NEHEMIA 9:30 - KITAB NU TUMPU ALLA LELE MA'IMAI'

³⁰ Taun toka sataun sabaan na Belento mompokinde'i aha; Roh nu Belento mompoto'i aha to nabi-nabi da mompoto'iakon hi aha mian, Panyo mian anu palesayamo hi Belento mongonsongimo bihing nu aha, lantas binee'mo nu Belento na lipu' iwi-iwi' hi to bansa-bansa.

NEHEMIA 9:30 Iomraidhean Croise

2 TOMU-TOMUNDO' 18:11

Lapas aijo' binoamo nu tomundo' Asyur na to mia-mian nu Israel i Asyur salaku mian anu i hakop; sambagian na aha pinojoong i kota' Halah, sambagian koko Kaunyo Habor i da'erah Gozan, sambagian mule' i kota-kota' i lipu' nu aha Madai.

2 TOMU-TOMUNDO' 21:10

Kalana aijo' hi to nabi-nabi, hi to posa-posaihon nu Tumpu, Tumpu nompoto'imo,

2 TAWARIKH 24:19

Tumpu nonsaimo to nabi-nabinyo da mompokinde'i aha da po'ule' palesaya hi Tumpu, panyo mian da'isan madi'mo mongka'oho' mompotombihing.

EZRA 9:10

Panyo uuka aiya, o Tumpu Allah, salatan han haha aijo' jinadimo apaamo na anu otaloakon mami. Kami po'ule' mule' madi' nombau apaa na anu pinalentahkonmo nu belento,

NEHEMIA 9:20

Kalana kuasa nu Belento anu ma'ima' hondo aijo' binaumo salaku pokinde' nu Belento hi aha. Aha nongkaanmo manna ka' nonginumo uee sampe sinukup hondo.

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

NEHEMIA 9:29

Pinokinde'anmo nu Belento na aha da pangajalan nu belento otapali ahi', panyo aha madi'nontalima atulan nu Belento kalana kinyonyoa nu aha takabun. Padahan de atulan nu Belento obau ahi' na bau-baunyo, tantu mohumpak ka'ima'an na kantumuu'an. Aha panggaga hondo ka' mule' ulawon na kinyonyoa nu aha, madi' mongka'oho' mohongo ka' madi' tulu-tulutan.

MAZMUR 86:15

Panyo Belento, o, Tumpu, Tumpu anu pangkalibosi ka' manononghondo, sabaan hondo, saja' mongkalibosi, ka' manonong.

MAZMUR 95:10

Pinatompulu' na taun na kopinnyo na aku lewa' nonguahi nontoa aha; Aha notataemo: Totu-totu'u, bansa aijo' madi' tulu-tulutan! Aha madi' mompajuli iwi-iwi' na palentah-ngKu.

YESAYA 28:10

Te toho' mule' na ia mongajan kita toto sa'angu' na huruf, ka' mule' toto sa'angu' na kata, ka' mule' toto sa'angu' nakalimat.”

YESAYA 42:24

Ihe na nombee'mo Israel da pinahuhuakon? Temisa' Tumpu ahi'? Hi Iamo na kita binaladosa'mo, kita madi'mo tinumuu' nombatuki palentah-Nyo, ka' madi'mo nontuluti pangajalan-Nyo.

YESAYA 48:9

Aku nongintimo tambuha'-Ku da sanggong-Ku talasanggo iyaya mae, Aku nongintimo tambuha' aijo' hi beleyum da beleyum boli osilakai.

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

YEREMIA 25:4

Tumpu mule' ahi' saja'mo nonsai namba hi belemiu to nabi-nabi salaku to posa-posaihon-Nyo, panyo belemiu madi' ahi' mongka'oho' mompotombihing ka' mompalahatikan aha.

YEREMIA 44:22

Madi'mo nu poko intim nu Tumpu na montoa belemiu monsombahkon koloban hi to pilo-pilogot sangga'at. Palabuatan nu belemiu atina' ma'idek ka' moko ambang. Belemiu binaladosa'mo hi Tumpu ka' madi'mo tinulu-tulutan hi palentah-Nyo. Mokonyo aijo' uuka aiya lipu' nu belemiu ihansunmo sahingga madi'mo jadi ojojoongi, ka' sanggonyo opakemo lewa bau pongkutuki. Mian anu montoa mabuhukmo'.”

YEREMIA 44:4

Aku saja'mo nompokau namba hi belemiu to posa-posaihon-Ku aijo'mo to nabi-nabi, anu nontewa' aha da bolimo mombau palabuatan anu ma'idek anu Ku ka'ideki aijo'.

