NOMBILANGMO 10:1 - KITAB NU TUMPU ALLA LELE MA'IMAI'

¹ Tumpu notataemo hi Musa,

NOMBILANGMO 10:1 Iomraidhean Croise

KAJADIAN 42:13

Tinaaman nu aha, “Kami aiya sampulu' ka' ohua' na moto utus kita Tuanku, kami to ana-anak nu samian na tuuma i lipu' nu Kanaan. Samian na utus mami sinilakamo ka' anu tatampalui'nyo tempo' uuka kiijo' mae tiba tuuma mami.”

KAJADIAN 46:15

Aha iwi-iwi' aijo'mo to ana-anak anu i hampe'akon i Lea anaknyo hi Yakub kiijo' mae i Mesopotamia, ka' sangga'at mule' anaknyo boune sanggonyo i Dina. Jadi iwi-iwi' na lee' i Yakub lengkat pe'e hi bengkele'nyo i Lea konjoo'nyo tolumpulu' ka' totolu' na mian.

2 SAMUEL 6:15

Sumo aijo' na i Daud tiba aha mian da'isan iwi-iwi' Israel nolalin Peti' Palajanjian namba i Yerusalem lewa' ingaisan ka' nontaligalai ka' lewa'mo nompuuhi tolompet.

2 TOMU-TOMUNDO' 11:14

Tinoanyo na tomundo' anu sala'je i hangkat aijo' tinjo-tinjo i sabatan nu Laigan nu Tumpu i tampat pinohangkatan ia salaku tomundo', tinikubanmo nu to sulu-suludadu anu toto tangka-tangkas na pangkatnyo ka' anu mompuhi tolompet. Iwi-iwi' na mianda'isan nontaligalaimo kalana binilahimo ka' mule' pinuuhanmo nu aha na tolompet. I Atalya binata-batamo ka' binea-beaknyomo na pakeannyo ka' nolobo'mo “Uesan-Uesan!”

2 TAWARIKH 23:13

Ia nontoamo tomundo anu sala'je i hangkat aijo' tinjo-tinjo i sabatan pinsoopan mokiijo' i Laigan nu Tumpu i tampat pinondudu'ian lanya', hau-haunyo tinikubanmo nu suludadu anu toto tangka-tangkas na pangkatnyo ka' mian mompuhi tolompet. Iwi-iwi' na mian da'isan nontaligalaimo ka' i lame'mo, hau-haunyo mule' aijo' tolompet pinuhanmo ka' to mia-mian anu mompahaikakon musik i Laigan nu Tumpu nompolame'mo lamean aijo', aha nompo'onyi'mo iwi-iwi' na pakakas musik nu aha. I Atalya nabuhukmo sahingga binea-beaknyomo na baju'nyo ka' noloboo' akonmo, “Kahipun! Kahipun!”

2 TAWARIKH 7:6

To ima-imam tinuminjomo i tampat anu tinantukanmo hi aha; mompaha ahop tiba mian nu aha Lewi anu mompuji' Tumpu mompake musik anu binau i Tomundo Daud, ka' onyanyiakon nu nyanyian, “Kalibosan-Nyo Sampe toka sidu-sidutu'!” Susumo anu pinoto'imo i Daud. To ima-imam mompuhi tolompet hau-haunyo mian da'isan iwi-iwi' samantala tinjo-tinjo.

EZRA 3:10

Salatan to mia-mian anu mokalaja i laigan aijo' nontampu'unimo nombau mesen bau pompotinjoan Laigan nu Tumpu, to ima-imam nompusokmo baju' jubah, ka' sika-sika toong na tolompet ka' singkap motinuminjo toto samian. Aha to mia-mian nu Lewi anu sa'anakan mae i Asaf suele tinuminjomo i kiijo' ka' sika-sika toong na gong toto ise-ise'. Aha nompuji-puji'mo Tumpu susumo koonyo nu atulan anu tinantukanmo salatanmo pe'e tempo'nyo i Tomundo Daud.

MAZMUR 47:5

Ia nompile'iakonmo mae tano' bau baginto da bau pusaka'to, da bau katalasanggoan nu bansa anu Nu kalibosi.

MAZMUR 81:3

Hapa'i na gandang, ka' lewa'mo panyanyi, kuti' na gambuus ka' kasapi', po'ima' na onyi'nyo da molibos na mohongo.

MAZMUR 98:6

Puhi na tolompet ka' po'onyi' daka-daka', otaligalai na Tumpu, Tomundo'to.

NOMBILANGMO 1:52

To mia-mian nu Israel sangga'at tionyo ahi' mompotinjo kemah nu aha mogombu-gombu, mian anu minsoop i gombuan haha aijo' toto sa'angu' na gombuan aijo', montikubi posi-posi bandela'nyo.

NOMBILANGMO 10:2

“Pombau ohua' na tolompet salaka na otutuk da bau polaga mian da'isan sihuk mae kabai da bau ponsai aha da mambamo.

NOMBILANGMO 29:1

Itanggan sa'angu' bitu'on kopopitu'nyo belemiu tionyo ahi' sihukmo da monsombahmo Aku, ka' madi'mo timbali mokalaja anu maboat. Isinaa aijo' tionyo ahi' tolompet iwi-iwi' opo'onyi'mo.

NOMBILANGMO 7:2

Lantas to pola-polaya' nu aha Israel, aijo'mo to pola-polaya' nu tulunan nu bansa anu nangakumo mongatun mosia na mombilang,

NOMBILANGMO 9:23

Aha jojoong i sa'angu' na tampat ka' mamba i tampat sangga'at tionyo ahi' mohongo palentah nu Tumpu susumo anu binee'mo hi Musa.

MATIUS 24:31

Tolompet anu daka' pino'onyi'mo, ka' Anak nu Mian monsaimo to mala-malaikat-Nyo molimu' mian-Nyo anu palesayamo lengkat mae i pasu' alam opat nu dunia, lengkat mae i puus nu langit sa'angu', toka i puus nu langit sangga'at.”

YOSUA 6:4

Aha popitu' na mian, toto samian momboa tolompet, tionyo ahi' lumajang mamba momona lapas nutuntunije nu Peti' Palajanjian. I sinaa anu ko ipitunnyo beleyum ka' suludadu nu beleyum tionyo ahi' montikubimo kota aijo' pimpitun na sunsum ka' to ima-imam mompuhimo tolompetnyo.

ANU PINOTO'I HI YOHANES 8:2

Lantas aku nontoa malaikat ko popitu'nyo tinuminjomo i ahop nu Tumpu, ka' aha binee'anmo popitu' na tolompet.

TO MIA-MIAN KOPIAN 7:20

Tompukan ko ohua'nyo sangga'at nombaumo suele sumo aijo'. Lantas aha iwi-iwi' nohangkatmo to panso-pansona' nu aha i kowi nu aha ka' nompuhimo tolompet anu i koanan nu aha. Aha nolobo'mo, “Bajak opake bau bagi' nu Tumpu ka' bau bagi i Gideon!”