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

EZRA 7:17

Opake ma'i-ma'ima' na doi aijo' bau pongoli sapi' lakinyo, domba lakinyo, anak nu domba, gandum tiba anggur. Iwi-iwi' aijo' osombahkon i mezbah anu kiijo' i Laigan nu Tumpu kiijo' i Yerusalem.

MAZMUR 54:6

Panyo Tumpu atina'mo na anu montulungi mae aku; Tumpu na montinjohi mae aku.

NOSABATMO 29:18

Osombahkon iwi-iwi' na domba lakinyo aijo' i mezbah, salaku koloban anu otunui. Hongohisnyo aijo' momposanangmo kinyonyoang-Ku.

NOSABATMO 29:25

Lantas ala na roti aijo' hi aha ka' potunu i mezbah, potudu aita i koloban anu otunui aijo'. Hongohisnyo nu koloban haha aijo' momposanangmo kinyonyoang-Ku.

NOSABATMO 29:41

Anak nu domba anu osombahkon de mamalomo tionyo ahi' okolobanakon susumo anu okolobanakon daagi' subu, ogalo'i nu labu, lanya' nu zaitun ka' anggur. Hongohisnyo nu koloban anu opotunu aijo' momposanangmo kinyonyoang-Ku.

IMAMAT 10:13

Roti aijo' tionyo ahi' okaan i tampat anu susi' kalana ingala lengkat i kaanon anu sinombahkonmo hi Tumpu, roti aijo' timbalimo bau bagi nu belemiu ka' to ana-anak nu beleyum anu to momo'ane. Aijo'mo na palentah nu Tumpu hi belengku.

IMAMAT 27:2

atulan haha aiya da ogunakon hi bansa Israel. De samian osombahkonmo hi Tumpu bau pontobus anu i niatnyomo samata-mata obee' hi Tumpu, mian aijo' timbalimo otobus nu doi konjoo'nyo,

IMAMAT 7:16

De ko mian momboa koloban bau pompodame mongganapi niatnyo, kabai bau koloban kasanangan nu kinyonyoa, madi' palalu okaan iwi-iwi' i sinaa aijo'. Labinyo timbali okaanje dodop.

NOMBILANGMO 28:27

Sombahkonmo hi Tumpu koloban anu opotunu aijo'mo ohua' na sapi' lakinyo, sa'angu' na domba lakinyo anu daagi' bata'nyo ka' popitu' na anak nu domba lakinyo anu umunnyo sataunmo bubuu' anu madi' ko panyakitnyo. Hongohisnyo nu koloban anu opotunu aijo' momposanangmo kinyonyoa nu Tumpu.

NOMBILANGMO 29:8

Sombahkonmo hi Tumpu koloban anu opotunu aijo'mo sa'angu' na sapi lakinyo anu daagi bata'nyo, sa'angu' na domba lakinyo, ka' popitu' na anak nu domba lakinyo bubuu' anu madi' ko panyakitnyo. Hongohisnyo nu koloban aijo' momposanangmo kinyonyoa nu Tumpu.

NOMBILANGMO 6:15

Ia tionyo ahi' suele monsombahkon sa'angu' na kalanjang na roti anu binau madi' ginalo'an nu ragi, aijo'mo roti timpodon anu binau labu ginalo'an nu lanya' zaitun, ka' kukis anu monipis anu sinautan nu lanya' zaitun. Ka' sangga'at mule' tionyo ahi' nu sombahkon koloban kaanon ka' koloban anu o inum.

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

2 KORINTUS 2:15

Kalana kami sumo nohong nu kamangian anu manohong, anu pinapuanmo i Kristus bau kapalaluan nu Tumpu. Toka hi to mia-mian anu hau-haunyo mongahopi kahansunan, kami aiya sumo nohong nu kapatean anu mompatei; panyo toka hi to mia-mian anu hau-haunyo oposalamat, kami sumo nohong anu momboa kantumuu'an. Yo, ihe na anu timbali moko ganapi kalaja aiya?

EFESUS 5:2

Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:17

I tampat kajojoongan nu belemiu, belemiu madi' timbali mongkaan anu osombahkon sambagian o ala i anu sampulu' na bagian na gandum nu belemiu, anggur nu belemiu, lanya' nu zaitun miu, sapi' kabai mee' kabai domba nu belemiu anu momona pino'anaknyo, koloban bau pombayan anu jinanji'mo nu belemiu, koloban kasanangan nu kinyonyoa nu belemiu kabai palasombahan sangga'at.

PO'ULE' INGULIT 12:6

I tampatmo aijo' na tionyo ahi' pomboan nu belemiu to kolo-koloban anu opotunu ka' to kolo-koloban sangga'at, anu osombahkon nu belemiu sambagian o ala i anu sampulu' na bagian tiba iwi-iwi' na anu osombahkon sangga'at, koloban bau pombayan anu jinanji'mo nu belemiu, koloban kasanangan nu kinyonyoa miu ka' anak nu sapi' ka' mee' ka' domba nu belemiu anu momona pino'anaknyo.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.