NOMBILANGMO 12:6 - KITAB NU TUMPU ALLA LELE MA'IMAI'

⁶ lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

NOMBILANGMO 12:6 Iomraidhean Croise

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

KAJADIAN 20:7

Panyo uuka aiya sule'akonmo na ia hi langkai'nyo. Langkai'nyo te nabi, ka' nu do'akonje na beleyum da beleyum madi' silaka. Panyo de beleyum madi' monsule'akon ia, yo toaje beleyum ka' layat nu beleyum iwi-iwi' silakamo.”

KAJADIAN 28:12

Lapas aijo' ia nongipimo, au'aitu ia nontoa sa'angu' na ojan anu tinjo-tinjo i tano' ka' tuu'nyo nontoka langit ka' to mala-malaekat mintau' ka' moliba' i ojan aijo'.

KAJADIAN 28:16

Lantas i Yakub nobulamo aijo' ikina hoyotannyo ka' notatae, “Daagi' ko Tumpu i tampat aiya, panyo aiyaje ka' sinumbu'ku!”

KAJADIAN 37:5

Daagi' kino sampahuan i Yusuf nongipimo, ka' tempo'nyo ia nonsisik ipionnyo aijo' hi to utu-utusnyo tu'a, aha nompaka ka'ideki mule' ia.

KAJADIAN 37:9

Lapas aijo' i Yusuf po'ule' mule' nongipi, ka' sinisiknyo mule' hi to utu-utusnyo tu'a, “Aku po'ule' mule' nongipi, aku nontoa batu nu sinaa, bitu'on ka' sampulu' sa'angu' na mandala' monsombah aku.”

KAJADIAN 46:2

Salatan i nalomo ia nontoamo, Tumpu Allah notatae hi ia, “Yakub, Yakub!” Tinaamannyo, “Apaa, Tumpu”.

2 SAMUEL 7:4

Panyo pihi-pihi aitu notataemo na Tumpu hi Natan,

1 TOMU-TOMUNDO' 3:15

Salatan nobulamo, sininsumbu'mo na i Salomo taalu' Tumpu Allah binasisikmo hi ia i uno nu ipion. Sahingga ia ninsusule'mo i Yerusalem ka' tinuminjomo i ahop nu peti' palajanjian nu Tumpu ka' nonsombahkon koloban anu opotunu tiba koloban paladamean lapas aijo' ia nombaumo baubauon ka' ilaganyo na to mia-mian anu ko pangkatnyo.

1 TOMU-TOMUNDO' 3:5

Pihi-pihi aitu Tumpu nanintoamo mule' hi ia i uno nu ipion ka' notatae, “O Salomo, poita mae pa'apa na anu nu ka'ima'i, aijo' da Ku bee'mo hi beleyum!”

AYUB 33:15

Mian pe'e anu hoyot binobogonmo pihi-pihi, ia nongipimo ka' nontoamo, Tumpu Allah notatae.

AYUB 4:13

Aku madi'mo tinohoyot ka' tinolosikangkangmo, sumo nongipimo anu ma'idek pihi-pihi tonga'bongi'.

MAZMUR 105:15

“Boli lewa' mamba mompoposia mian haha aijo' anu pinile'an-Kumo, boli mombau anu ma'idek hi to nabi-nabi-ngKu!”

MAZMUR 89:19

Kalana anu nonjagai mae kami aijo'mo mian anu pinile'anmo mae nu Belento, o, Tumpu; tomundo' mami Belento Tumpu Israel na tumpunyo anu Susi'.

NOSABATMO 7:1

Tumpu notatae hi Musa, “Ku potimbalimo na beleyum sumo Tumpu Allah i ahop i tomundo, ka' utus nu beleyum i Harun na basisik hi ia salaku nabi nu beleyum.

YEREMIA 23:25

Iwi-iwi' na anu pinoto'imo nu nabi haha aijo' sinumbu'-Kumo. Nompakemo atas sanggong-Ku na aha nombaleko'i tukoonyo nu aha potuunon-Ku tinalimamo nu aha pino ipi mae.

YEREMIA 23:28

Nabi anu nongipimo sabenannyo ahi' mompoto'i, ‘Aiya ola anu ingipi.’ Panyo nabi anu nohumpakmo potuunon lengkat mae hi beleng-Ku na tionyo ahi' mompoto'i potuunon aijo' tiba sahondo-hondonyo. Gandum madi' timbali opokakanakon tiba hatinyo.

