NOMBILANGMO 10:10 - KITAB NU TUMPU ALLA LELE MA'IMAI'

¹⁰ Ka' suele i sinaa belemiu balame-lame'mo, i Lamean Bitu'on Bu'ou ka' lamean miu sangga'at, tolompet aijo' tionyo ahi' o puuhi ka' opo'onyi' de belemiu monsombahkonmo anu opotunu ka' koloban bau pompodame hi beleng-Ku. Sahingga Aku na montulungi. Akumo na Tumpu Allah nu belemiu.”

NOMBILANGMO 10:10 Iomraidhean Croise

2 TOMU-TOMUNDO' 4:23

“Kadaka' sabole-bole mamba uuka aiya?” na koonyo nu langkai'nyo. “Sinaa aiya misa' sinaa nu Sabat ka' mule' misa' sinaa molame'akon Bitu'on Bu'ou.” “Madi' mongkuka,” na koonyo.

1 TAWARIKH 15:28

Iwi-iwi' na mian nu Israel namba nontuntuni Peti' Palajanjian aijo' tinoka-toka i Yerusalem ka' lewa' nontaligalai lame-lame', onyi' nu tolompet, napiri, simbal ka' kasapi'.

1 TAWARIKH 16:42

I Heman tiba i Yedutun suele kalajanyo mompuhi tolompet, simbal ka' pakakas nu musik sangga'at anu opuhi de manyanyimo nyanyian bau pompuji'. To mia-mian aha mae sa'anakan i Yedutun binee'an kalaja bau ponjaga sabatan toto daka-daka' haha aijo'.

2 TAWARIKH 29:26

susumo anu lewa' pinake i Daud. Ka' mule' suele to ima-imam binee'anmo kalaja mompuhi tolompet.

2 TAWARIKH 29:28

I Tomundo Hizkia ka' mule' to mia-mian anu i kiijo' tinolodadupumo monsombah Tumpu, hau-haunyo aijo' to mia-mian anu manyanyi sabole-bolemo, manyanyi ka' mule' to mia-mian anu mompahaikakon musik sabole-bolemo nompahaikakon musiknyo sahingga koloban haha aijo' iwi-iwi' singkapmo noangot.

2 TAWARIKH 7:6

To ima-imam tinuminjomo i tampat anu tinantukanmo hi aha; mompaha ahop tiba mian nu aha Lewi anu mompuji' Tumpu mompake musik anu binau i Tomundo Daud, ka' onyanyiakon nu nyanyian, “Kalibosan-Nyo Sampe toka sidu-sidutu'!” Susumo anu pinoto'imo i Daud. To ima-imam mompuhi tolompet hau-haunyo mian da'isan iwi-iwi' samantala tinjo-tinjo.

EZRA 3:10

Salatan to mia-mian anu mokalaja i laigan aijo' nontampu'unimo nombau mesen bau pompotinjoan Laigan nu Tumpu, to ima-imam nompusokmo baju' jubah, ka' sika-sika toong na tolompet ka' singkap motinuminjo toto samian. Aha to mia-mian nu Lewi anu sa'anakan mae i Asaf suele tinuminjomo i kiijo' ka' sika-sika toong na gong toto ise-ise'. Aha nompuji-puji'mo Tumpu susumo koonyo nu atulan anu tinantukanmo salatanmo pe'e tempo'nyo i Tomundo Daud.

MAZMUR 150:3

Opuji' na Ia nu onyi' nu tolompet, opuji' na Ia nu gambus tiba kasapi'!

MAZMUR 81:3

Hapa'i na gandang, ka' lewa'mo panyanyi, kuti' na gambuus ka' kasapi', po'ima' na onyi'nyo da molibos na mohongo.

MAZMUR 81:4

Puhi na tolompet de tokamo na sinaa momolame'an mo na kita, i bau-bauon bitu'on bu'ou ka' bitu'on timpodonmo.

MAZMUR 89:15

Ka'adilan ka' atulan aijo'mo na bau usoinyo nu kalaja'an nu Belento, kalibosan ka' kanonongan otoa i han iwi-iwi' apaa na anu, nubau nu Belento.

NOSABATMO 28:29

De i Harun minsoopmo i uno nu tampat anu susi', ia tionyo ahi' momboa to sanggo-sanggo nu tulunan i bansa Israel anu pinotulis aijo' pina-pinake hi saha'annyo, da Aku, Tumpu, saja' monginau' mian anu pinalesayamo hi beleng-Ku.

