NEHEMIA 9:5 - KITAB NU TUMPU ALLA LELE MA'IMAI'

⁵ Aha nonsombahmo Tumpu Allah nu aha i sinaa aitu tinampu'unan nu aha to mia-mian nu aha Lewi aijo'mo: i Yesua, i Kadmiel, i Bani, i Hasabneya, i Serebya, i Hodia, i Sebanya, ka' i Petanya. Aha notataemo: “Tinjomo ka' puji' na Tumpu Allah-nto! Opuji' na Ia sampe toka sidu-sidutu'! Opuji' na sanggo-Nyo anu saja' opopodaka', sanggo anu opalias molingkudui iwi-iwi' na bau pompuji'.”

NEHEMIA 9:5 Iomraidhean Croise

1 TOMU-TOMUNDO' 8:14

Noko lapas binalado'a i Tomundo' Salomo nongahopimo mian da'isan iwi-iwi' anu hau-haunyo tinjo-tinjo i kiijo', lantas nompoitakonmo balakat hi Tumpu Allah toka hi aha.

1 TOMU-TOMUNDO' 8:15

Ia notatae, “Naipuan mae Tumpu nojanji'mo hi tuumangku i Daud, sumo uuka, 'Saltanmo pe'e Aku nomboa mian anu pinalesayamo hi beleng-Ku nosabat mae i Mesir, songko-songko na lipu' nu Israel mae pe'e sa'angu' na kota madi' ko anu pinile'an-Ku da timbali tampat pombauan laigan bau ponsomban Aku. Panyo beleyum Daud pinile'an-Kumo da mompalentah mian anu pinalesayamo hi beleng-Ku.' O Puji' na Tumpu Allah Israel anu nongganapimo janji'-Nyo aijo'!”

1 TOMU-TOMUNDO' 8:22

Lapas aijo' i ahop nu mian da'isan anu tinokamo, i Salomo tinuminjomo nongahopi mezbah lantas nohangkatmo ua-uambiha' na limanyo,

1 TOMU-TOMUNDO' 8:27

Panyo' O Tumpu Allah, pa' totu-totu'u ahi sanang na Belento jojoong i dunia aiya? Mau langit songko-songko madi' sampa' na ko ewanyo bau kajojoongan nu Belento apaa mule' ola laigan bau ponsomban anu binaungkumo aiya!

1 TAWARIKH 16:36

O Puji' na Tumpu, Tumpu Allah nu Israel, uuka aiya ka' sampe toka sidu-sidutu'! Lapas aijo' iwi-iwi' na mian nu Israel notataemo, “Amin”, lantas aha nompuji'mo Tumpu.

1 TAWARIKH 29:11

Belento totu-totu'u talasanggo ka' daka' na kuasa nu Belento. Belento opopodaka' ka' talalo hondo o adati, anu mongkuasai iwi-iwi'.

1 TAWARIKH 29:13

Uuka aiya, o Tumpu Allah mami, kami montalima kase hi belento, ka' o puji' mami na sanggo nu Belento anu o adati.

1 TAWARIKH 29:20

Noko lapas na binalado'a sumo aijo', pinoto'imo i Daud hi mian da'isan anu sinihukmo, “O puji' na Tumpu Allah nu belemiu!” Sahingga iwi-iwi' na mian lewa'mo nompuji' Tumpu, Tumpu Allah anu nu sombah nu mompolee' nu aha. Lantas aha tinolodadupumo nongadati Tumpu tiba i tomundo'.

2 TAWARIKH 20:13

Hau-haunyo aijo' to momo'ane nu Yehuda iwi-iwi', hingga-hinggat tiba to bengke-bengkele' nu aha ka' to ana-anak nu aha tinuminjomo koko Laigan nu Tumpu.

2 TAWARIKH 20:19

Lantas to mia-miannu Lewi aha mae sa'anakan i Kehat, ka' i Korah, tinuminjomo, lewa'mo nontaligalai nompuji' Tumpu, Tumpu Allah Israel.

