NOMBILANGMO 12:8 - KITAB NU TUMPU ALLA LELE MA'IMAI'

⁸ Ka' Aku motatae tiba ia mompaha ahop, ka' anu sahondo-hondonyo, madi' mongande-andeakon. Ka' mule' ohup-Ku tinoanyomo! Kadaka' belemiu baani mompisala'i i Musa, posaihon-Ku aijo'?”

NOMBILANGMO 12:8 Iomraidhean Croise

KAJADIAN 32:30

Lapas aijo' i Yakub notataemo, “Aku nompaha piamo tiba Tumpu Allah, ka' aku daagi' tinumuu'.” Kalana aijo' sinanggohannyomo na tampat aijo' Pniel.

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MAZMUR 49:4

Ku taeakonmo na potatae nu pikilan anu pande, pikilanku maleeng hondo.

NOSABATMO 19:19

Onyi' nu tolompet nompaka onyi'anmo. I Musa notataemo, lantas tinaamanmo nu Tumpu Allah nu gohung.

NOSABATMO 20:4

Boli belemiu mombau patong anu sumo apa-apaa aita' i langit, i dunia kabai i uno nu uee i aluk nu dunia.

NOSABATMO 33:11

Tumpu tiba i Musa nompaha ahop susumo mian basisik tiba sangalunyo. Lapas aijo' i Musa minsusule'mo i kemah kajojoongannyo. Panyo i Yosua anak i Nun anu daagi' olitau, anu saja' montulungi kalaja' i Musa, na sajojoongnyo ahi' i Kemah aijo'.

NOSABATMO 33:19

Tinaaman nu Tumpu, “Aku motulu, Ku potoaje mosia na balu-balu'nyo na Aku salaku anu opopodaka' miu ka' montaloakon sanggongku anu susi'. Akumo na Tumpu, ka' Ku potoaje na kanonongan-Ku ka' kalibosan hi to mia-mian anu pinile'an-Kumo.

NOSABATMO 33:23

Lantas Ku hambetje na limang-Ku da beleyum timbali montoa Aku aiya mae i hiku, panyo ohup-Ku madi' nu toa.”

NOSABATMO 34:30

I Harun ka' layat iwi-iwi' nontoamo i Musa kino sahayanyomo ka' aha nabuhukmo na nongohani ia.

AMSAL 1:6

Tiba jalan anu sumo aijo' aha moko alamo mompangalati'i apaa na anu ma'isa sinumbu' i uno nu pokinde' ka' mule' mompangalati'imo hahan anu tinaloakonmo nu mian anu pande ka' mule' palakala anu nu posampe mae nu aha.

YESAYA 40:18

Jadi ihe na timbali bau pompokakana konan nu beleyum Tumpu? Ihe na nu anggap pokakana tiba Ia?

YESAYA 46:5

Hihe na bau pompokakanakonan nu belemiu Aku? Te daagi' ko anu pokakana tiba Aku?

YEHEZKIEL 17:2

“O, manusia anu madi' tumuu' batu, sisikakon hi to mia-mian Israel na kantuangan aiya,

YEHEZKIEL 20:49

Panyo aku i Yehezkiel nompoto'imo kabalatanku ka' notataemo, “O, Tumpu Anu Matangkas na Kuasanyo, boli mae mompalentah aku mompoto'i han aijo'! Iwi-iwi' na mian notusa'mo kalana aku saja' mompake ibalat sahingga susa' na opoko ala opangalati'i.”

HOSEA 12:13

I Yakub mompolee'to nopalaimo namba i Mesopotamia, lantas da timbali mohumpak bengkele' ia nomoitamo da bau posaihon hi aha mian anu kiijo' mae ka' lewa'mo nolaya' domba nu mian aijo'.

NOMBILANGMO 14:14

ka' aha monsisikje hi to mia-mian i lipu' aijo', anu nohongomo taalu' Belento, Tumpu, nonsangaluimo mae kami. Aha nohongomo mule' taalu' Belento, Tumpu, nanintoamo hi kami tempo'nyo Belento i lumajangmo namba momona hi kami i uno nu kundom de sinaamo, ka' i uno nu apu de pihimo.