NOSABATMO 30:16

Limu' na doi aijo' hi bansa Israel, ka' balanjakon bau kapalaluan de monsombahmo i Kemah-Ku. Iwi-iwi' aijo' te doi bau pontobus butong nu aha, ka' aha saja' Ku inau' da ojagai.”

YESAYA 27:13

Tempo'nyo aijo' opo onyi'mo na tolompet daka-daka' bau polaga mule' da minsusule'mo mae na aha mian nu Israel anu binoamo i Asyur tiba i Mesir. Aha tokamo mae i Yerusalem da monsombahmo Tumpu aita' i puge'-Nyo anu susi'.

NOMBILANGMO 10:9

Ka' de belemiu mahampate i lipu' nu belemiu montinjohakon kabaanian mongahopi sampobali' anu montumbuhi mae, puuhimo ka' po'onyi' na tolompet haha aijo'. Sahingga Aku, Tumpu Allah nu belemiu na montulungi ka' momposalamat belemiu da sampobali' nu belemiu boli mae monsilakai.

NOMBILANGMO 28:11

Salatan montampu'unimo bitu'on mule' sa'angu' tionyo ahi' monsombahkonmo hi Tumpu koloban anu opotunu, ohua' na sapi' lakinyo anu daagi' bata'nyo, sa'angu' na domba lakinyo, popitu' na anak nu domba lakinyo anu umunnyo sataunmo, bubuu' anu madi' ko panyakitnyo.

NOMBILANGMO 29:1

Itanggan sa'angu' bitu'on kopopitu'nyo belemiu tionyo ahi' sihukmo da monsombahmo Aku, ka' madi'mo timbali mokalaja anu maboat. Isinaa aijo' tionyo ahi' tolompet iwi-iwi' opo'onyi'mo.

MATIUS 11:28

Tokamo mae hi beleng-Ku na komiu iwi-iwi' anu malawe, ka' anu mongoa'i koboatnyo nu boaon; Aku mompilaweije komiu.

SISIKON NU TO RASUL-RASUL 10:4

I Kornelius nontonto'i Malaikat aijo' ka' nabuhukmo lantas notatae, “Daagi' ko apaa Tuan?” Tinaaman nu malaikat aijo', “Do'aum ka' ka'ima'an nu kinyonyoaum tinalimamo nu Tumpu ka' Tumpu nonginau'mo beleyum.

1 KORINTUS 15:52

Han aijo' monti-montiik timbalimo i uno nu sangkinihap na mata, de opoko po'onyi'mo na tolompet anu imihi hondo aijo'. Kalana salatan ohongomo na onyi' nu tolompet aijo', to mia-mian anu sinilakamo po'ule'mo opotumuu' timbalimo butong anu sampe toka sidu-sidutu', ka' kita iwi-iwi' obali'imo.

1 TESALONIKA 4:16

Malaikatje anu talasanggo hondo atina'je na motatae daka-daka', ka' tolompet nu Tumpu opo onyi'mo salaku bau sa'angu' na tanda. Lantas i Tumpu Yesus mintatau'mo lengkat mae i suluga', ka' to mia-mian Kristen anu sinilakamo na po'ule' opotumuu' momona.

1 TESALONIKA 4:18

Kalana aijo' tionyo ahi' komiu mompaha poho-pohoson kinyonyoa ka' mompake potatae haha aijo' sumo uuka.

YOSUA 4:7

tionyo ahi' opoto'i nu belemiu hi aha taalu' Kaunyo nu Yordan madi'mo no'ili tempo'nyo Peti' Palajanjian nu Tumpu tinaapakonmo i kaunyo aijo'. Batu haha aijo' bau tanda da saja' monginau' na bansa Israel apaa na anu jinadimo i aiya.”

YOSUA 6:4

Aha popitu' na mian, toto samian momboa tolompet, tionyo ahi' lumajang mamba momona lapas nutuntunije nu Peti' Palajanjian. I sinaa anu ko ipitunnyo beleyum ka' suludadu nu beleyum tionyo ahi' montikubimo kota aijo' pimpitun na sunsum ka' to ima-imam mompuhimo tolompetnyo.

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.

1 SAMUEL 20:5

Tinaaman i Daud, “Sumo uuka, dodop Molame'akonmo Bitu'on Bu'ou ka' sabenannyo ahi' aku mongkaanmo hingga-hinggat tiba i tomundo'. Panyo de beleyum mongka'oho' ahi' aku mambamo ka' maninsulukmo i padang sampe toka hipuan malom.