YEREMIA 44:5

Panyo belemiu madi' nongka'oho' nohongo ka' madi' nompalahatikan. Belemiu madi' nongka'oho' binelenti nombau palabuatan anu ma'idek aijo'mo nonsombahkonmo koloban hi to pilo-pilogot.

YEREMIA 7:25

Salatanmo pe'e mompolee' nu belemiu nosabat mae lengkat i Mesir sampe sinaa aiya Aku saja'mo nongulus to posa-posaihon-Ku, to nabi-nabi namba hi belemiu.

MOHAANGI 2:17

Tumpu nomposidamo tambuha'-Nyo anu naipuan mae noko tanga'an-Nyomo ka' pinoto'i-Nyomo hi kita. Kita ihansunan-Nyomo ka' madi'mo kinalibosan-Nyo, sampobali' bine'an-Nyomo ka untungan na nahampate Pinolame'-Nyomo na aha na montoa kita nahungku'mo.

DANIEL 9:6

Kami madi'mo nohongo to nabi-nabi, te to posa-posaihon nu Belento haha aijo' anu notatae momboa sanggo nu Belento lantas pinoto'imo nu aha hi to tomu-tomundo' mami ka' mule' hi to pola-polaya' mami ka' mule hi to mompo-mompolee' mami ka' mule' hi iwi-iwi' na to bansa-bansa mami.

ZAKHARIA 7:12

Kinyonyoa nu aha pinokuutmo hondo nu aha susumo ko kuutnyo nu batu. Aku talalomo ahi' pinusa kalana aha madi'mo nontuluti to panga-pangajalan anu binee'-Kumo hi aha pipinoto'imo nu to nabi-nabi naipuan mae.

ZAKHARIA 7:13

Aku madi'mo nontaami do'a nu aha kalana aha suele madi'mo nompotombihing mae tempo'nyo Aku notatae.

NOMBILANGMO 11:26

Aha pitumpulu' na polaya' ola i Eldad ka' i Medad, na jinojoong i kemah ka' madi' namba hingga-hinggat tiba sangga'at namba i Kemah nu Tumpu. I uno nu Kemah aijo' Roh nintatau'mo hi aha, ka' ua-ua'aha aijo' nontampu'unimo lewa' notatae susumo nabi.

SISIKON NU TO RASUL-RASUL 13:18

Sinabaanakonnyo na mongkona kalakuan nu aha i padang bolaa patompulu' na taun na kopinnyo.

SISIKON NU TO RASUL-RASUL 28:25

Kalana pikilan anu madi' mompahakona aha nompala'imo tampat aijo', salatan i Paulus nontaeakonmo sumo aijo' hi aha, “Memang kona hondo apaa na anu tinaeakonmo nu Roh nu Tumpu hi Nabi Yesaya kona hi mompolee' nu belemiu!

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

ROMA 2:4

Kabai o oa'i miu dengke na kanonongan nu Tumpu tiba ka'ima'an nu kinyonyoa ka' kasabalan-Nyo anu daka' hondo sumo aijo'? Tantu osumbu' miu te Tumpu mompotoa ka'ima'an nu kinyonyoa-Nyo kalana Ia mongkahanda'i da komiu bolimo daagi' mombau to dosa-dosa' miu.

1 PETRUS 1:11

Aha monselidiki mosia ka' hipian na han aijo' timbali, apaa na anu kokoonyo nu Roh i Kristus anu kiijo' i butong nu aha. Tempo'nyo aitu Roh-Nyo na nompoto'i hi aha mongkona kasansala'an-kasansala'an anu tionyo nu oa'i i Kristus ka' mongkona katalasanggoan-Nyo anu nutalimaje lapas aijo'.

2 PETRUS 1:21

Kalana, madi' toho' potuunon nu Tumpu opolele ola kalana pongka'oho' nu mian. Panyo Roh nu Tumpu na mongkuasai mian da mompotokakon potuunon anu lengkat mae hi Tumpu Allah.

2 PETRUS 3:9

Tumpu madi' lat na mombee' apaa na anu jinanji'-Nyomo, mau mule' daagi' ko anu monsangka sumo aijo'. Panyo mule' ahi', Ia sabaan hi belemiu, kalana Ia madi' mongka'oho' ko anu obinasai mau ola samian. Ia mongkahanda'i da iwi-iwi' na mian bolimo mombau to dosa-dosa'nyo.