NOMBILANGMO 1:4 - KITAB NU TUMPU ALLA LELE MA'IMAI'

⁴ Toto sa'angu' na tulunan nu bansa, poita samian na bau polaya' mian da montulungi belemiu.”

NOMBILANGMO 1:4 Iomraidhean Croise

1 TOMU-TOMUNDO' 8:1

Lapas aijo' i Tomundo' Salomo nompalentahmo iwi-iwi' anu mongkapalai tulunan nu bansa ka' mian nu bansa Israel da toka mae hi ia i Yerusalem da olalinmo na Peti' Palajanjian nu Tumpu nu lengkat i Sion, Kota Daud mambamo mo kiijo' i Laigan nu Tumpu.

NOSABATMO 18:21

Panyo tionyo ahi' suele beleyum mompile'i to pia-piangkuka na mo'ane anu pande, ka' mohangkat aha timbali polaya' hi mian anu samadala, mian anu sa'atu, mian anu limampulu' ka' mian anu sampulu'. Aha tionyo ahi' to mia-mian anu mabuhuk ka' mohongo-hongo Tumpu Allah, ka' timbali opalesaya ka' madi' mongka'oho' mongala doi bau pontutup palakala.

NOSABATMO 18:25

ka' nompile'imo to mia-mian anu pande hi aha mian nu Israel. Ia nohangkatmo aha timbali polaya' hi mian anu samadala, hi mian anu sa'atu, hi mian anu limampulu', ka' hi mian anu sampulu'.

NOMBILANGMO 17:3

ka' sanggo i Harun opotulis i tokon nu aha tulunan mae nu tompukon nu aha bansa Lewi. Samian na polaya' nu aha tompukan nu tulunan nu bansa tionyo ahi' obee'i sa'angu' na tokon.

NOMBILANGMO 25:14

Aha mian Israel anu pinateanmo tiba boune nu aha Midian aijo' sanggonyo i Zimri, anak i Salu, tu'anyo nu sa'angu' na auwan lengkat mae i tulunan nu aha bansa Simeon.

NOMBILANGMO 25:4

“Hakop iwi-iwi' na mian anu mongkapalai bansa aijo' ka' pateimo na aha i ahop nu mian da'isan salaku bau pontuluti palentang-Ku, da Aku madi'mo motambuha' hi bansa aijo'.”

NOMBILANGMO 30:1

I Musa nombee'mo atulan haha aiya hi to pola-polaya' nu aha tulunan nu bansa Israel.

NOMBILANGMO 4:34

Susumo anu pinalentahkonmo nu Tumpu, i Musa ka' i Harun ka' to pola-polaya' nu aha mian nombilangmo anu aha totolu' mae na tulunan, lee' mae nu bansa i Lewi, aijo'mo i Kehat, i Gerson ka' i Merari. Aha nolekengmo aijo' sangauwan toka sangauwan. Aha nontulismo sanggo nu mo'ane iwi-iwi' anu ko umunmo tolumpulu'mo na taun anu moko alamo mokalaja i Kemah nu Tumpu. Aiyamo na hasinnyo: TULUNAN KONJOO'NYO NU MIAN I Kehat 2.750 I Gerson 2.630 I Merari 3.200 Konjoo'nyo iwi-iwi: 8.580

NOMBILANGMO 7:2

Lantas to pola-polaya' nu aha Israel, aijo'mo to pola-polaya' nu tulunan nu bansa anu nangakumo mongatun mosia na mombilang,

PO'ULE' INGULIT 1:15

Saba' aitu i totonga polaya'-polaya anu pinela'an miu topia-piangkuka na anu pande ka ku ala ka ku hangkat da bau kapala miu. Topia-piangkuka obau kapala anu samadala, sagaat anu saatu na mian, anu limampulu na mian, ka' sampulu na mian. Aku suele mohangkat kapala-kapala sanggaat da mengatun bansa-bansa.

YOSUA 22:14

Hingga-hinggat tiba i Pinehas suele inamba aha sampulu' na to tu'a-tu'anyo nu bansa Israel, – sa'angu' na tulunan nu bansa anu i sasu kinsoban Kaunyo nu Yordan, samian na ingala, toto samian na tu'anyo nu auwan anu hi aha mae sa'anakan.