NOMBILANGMO 10:9 - KITAB NU TUMPU ALLA LELE MA'IMAI'

⁹ Ka' de belemiu mahampate i lipu' nu belemiu montinjohakon kabaanian mongahopi sampobali' anu montumbuhi mae, puuhimo ka' po'onyi' na tolompet haha aijo'. Sahingga Aku, Tumpu Allah nu belemiu na montulungi ka' momposalamat belemiu da sampobali' nu belemiu boli mae monsilakai.

NOMBILANGMO 10:9 Iomraidhean Croise

KAJADIAN 8:1

Tumpu Allah madi' mongkolilimi i Nuh ka' binatangnyo iwi-iwi' anu daagi' hi ia i uno nu kapan aijo'. Tumpu Allah nompotobungmo mombun, sahingga uee nontampu'unimo tinolo tutus.

2 TAWARIKH 13:12

Kapala mami Tumpu Allah ka' to ima-imam-Nyo aiya hi kami. Ka' aha nosadiamo mompuhi tolompet bau pontanda'i, kami montumbuhimo belemiu. O belemiu mian nu Israel, boli panggaga hi Tumpu, Tumpu Allah nu mompolee' miu! Komiu madi' untung na mahampate!”

2 TAWARIKH 13:14

Salatan gombuan nu suludadu nu aha Yehuda nontoamo taalu' aha tinikumo, aha noloboo'mo momoita tulung hi Tumpu. To ima-imam nompuhimo tolompet,

MAZMUR 106:4

Inau'akon mae na aku, O, Tumpu, kalana Belento mongkanonongi mian anu palesayamo hi Belento, tulungiakon mae suele mule' na aku, de Belento momposalamatmo aha.

MAZMUR 106:42

Lantas aha saja'mo sinakisa nu anu monsampobali' aha, ka' tinundu'mo i kakuasa'an nu aha.

MAZMUR 136:23

Ia madi' mongkolilimi kita, tempo'nyo kita pinatundu'mo; kalibosan-Nyo sampe toka sidu-sidutu'.

YESAYA 18:3

O, belemiu iwi-iwi' anu monjojoongi dunia aiya! Soba palahatikan de bandela' opotinjo' ito bungku-bungkutnyo! Soba potombihing de tolompet opo'onyi'mo!

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

YEREMIA 4:19

Sinansalamo hondo na kinyonyoangku, madi'mo ku poko ala montahan kasansala'an. Aku madi'mo moko ala monsabaanakon butongku sulengku nangada'mo i uno nu saha'anku, kalana ihongongkumo na tolompet ingumonyi'mo, tiba ais nu pahampatean nayontokmo mae.

YEREMIA 4:21

Sampe toka hipian na aku tionyo monsakisi mian mahampate taha-tahahumo? Sampe toka hipian na tionyo aku mohongo onyi' nu tolompet anu talalomo na onyi'nyo?

YEREMIA 4:5

Puuhimo na tolompet isongko-songko na lipu'! Poloboo'mo nasa-nasa. Palentah na mian anu jojoong i Yehuda tiba Yerusalem popalaimo lako' mamba ikota-kota' anu ko bentengnyo.

YEREMIA 49:2

Te madi'mo daagi' ko ahanyo mian nu Israel anu timbali mompo ago daerah aijo? Panyo tokaje mae na tempo'nyo Ku pojadije na mian anu jojoong i Raba, puso nu kota' nu lipu' Amon aijo' mohongomo ais nu pahampatean. Kota' aijo' mohobo'mo ka' kampung toto ise-ise anu idaerahnyo mopapumo ingko-ingkot. Lantas Israel po ule'mo mongala tano'nyo aijo' hi aha anu naipuan mae nongalamo.

YEREMIA 6:1

Lako palaimo, o tomia-mian nu Benyamin! Pala'imo na Yerusalem! Po onyi'mo na tolompet kiijo' i Tekoa ka' pomoakmo na apu salaku tanda i Bet-Kerem! Balaa' tiba kasilaka'an anu opalias hondo montumbuhimo mae lengkat isasu utara.

YEREMIA 6:17

Lantas Tumpu nompo uli-ulitmo nohangkat ponjaga-ponjaga da mompotuka'akon hi aha da mompotombihing salaku tanda tolompet. Panyo mian notataemo, “Kami madi' mongka'oho' mompotombihing.”

YEHEZKIEL 7:14

Tolompet ingumonyi'mo ka' iwi-iwi' na mian nosadiamo. Panyo mau pe'e samian madi' ahi' ko anu namba nahampate itampat pahampatean, kalana tambuha' nu Tumpu nongkonamo iwi-iwi' na mian.