YEHEZKIEL 1:1

Itanggan olima' bitu'on anu ko opatnyomo; itaun kotolumpulu'nyomo, sala'je kinona itaum kino olima'nyo salatan i Tomundo' Yoyakhin binoamo itampat pinomboan ka' pinompojoongan, aku i Imam Yehezkiel anak i Busi anu jojoong isonibi nu Kaunyo Kebar i daerah Babel hingga-hinggat tiba aha to mia-mian nu Yahudi sangga'at anu pinojoongmo kiijo' mae. Madi' pinin langit tinabukamo ka' aku nontoamo Tumpu Allah. Ihongongku na Tumpu notatae mae hi belengku, ka' ingoa'anku nahosonmo nu kuasa-Nyo.

DANIEL 10:8

Aku pinalaianmo nu aha ikiijo' me posi sausa'ku ka' lewa'mo nompalahatikan anu tinoangku aijo' nonompotolokengkengmo mae aku. Aku madi' kinohenggo-henggo ohupku inesemo hondo.

DANIEL 2:19

Pihi-pihi aijo' suele Tumpu nompoto'imo lahasia aijo' hi Daniel i sa'angu' na han anu tinoa. Sahingga i Daniel nompuji'mo Tumpu kiita i suluga,

DANIEL 7:1

Daagi' kinosampahuan i taun momonanyo i Belsyazar tinimbali tomundo' i Babel, aku i Daniel nongipimo ka' nontoamo. Ipion aijo' tinuliskumo ka'pinoto'ingkumo na anu tinoangkumo aijo' sumo uuka: Mombun anu mabohos hondo lengkatmo mae iyaya sahingga binokolonmo na ndalangon.

DANIEL 8:2

Aku nontoa aijo', au' aitu butongku kiijo' mae i propinsi Elam, kiijo' i kota' Susan puso nu kota' Persia. Aku tinuminjo koko Kaunyo nu Ulai,

HOSEA 12:11

Aku notataemo hi to nabi-nabi, ka' nompotoamo manjoo' hondo na anu tinoa hi aha. Aku nompakemo aha da mompoto'i iwi-iwi' na tanga'an-Ku kona hi belemiu mian-Ku anu palesayamo,

YOËL 3:1

Tumpu notatae, “Tempo'nyo aijo' Yerusalem tiba Yehuda Ku po ule'mo na kasanangan i uno nu kantumuu'an nu aha.

ZAKHARIA 1:8

tinoangku malaekat nu Tumpu nonsake'imo sa'angu' na ajahan momea'. Ia tinuminjomo isa'angu' na bangka'nyo i olot nu kau' murad. Aitu mae ihikunyo tinuminjo pa sangkuka na ajahan sangga'at daagi' ko anu momea', daagi' ko anu gio-gio mohaha tiba anu mopute'.

NOMBILANGMO 24:4

anu nohongomo potatae nu Tumpu Allah ka' nontoamo Anu Daka' hondo na kuasanyo nanintoa hi ia ka' tinombahangkangmo panyo matanyo jila-jila.

MATIUS 1:20

Hau-haunyo i Yusuf mompopikilakon han aijo', ia nongipi. I uno nu ipionnyo aijo', ia nontoa samian na malaikat nu Tumpu anu notatae hi ia, “Yusuf, tulunan i Daud, boli mabuhuk monika'i Maria; sabab anak anu i uno nu ma'alumnyo aijo' kuasa nu Roh nu Tumpu.

MATIUS 2:19

Noko sinilaka na i Herodes, tempo'nyo i Yusuf daagi' i Mesir samian na malaikat nu Tumpu nanintoa mule' hi Yusuf i uno nu ipion.

MATIUS 23:31

Jadi, posi komiu mangaku saba' komiumo na lee' nu to mia-mian anu nompatei to nabi-nabi!

MATIUS 23:34

Hongo ima-ima': Aku monsaije hi komiu to nabi-nabi, to mia-mian pande, ka' to gulu-gulu'; sambahagian lengkat hi aha o pateije miu, ka' sambahagian anu sangga'at o salibje miu. Daagi' ko anu o sakisaje miu i uno nu laigan pogalejaan, ka' komiu mahantumput lengkat i sa'angu' na kota mokiijo' i kota sangga'at.