NOMBILANGMO 7:89

De i Musa minsoopmo i Kemah nu Tumpu da basisikmo tiba Tumpu, ia mohongomo potatae nu Tumpu anu montaloakon hi ia lengkat mae aita' i kolop nu Peti' Palajanjian i olotnyo nu patong nu malaekat.

MATIUS 13:35

Salatan sumo aijo' tinimbalimo na anu tinaloakon nu nabi, “Aku mompake kantuang de motatae tiba aha: Aku mompoto'ije hahan anu sulu-suluk daagi' pe'e u'utu mae jinadi na dunia aiya.”

LUKAS 10:16

Lantas i Yesus notatae hi anu saja' mombatuki Ia, “Mian anu mohongo komiu, mohongo Aku. Mian anu madi' montalima komiu, madi' montalima Aku. Ka' mian anu madi' montalima Aku, singkona madi' montalima Ia anu nonsai mae Aku.”

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 15:15

Komiu madi'mo Ku laga botuan, kalana botuan madi' monsumbu' apaa na anu hau-haunyo nubau nu tuannyo. Komiu Ku laga bela' kalana iwi-iwi' na anu i hongong-Ku lengkat mae hi Tuuma, pinoto'ingkumo hi komiu.

YOHANES 15:24

De aijo' hi aha, Aku madi' nombau hahan anu ma'isa toho' binau nu mian sangga'at, aha madi' baladosa'. Panyo u'uka aha nontoamo apaa na anu binaung-Ku, ka' aha nongka'idekimo Aku tiba Tuumang-Ku.

1 KORINTUS 13:12

Apaa na anu otoanto uuka aiya daagi' sumo lolung anu madi' manasa i uno nu mongkitaan. Panyo saidi' mae otoantoje mana-manasa. Uuka aiya ma'isa kusumbu' iwi-iwi', panyo saidi' mae kusumbu'je iwi-iwi', pokakana sumo Tumpu monsumbu' songko-songko butongku.

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.

PO'ULE' INGULIT 18:15

Panyo ola mule' ahi' anu aiya hi posi bansanto na monsai samian na nabi mamba hi belemiu susumo aku aiya ka' tionyo ahi' tulu-tulutan na belemiu hi Ia.

PO'ULE' INGULIT 34:10

Hi aha bansa Israel madi'mo ko nabi anu susumo i Musa timbali motatae mompaha ahop ka' mompaha tonto' tiba Tumpu.

PO'ULE' INGULIT 4:15

“Tutugi ima-ima'! Tempo'nyo Tumpu notatae hi belemiu i uno nu apu kiijo' mae i Bungkutnyo nu Sinai, madi' ko apa-apaa na anu tinoa nu belemiu.

PO'ULE' INGULIT 5:8

Boli mombau na belemiu patong maumo pa' sumo apaa i langit, i tano' kabai i uno nu uee i aluk nu tano'.

KOLOSE 1:15

I Kristus te gambalan nu butong nu Tumpu anu madi' kantoan; i Kristus te anak anu tumpe, lebe penting molingkudui iwi-iwi' apaa na anu pinotimbalimo.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

IBRANI 1:1

Tempo'nyo naipuan mae Tumpu ola saja' basisik hi mompolee'to nupotoka nu to nabi-nabi ka' mompake ngangahan nu anu obau.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

2 PETRUS 2:10

utamanyo to mia-mian anu montuluti apaa na anu nu kamilui nu aha, aijo'mo napisu anu mahenyu ka' anu monjojoa kakuasa'an nu Tumpu. Baani ka' takabun hondo na to gulu-gulu' anu madi' totu'u haha aijo' sahingga aha madi' bata-bata na monjojoa Tumpu anu opopodaka' kiita' i suluga'!

YUDAS 1:8

Sumo aitu mule' na mian haha aijo' ola lewa' mompopikilakon anu santo misa-misa' sampe aha mombau dosa' i posi butong nu aha. Aha monte kuasa nu Tumpu ka' mompopo'ise' malaikat anu talasanggo kiita' i suluga'.