NOMBILANGMO 11:11 - KITAB NU TUMPU ALLA LELE MA'IMAI'

¹¹ Lantas ia notataemo hi Tumpu, “Kadaka' Belento nonsusa'imo mae aku sumo aiya? Pa' Belento madi'mo sinanang hi belengku? Kadaka' Belento nombee'imo mae pakalaja'an hi belengku mongatun mian iwi-iwi' aijo'?

NOMBILANGMO 11:11 Iomraidhean Croise

AYUB 10:2

O Tumpu Allah, bolimo nupisala'i mae Nu belento na aku; potalangakonmo mae kadaka' aku Nu ewamo mae nu Belento.

MAZMUR 130:3

De Belento saja' monginau' dosa' mami, o, Tumpu, ihe na moko ala totahan i ahop nu Belento?

MAZMUR 143:2

Aku aiya posaihon nu Belento, boli mae mompulusi aku, kalana madi' ko mian anu madi' kokasala'annyo i ahop nu Belento.

NOSABATMO 17:4

Lantas i Musa notataemo hi Tumpu, ia notatae, “Apaa na anu tionyo ku bau hi mian haha aiya? Pitoa, aha mongka'oho'mo mompobunu'i mae nu batu.”

NOSABATMO 5:22

Lantas i Musa po'ule'mo nangadap hi Tumpu ka' notatae, “O Tumpu, kadaka' bansa Israel talalomo Nu bau ide-idek sumo aiya? Kadaka' Belento nonsaimo mae aku no uuka mae?

YEREMIA 15:10

Memang aku aiya sinoe'mo! Apaa na gunanyo aku pinohampe nu tinangku? Ka' mule' batu-batu mian ilipu' aiya tionyo aku painggaga ka' paimpisa-pisala'an. Maumo ahi' aku madi' toho' nonsabolakon kabai nonsabon, panyo aku kinutukanmo mae nu mian iwi-iwi'.

YEREMIA 15:18

Kadaka' aku saja'mo mongoa'i sansala? Kadaka' belangku talalomo ahi' tinadok ka' madi'mo dongan ma'alin? Pa' Belento ko kahanda'mo ahi' mompopato kinyonyoangku susumo kaunyo anu mo'otimo itempo' nu posinaa?”

MALEAKHI 3:14

Belemiu notatae, ‘Palasuma na aku monsombah Tumpu. Apaa na gunanyo mombau anu halus obaunto salaku bau pongadati Tumpu Anu Daka' na Kuasanyo kabai opotoanto hi Ia nakalakuanto salaku bau pomponyata saba' kita aiya nompele-pele'mo na nombau kasala'anto?

NOMBILANGMO 11:10

I Musa nohongomo aha mian nu Israel lewa'mo nososon, ka' lewa'mo tinuminjo toto santompuk i ahop nu sabatan nu kemah nu aha. Sahingga talalomo hondo pinusa na Tumpu, ka' i Musa sinusa'mo hondo.

NOMBILANGMO 11:15

De Tumpu saja' mombau aku sumo aiya, paya'mo na aku; sahanyo pateimo mae na aku lia-lia' da aku madi'mo mongoa'i kasansala'an anu sumo aiya.”

2 KORINTUS 11:28

Ka' mule' i han iwi-iwi' aijo', sansina-sinaa aku bata-bata kalana montoa kalakuan nu jama'at iwi-iwi'.

PO'ULE' INGULIT 1:12

Panyo' mosia na timbali de posi aku na monsimbu tanggung jawab anu maboat, da mombauakon iwi-iwi na han.