MATIUS 23:37

“Yerusalem, Yerusalem! To nabi-nabi pinateanmo. To posa-posaihon nu Tumpu pinahambunu'akonmo nu batu sampe i nate. Piangkukamo na Aku mongka'oho' molimu' iwi-iwi' mian nu kampungum, sumo tina nu manuk mongokobi sioknyo i aluk nu polipiknyo, panyo komiu madi' mongka'oho'!

MATIUS 27:19

Tempo'nyo aitu i Pilatus hau-haunyo sinumuhang i kulusi, anu pomputusian palakala, bengkele'nyo nompotuun potuunon sumo uuka hi ia, “Boli beleyum matigalo' i palakala hi mian anu madi' ko kosala'nyo aijo', sabab kalana Ia, aku kino ipion ma'idek sinaa aiya.”

LUKAS 1:11

Tempo'nyo aitu Malaikat nu Tumpu nanintoa hi Zakharia. Malaikat aijo' tinuminjo i sasu koanan i meja' pompapuian kamangian.

LUKAS 1:22

Ka' salatan ia nosabatmo, madi'mo ia noko potatae hi aha. Ia me mompoti-potiju' nu limanyo, panyo tataap momo'. Sahingga to mia-mian nangalati'mo, tukoonyo nu aha, ia nontoamo apa-apaa kiijo' i Laigan nu Tumpu.

LUKAS 20:6

Panyo de otaloakonto, ‘Mian na nombee'i hak,’ iwi-iwi' na mian mompahambunu'akon mae nu batu kita, kalana nu palesaya nu aha na i Yohanes samian na nabi.”

SISIKON NU TO RASUL-RASUL 10:11

Tinoanyo langit tinabuka'mo ka' sumo hude anu bolaa inguluakon i dunia, kala-kalayo' i opat na pasu'nyo.

SISIKON NU TO RASUL-RASUL 10:17

I Petrus biningungmo na mompotutugakon apaa na alati'nyo nu anu tinoanyo aijo'. Hau-haunyo i Petrus mompotutugakon, to mia-mian anu sinai mae i Kornelius nolio pa' iya na laigan kinasonsoo'an i Simon tempo'nyo aijo' aha anu nolio kiijo'mo i ahop nu tumban.

EFESUS 4:11

Iamo na anu “mombee'i palasen-palasen hi mian”; sambagian i hangkat-Nyo tinimbali rasul, sangga'at tinimbali nabi; sangga'at mule' tinimbali pompolele Lele Ma'ima' aijo', ka' sangga'at mule' i hangkat-Nyo tinimbali to gulu-gulu' ka' pongatun jama'at.

PO'ULE' INGULIT 18:15

Panyo ola mule' ahi' anu aiya hi posi bansanto na monsai samian na nabi mamba hi belemiu susumo aku aiya ka' tionyo ahi' tulu-tulutan na belemiu hi Ia.

PO'ULE' INGULIT 18:18

Anu aijo' i posi bansa nu aha na Ku sai mamba hi aha aijo'mo samian na nabi susumo beleyum. Ku poto'ije hi ia apaa na anu tionyo ahi' nu poto'i lantas nu poto'ije i bansa aijo' iwi-iwi' na anu Ku palentahkonmo.

IBRANI 1:1

Tempo'nyo naipuan mae Tumpu ola saja' basisik hi mompolee'to nupotoka nu to nabi-nabi ka' mompake ngangahan nu anu obau.

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.

ANU PINOTO'I HI YOHANES 11:3

Aku monsaije ua'aha na sakising-Ku anu mompusok baju' monsusa'akon anu silakamo, ka' aha mompoto'ije lele nu Tumpu Allah kopinnyo 1.260 na sinaa.”

1 SAMUEL 28:6

Lantas ia nompoitamo pokinde' lengkat hi Tumpu, panyo Tumpu madi' nontaami, mau pa' ingipi kabai maumo nompake Urim ka' Tumim da osumbu' na kahanda' nu Tumpu kabai pa' nu poto'i nu to nabi-nabi.

1 SAMUEL 3:15

Lapas aijo' i Samuel po ule'mo i hoyot, ka' nopatas mae subu-subu ia nobulamo ka' nontuhea'akonmo iwi-iwi' tumban nu Laigan nu Tumpu. Ia mabuhuk na mompoto'i anu tinoanyomo aijo' hi Eli,