HOSEA 5:8

Puuhimo na tolompet kiijo' i Gibea! Po'onyi'mo na tanda polaga mahampatemo kiijo' mae i Rama! Poloaismo salaku tanda mahampatemo kiijo' mae i Betel! Soba mian nu Benyamin ahopimo ka' pahampatemo!

AMOS 3:6

Te toho' mule' mian i kota', madi' nu lakat de mohongomo onyi' nu tolompet tandanyo mahampatemo? Ugaat mule' sa'angu' na kota' nukona nu balaa' de Tumpu madi' nombee' i balaa'?

ZEFANYA 1:16

Sansinaa aijo' na mohongo onyi' nu tolompet tiba ais nu mian anu mahampate aijo'mo aha to sulu-suludadu anu nontumbuhimo iwi-iwi' na kota' anu bentengnyo ka' laigan toto tangka-tangkas bau pontanggalakonan mian.

NOMBILANGMO 31:6

I Musa nompalentahmo aha mamba mahampate hingga-hinggat tiba i Pinehas anak i Imam Eleazar. I Pinehas nomboa to bala-balang anu susi' ka' tolompet bau pohongoan tanda.

1 KORINTUS 14:8

Sa'angu' na sonto' sangga'at mule': De tolompet madi' opo onyi' ima-ima' ihe na mogogau' da mahampatemo?

PO'ULE' INGULIT 20:1

“De belemiu mambamo mahampate mongewamo sampobali' nu belemiu, boli mabuhuk na montoa kareta anu nupake mae nu aha mahampate ka' ajahan nu aha manjoo' ka' suludadu nu aha anu konjoo'nyo molingkuduimo konjoo'nyo nu belemiu. Tumpu Allah nu belemiu anu nompobebasmo belemiu lengkat mae i Mesir, na montulungi belemiu.

YOSUA 6:5

Lapas aijo' to ima-imam mompuhimo tolompetnyo ka' opomantanmo na mompuhi. Salatan beleyum mohongomo onyi'nyo anu pinomantanmo aijo' iwi-iwi' na suludadu aijo' lewa'mo molo'ais daka-daka', sahingga pagan mesen haha aijo' i kota; mohobo'mo. Lantas belemiu iwi-iwi' tionyo ahi' mompinsoopimo kota aijo'.”

TO MIA-MIAN KOPIAN 10:8

Sampulu' ka' ualu' na taun na kinopinnyo na bansa anu ohua' aijo' nonsansala aha iwi-iwi' mian nu Israel anu jojoong i Gilead, aijo'mo da'erah nu Amori sasu kabete'an i Kaunyo nu Yordan. Aha nompalentah mian nu Israel nasigo hondo.

TO MIA-MIAN KOPIAN 2:18

De Tumpu mombee'imo samian na polaya' hi bansa Israel, Tumpu saja' montulungi polaya' aijo'. Ka' de polaya' aijo' daagi' tutuu' Tumpu saja' montoa aha da boli opoposia nu sampobali' nu aha. Ia molibos hi aha de ia mohongo aha susa'mo kalana osansalamo ka' sakisamo.

TO MIA-MIAN KOPIAN 3:27

Lia-lia' salatan tinokamo i bungkutnyo nu Efraim, ia nompuhimo tolompet bau polaga mian nu Israel da mambamo mahampate. Aha tinokamo lantas i laya'nyomo na aha nokaiyong lengkat mae i da'erah nu bungkutnyo aijo':

TO MIA-MIAN KOPIAN 6:34

Panyo i Gideon kinuasanmo nu Roh nu Tumpu sahingga pinuhannyomo na tolompet polaga aha mian nu Abiezer da toka mae mosa'angu' tiba ia.

TO MIA-MIAN KOPIAN 6:9

Belemiu pinosalamat-Kumo da madi'mo nu palentah nu aha mian Mesir tiba aha mian i lipu' aiya tempo'nyo belemiu nontumbuhimo aha, lantas binee'-Kumo hi belemiu na tano' nu aha.

1 SAMUEL 10:18

ka' ia notataemo hi aha, “Sumo uuka na anu pinoto'i nu Tumpu, Tumpu Allah nu aha Israel, 'Aku nomboamo mae belemiu nosabat lengkat mae i Mesir ka' nompobebasmo belemiu da boli nu kuasai nu aha mian nu Mesir ka' iwi-iwi' na bansa sangga'at anu nonsansalamo belemiu.