NOMBILANGMO 1:53 - KITAB NU TUMPU ALLA LELE MA'IMAI'

⁵³ Panyo to mia-mian nu Lewi tionyo ahi' mombau kemah kajojoongan nu aha montikubi Kemah-Ku. Aha tionyo ahi' monjagai da boli ko mian anu mongohani, sahingga monsaduakonmo Aku pusa ka' mohukumo aha mian Israel.”

NOMBILANGMO 1:53 Iomraidhean Croise

1 TAWARIKH 23:32

Aha mule' binee'anmo kalaja saja' montoa ka' mompokopiani Kemah nu Tumpu ka' laigan nu Tumpu ka' montulungi to utu-utus nu aha aijo'mo to ima-imam lee' mae i Harun, de mongantanmo anu monsombah Tumpu i tampat aijo'.

2 TAWARIKH 13:10

Kami tataap palesaya hi Tumpu Allah mami ka' madi' o hiku mami na Ia. To ima-imam mami tataap lee' mae i Harun, ka' to mia-mian nu Lewi tataap montulungi aha.

2 TAWARIKH 13:11

Toka subu-subu ka' mama lomo, aha mompapuimo kamangian ka' monsombahkonmo koloban anu opotunu hi Tumpu ka' momposadiamo roti anu suele osombahkon. Salatan malomo nututungimo nu aha na sulu' haha aijo' i tengke nu sulu' anu mosoni' na binau. Kami tataap montuluti iwi-iwi' palentah nu Tumpu, panyo belemiu nohikumo Ia.

YEREMIA 23:15

Tumpu Anu Mahakuasa notatae, “Saidi' mae Ku bee'mo hi to nabi-nabi anu jojoong i Yerusalem aijo' sosu'anon anu mapakat da okaan tiba lasung anu o inum kalana aha nonsaduakonmo to mia-mian isongko-songko na lipu' madi'mo noholomati mae Aku.”

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

IMAMAT 10:6

Lantas i Musa notataemo hi Harun ka' hi to ana-anaknyo sangga'at, aijo'mo i Eleazar ka' i Itamar, “Boli opojohok na ubak nu belemiu tapuhakak ka' boli obeak na baju' nu belemiu salaku tanda taalu' belemiu sinusa'mo ka' nohangimo. De belemiu mombau sumo aijo' belemiu silakamo, ka' iwi-iwi' na aha mian Israel nutambuha'imo nu Tumpu. Panyo iwi-iwi' na aha mian Israel sangga'at timbali mohangi ua-ua'aha aijo' anu pinateanmo nu apu lengkat mae hi Tumpu.

NOMBILANGMO 1:50

Pokau na aha mongkalesang Kemah-Ku, tiba posadiaonnyo iwi-iwi'. Kalaja nu aha aijo'mo molemban Kemah-Ku tiba posadiaonnyo ka' mongkalesang. Aha tionyo ahi' mompotinjo kemah kajojoongan nu aha montikubi Kemah-Ku.

NOMBILANGMO 1:54

Sahingga aha mian Israel nombaumo iwi-iwi' apaa na anu pinalentahkonmo nu Tumpu hi Musa.

NOMBILANGMO 16:46

lantas i Musa notataemo hi Harun, “Ala na tampat nu apu nu beleyum ka' isimo nu oba nu apu anu o ala aijo' i mezbah ka' opo'una'i kamangian. Boa lia-lia' aijo' hi aha mian ka' baumo na atulannyo da bau pongampuni dosa' nu aha. Lia-lia'! Tumpu talalomo hondo pinusa, ka' panyakit anu molele nontampu'unimo.”

NOMBILANGMO 16:9

Pa' otutugi nu belemiu aiya han ise' ugaat Tumpu Allah nu aha mian Israel nompile'imo belemiu atina' hi aha mian Israel da belemiu timbali mongohani Ia, ka' mokalaja i Kemah-Nyo, tiba mule' mokalaja mombau kapalaluan nu aha mian Israel ka' mombau apaa na anu palalu hi aha!

NOMBILANGMO 17:7

Lantas pinotimpasmo i Musa na tokon haha aijo' i uno nu Kemah nu Tumpu i ahop nu Peti' Palajanjian.

NOMBILANGMO 2:17

Lapas aijo', i totonga'nyo nu suludadu Israel iwi-iwi', lumajangmo na tulunan nu aha Lewi molemban Kemah nu Tumpu. Susumo aha mompotinjo kemah, sumo aijo' mule' na aha lumajang toto sanggombu kiijo' i tampat nu aha ko posi-posi bandela' nu aha.

NOMBILANGMO 3:23

I Elyasaf anak i Lael na tinimbali polaya' nu tulunan aijo'. I pinombauan kemah nu aha Israel tulunan aijo' nongala tampat i sasu kinsoban i padut nu Kemah nu Tumpu.

NOMBILANGMO 3:29

I Elisafan anak i Uziel na polaya' nu tulunan aijo'. Pinombauan kemah nu tulunan aijo' nongala tampat i sasu selatan Kemah nu Tumpu.

NOMBILANGMO 3:35

I Zuriel anak i Abihail na polaya' nu tulunan haha aijo'. Pinombauan nu aha kemah nu tulunan aijo' nongala tampat i sasu utara i Kemah nu Tumpu.

NOMBILANGMO 3:38

Pombauan kemah, i Musa ka' i Harun ka' to ana-anaknyo tionyo ahi' mongala tampat i ahop nu Kemah nu Tumpu sasu kabete'an. Aha na mongkalesang Salipi' anu Susi' ka' atulan nu aha bansa Israel de monsombahmo Tumpu. De misa' aha maumo pa' ihe na monsoba mombau pakalaja'an aijo' tionyo o hukum mate.

NOMBILANGMO 31:30

Aijo' bagian anu binee'mo hi aha mian Israel, tionyo ahi' nu ala de limampulu' sambagian na o ala, maumo to mia-mian anu i hakop ka' binoamo mae, mau mule' sapi', keledai, domba ka' mee'. Bee'mo na aijo' iwi-iwi' hi aha mian nu Lewi anu mongkalesang Kemah-Ku.”

NOMBILANGMO 31:47

Susumo anu pinalentahkonmo nu Tumpu, i Musa nongalamo sa'angu' de limampulu' na mian i hakop mae ka' binatang, lantas binee'nyomo hi aha mian nu Lewi anu mokalaja i Kemah nu Tumpu.

NOMBILANGMO 8:19

ka' mian nu Lewi haha aijo' Ku bee'mo hi Harun ka' hi to ana-anaknyo da timbali mokalaja hi aha mian nu Israel i Kemah-Ku. Ka' suele da aha momoita da Ku ampuni na bansa Israel da bansa aijo' madi' nukona nu balaa' de aha toka mae talalo ohani i tampat anu susi' aijo'.”

2 TIMOTIUS 4:2

Tionyo ahi' beleyum saja' mompolele lele lengkat mae hi Tumpu Allah aijo', ka' sabole-bole opoita da mian mohongo pa' aha mongka'oho', kabai madi'. Tionyo ahi' beleyum bala usaha da mian palesaya totu-totu'u, mompoto'i kasala'an ka' mongkakeha'i aha. Pagala osabalakon na mongajan mian.

1 SAMUEL 6:19

Panyo kalana aha mian nu Bet-Semes haha aijo' nontoamo apaa na anu i unonu Peti' Palajanjian nu Tumpu, aha pitumpulu' na mian pinateanmo nu Tumpu. Sahingga mian da'isan nohangimo ka' sinusa'mo kalana Tumpu nompotokamo hi aha balaa' anu daka' hondo aijo'.