NOMBILANGMO 11:1 - KITAB NU TUMPU ALLA LELE MA'IMAI'

¹ Daagi' kino sansinaan aha bansa Israel nontampu'unimo nososon hi Tumpu kalana nongoa'imo sagala kasusa'an nu aha. Nohongo aha nososonmo aijo' Tumpu pinusamo ka' nompotokamo mae apu hi aha. Apu nolelemo hi aha ka' nompapuimo sambagian na kemah nu aha.

NOMBILANGMO 11:1 Iomraidhean Croise

KAJADIAN 38:10

Apaa na anu binaunyomo aijo' nonsabapimo da Tumpu pinusamo, ka' Tumpu nompateimo ia suele.

2 SAMUEL 11:27

Salatan ilapasmo na adat nu tomate sinaimo i Daud na mian namba nolaga boune aijo' da toka mae i laigan nu tomundo' kaka jojoongannyo ka' ingosoannyomo na ia. Tino pia-piangkuka na bitu'on ihampemo na anaknyo, anak aijo' mo'ane. Panyo madi' nu ka'ima'i nu Tumpu na palabuatan i Daud aijo'.

2 TOMU-TOMUNDO' 1:12

Tinaaman i Elia, “De aku aiya memang posaihon nu Tumpu Allah,” apu lengkat mae i langit mompapuimo beleyum tempo'nyo aitu mule' apu lengkat mae hi Tumpu Allah nompapuimo suludadu anu matangkas na pangkatnyo aijo' ka' limampulu' na mian sangko suludadunyo aijo'.

AYUB 1:16

Daagi' hau-haunyo ia motatae, tinokamo mae mule' na posaihon anu ko ohua'nyo nompoto'i, “Iwi-iwi' na domba nu Belento Tuan tiba aha anu lewa' molaya' sinosakmo nu kilat sahingga sinilakamo iwi-iwi'. Olamo aku aiya na noko ala nopalai mae da mompoto'i hi belento Tuan.”

MAZMUR 106:18

Apu na nintatau' mae nompapui gombuan nu aha, nontoyo'imo aha iwi-iwi' anu pinalagantamo.

MAZMUR 78:21

Nohongo potatae aijo', Tumpu notambuha'mo ka' nolambanimo mae mian anu palesayamo hi Ia, binoakon-Nyomo apu; tambuha'nyo hi aha kino sida-sidanyomo,

MAZMUR 78:63

To oli-olitau nu aha kinaanmo nu apu; madi'mo ko anu nongosoai to lalangkoyang nu aha.

NOSABATMO 16:7

Dodop daagi' subu belemiu montoamo jingka salaku tanda Tumpu tokamo. I hongomo nu Tumpu na belemiu saja'mo motambuha' hi Ia; memang, hi Tumpu kalana kami aiya ola mombau apaa na anu pinalentahkon-Nyomo.

NOSABATMO 16:9

Lapas aijo' i Musa notataemo hi Harun, “Pokau mae na aha iwi-iwi' toka mae mangadap hi Tumpu, kalana i hongo-Nyomo na aha nososon.”

YESAYA 10:17

Tumpu anu susi', Jingka nu aha Israel, timbalimo susumo moak nu apu anu ola i uno nu sansinaa timbalimo montanggoti iwi-iwi na apaa ka' mule' iwi-iwi na kuhat anu kohii'nyo.

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

YESAYA 33:14

Aha to mia-mian baladosa' i Sion nu lakatmo nu nubuhak. Aha motataemo, “Kaputusan nu Tumpu sumo apu anu banyela-nyelakmo sampe toka sidu-sidutu'. Te daagi' ahi' komian anu moko ala tumuu' i uno nu apu anu mompateimo aijo?”

MOHAANGI 3:39

Kadaka' mian motusa'mo ka' mompele-pele' de ia ohukum kalana dosa-dosa'nyo?

YEHEZKIEL 20:36

susumo anu binaung-Kumo hi mompolee' nu belemiu itampat anu Mateges Sinai. Aku, Tumpu Anu Matangkas na Kuasanyo notataemo.

IMAMAT 10:2

Sahingga Tumpu nontau'akonmo mae apu anu nontoyo'imo aha sahingga i natemo i Kemah nu Tumpu.

NAHUM 1:5

Bungkutnyo iwi-iwi' ilakatnyo i ahop-Nyo, ka' puge'nyo suele na enamo iwi-iwi'. De Tumpu tokamo mae dunia langkakatanmo ka' iwi-iwi' na anu monjojoongi suele nu lakatmo.

HABAKUK 3:5

Pinalentahmo nu Belento na panyakit mamba momona lantas nu tuntunije nu Belento, ka' kasilakan mombatuki aitu mae imihi nu Belento.