EZRA 3:11

Mian da'isan nonyanyiakonmo pompuji-puji' Tumpu, ka' nonguli-ulit anu mongohanimo kapupusan nu nyanyian, sumo uuka na onyi'nyo, “Tumpu aijo' ma'ima'; ka' kalibosan-Nyo hi aha Israel sampe toka sidu-sidutu'.” Iwi-iwi' na mian da'isan suele nontaligalaimo ka' nompuji'mo Tumpu, kalana mesen bau pompotinjoan Laigan nu Tumpu binaumo.

NEHEMIA 9:4

Ikiijo' daagi' ko mimban kau' katinjoan nu to mia-mian Lewi ka' tinuminjomo na i Yesua aijo', tiba i Bani, i Kadmiel, i Sebanya, i Buni, i Zerebya, i Bani tiba i Kenani. Aha binalado'amo daka-daka' hi Tumpu Allah nu aha.

NEHEMIA 9:6

Lapas aijo' mian da'isan nu aha Israel binalado'amo sumo uuka: “Belentomo na Tumpu, belentomo Sa'a-sa'angu'nyo na Tumpu Allah; pinotimbalimo nu Belento na mandala' iwi-iwi' aita' i langa, ka' suele ambai tiba tano' ka' iwi-iwi' na anu daagi' i unonyo, lantas pinotumuu'mo nu Belento ka' jinaganmo nu Belento. Iwi-iwi' na anu balakuasa aita i langit tolodadupu monsombah Belento; aha montuluti Belento ka' tina'alukmo.

AYUB 1:21

“Aku ihampeakon ola lima sampulu' sumo aitu mule' na aku de silakamo ola butong hondo-hondo. Tumpu na nombee'mo, Tumpu mule' na mongala. Ku puji' na sanggo-Nyo.”

MAZMUR 106:2

Ihe na moko ala mombebakon kabaanian nu Tumpu, ka' anu konanyomo ahi' na bau pompuji' ia?

MAZMUR 134:1

Nyanyian mamba i tampat anu ko balakatnyo. Imbo', da opuji' na Tumpu, o mian iwi-iwi' posaihon nu Tumpu, iwi-iwi' anu monsombah i Laigan-Nyo de malomo.

MAZMUR 145:2

Sansina-sinaa aku montalima kasemo hi Belento, ka' mompopodaka'mo Belento sampe toka sidu-sidutu'.

MAZMUR 145:5

Aha mompolelemo katalasanggoan ka' kaholomatan nu Belento, palabuatan nu belento oka-okabangangi, lewa'mo ku potutugakon.

MAZMUR 146:2

Aku mompuji'mo Tumpu i uno nu kantumuu'anku, ka' ku nyanyiakon hi Tumpungku de aku daagi' tutuu'.

MAZMUR 16:2

Aku notataemo, “Belentomo na Tumpungku, bau kabilahianku, madi' ko anu molingkudui Belento!”

MAZMUR 66:2

Panyanyimo ka' popodaka' na sanggo-Nyo, oholomati na Ia nu nyanyian anu bau pompuji-puji'.

MAZMUR 99:3

Bakas da aha mompuji' anu talalo hondo oholomati. Ia talalo hondo susi'!

NOSABATMO 15:11

Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

NOSABATMO 15:6

O Tumpu, kahosonan nu Belento talalo hondo okabangangi, binaumo nu Belento na anu monsampobali' nosungke-sungkehetmo.

DANIEL 2:20

Ia notatae; “Tumpu aijo' pande hondo ka' baani, Opuji' na Ia sampe toka sidu-sidutu'!

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

PO'ULE' INGULIT 28:58

De belemiu madi' tulu-tulutan hi atulan nu Tumpu Allah nu belemiu anu iwi-iwi' tinulismo i kitab aiya ka' madi' mongadati Tumpu Allah nu belemiu, anu talasanggo hondo ka' anu okabangangi.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.

TO MIA-MIAN KOPIAN 13:18

Malaekat nu Tumpu aijo' nompokilawa, “Kadaka' beleyum mongkahanda'i monsumbu' sanggongku? Sanggongku aijo'sanggo anu okabangangi.”