NOMBILANGMO 10:33

Salatan aha bansa Israel nompala'imo Sinai, bungkutnyo kajojoongan nu Tumpu, aha i lumajang kopinnyo tinolun sinaa. Peti' Palajanjian nu Tumpu saja' oboa mamba momona da aha molio tampat bau pompotinjoan kemah nu aha.

NOMBILANGMO 11:18

Poto'imo uuka aiya hi bansa aijo'. Posusi'mo na butong nu belemiu dodop; belemiu mongkaanmo ponoha'. Tumpu nohongomo belemiu i humang ka' nososon, kalana belemiu ka'oho'mo mongkaan antok nu binatang ka' kantumuu'an nu belemiu lebemo sanang molingkuduimo tempo'nyo i Mesir. Uuka aiya Tumpu mombee'imo belemiu antok nu binatang, ka' okaanmo nu belemiu.

NOMBILANGMO 12:2

Aha notatae, “Te ola hi Musa na potataean mae nu Tumpu? Te misa' mau hi kita suele Ia timbali motatae?” Tumpu nohongomo apaa na anu tinaloakonmo nu aha.

NOMBILANGMO 14:2

Aha lewa'mo monsosoli' i Musa ka' i Harun, ka' montaloakon, “Lebe ma'ima' kita matemo mae i Mesir kabai i padang bola aiya! Pojohokmo da kita matemo!

NOMBILANGMO 14:22

saba' mian haha aiya madi'mo daagi' ko samian pe'e na anu daagi' tumuu' minsoop i lipu' anu jinanji'-Kumo hi mompolee' nu aha. Kalana aha madi' mongka'oho' tulu-tulutan hi beleng-Ku ka' saja' monsoba-soba Aku. Padahan aha nontoamo jingkang-Ku anu jongkilaban ka' anu okabangangi, anu binaung-Kumo i Mesir ka' i padang bola.

NOMBILANGMO 14:27

“Sampe toka hipian na mian haha aiya anu toto ide-idek na kinyonyoanyo mososon mae hi beleng-Ku? Iwi-iwi' na pososon nu aha i hongong-Kumo.

NOMBILANGMO 14:28

Belemiu tionyo ahi' montaami aha sumo uuka: Tumpu notatae, ‘Aku basumpa' i butong-Ku anu tumuu' taalu' belemiu Ku potimbalije susumo anu tinaloakonmo miu hi beleng-Ku. Aku, Tumpu, notataemo.

NOMBILANGMO 16:11

De beleyum tiba anu monsangaja'i beleyum mososonmo hi Harun, sumo-sumomo belemiu panggagamo hi Tumpu!”

NOMBILANGMO 16:35

Lantas Tumpu nompotokamo mae apu anu nontoyo'imo aha 250 na mian, anu nonsombahkonmo kamangian aijo'.

NOMBILANGMO 17:5

Tokon nu mian anu Ku pile'imo atina' minsumpemo. Tiba jalan anu sumo aijo', Ku pobelentimo na pososon nu to mia-mian anu saja' monsosoli belemiu.”

NOMBILANGMO 21:5

ka' nososonmo hi Tumpu Allah ka' hi Musa. Aha notatae, “Kadaka' belento nomboamo mae kami nosabat lengkat i Mesir? Pa' kahanda'mo mompatei kami i padang bola aiya? I aiya madi' ko anu okaan, ka' uee mule' imadi'an. Kami na osamo na nongkaan anu madi' ko nyamitnyo aiya!”

1 KORINTUS 10:10

Kita madi' timbali mososon sumo anu binau nu sambagian aijo' hi aha naipuan mae, sahingga aha pinatean nu Malaikat Kapatean.

PO'ULE' INGULIT 25:18

Aha madi' nabuhuk hi Tumpu Allah ka' nontumbuhimo mae belemiu aitu mae i mihi, salatan belemiu nalawemo ka' madi'mo ko kahosonan, lantas nompateimo iwi-iwi' na mian sangalu miu anu madi'mo noko ala i lumajang aitu mae i mihi.

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.

PO'ULE' INGULIT 9:22

Suele i Tabera, i Masa ka' i Kibrot-Taawa, belemiu nonsabapimo da Tumpu notambuha'.

IBRANI 12:29

Kalana Tumpunto sumo apu anu montoyo'i.

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.

YUDAS 1:16

Mian haha aijo' ola saja' motusa' ka' mompisala'i to mia-mian sangga'at. Aha tumuu' montuluti apaa na anu nukamilui nu aha anu moko baladosa'. Aha mombuulakon posi butong ka' mongakali mian da mohumpak ka'untungan.