NEHEMIA 9:25 - KITAB NU TUMPU ALLA LELE MA'IMAI'

²⁵ Mian anu palesayamo hi Belento mongkuasaimo iwi-iwi' na benteng anu bau kahosonan nu aha, tano' anu ma omuk ka' mule' laigan anu manjoo' hondo na kakaya'annyo. Iwi-iwi' na bubung ka' bulakan nu uee ingalamo nu aha, ale' nu anggur, ka' mule' kau' zaitun ka' to bua-bua' nu kau' sangga'at. Aha nolompo'mo kalana nongkaanmo yayamo na anu nu kahanda'i nu kinyonyoa nu aha. Iwi-iwi' apaa na anu ma'ima' bibinee'mo nu Belento tina'upmo nu aha.

NEHEMIA 9:25 Iomraidhean Croise

1 TOMU-TOMUNDO' 14:9

Panyo beleyum nombaumo kalakuan anu lebe ma'idek molingkudui apaa na anu binaumo nu aha anu nompalentahmo tempo'nyo ma'isa pe'e kino beleyumnyo nompalentah. Beleyum nohikumo Aku sahingga Aku pinusamo kalana nombaumo bapilogotan ka' mule' to pato-patong tambaga da osombah.

1 TOMU-TOMUNDO' 8:66

I sinaa kino alunnyomo i Salomo nompalentahmo mian haha aijo' da minsusule'mo i laigan nu aha, kinyonyoa nu aha i lame'mo, kalana iwi-iwi' na balakat anu binee'mo nu Tumpu hi posaihon-Nyo i Daud ka' hi bansa Israel mian anu pinalesayamo hi Ia.

NEHEMIA 9:35

Binee'anmo nu Belento to tomu-tomundo' anu nompalentahmo mian anu palesayamo hi Belento, salatan aha jinojoongmo i tano' anu ewa hondo ka' ma'omuk anu bibinee'mo nu Belento. Panyo aha madi' nongkakabasakon kantumuu'an nu aha anu ma'i-ma'idek aijo'. Madi' mongka'oho' tulut totu-totu'u hi Belento ka' mule' madi' monsombah Belento.

MAZMUR 105:44

Tano' nu to bansa-bansa binee'-Nyomo hi aha, iwi-iwi' na ale' nu aha, ahamo mian anu palesayamo hi Ia na tumpu-Nyo,

MAZMUR 65:11

Belento nompojalanimo uee i kinatuluan nu pajekonyo, ka' i humpisan-Nyomo na tano' anu ma'isa nohibu. Belento nongujanimo mae sahingga tano' madi'mo bineleng, ka' sosu'anon anu sala'je mae tumuu' pinolumba'akonmo nu Belento na tinumuu'.

AMSAL 30:9

Kalana bisuannyo aku kaya, ugaat aku motataemo, aku madi' mompalalui Beleyum. Ka' de aku kasiasi, ugaat aku bulingmo sahingga mombusikimo sanggo nu Belento.”

YESAYA 6:10

Lantas notataemo mae na Ia hi belengku, “Popikokakon na pikilan nu mian haha aijo', pobongonakon na bihingnyo ka' mule' popisokakon na matanyo da aha madi'mo montoa-toa, madi'mo mohongo-hongo kabai madi'mo mangalati' lantas po ule'mo toka mae hi beleng-Ku ka' ma'alinmo.”

YESAYA 63:7

Aku kahanda'mo moleleakon kalibosan nu Tumpu ka' mompuji' Ia kalana palabuatan-Nyo. Molabi-labi na balakat-Nyo hi mian anu palesayamo hi Ia, kalana Ia talalo molibos ka' kalibosan-Nyo madi' kokamingkotannyo.

YEREMIA 2:7

Namba ilipu' anu ma'omuk Aku na nomboa aha da molasaimo hasin nu tano'nyo ka' iwi-iwi' na anu ma'ima ikiijo' mae. Panyo ikiijo' mae tano'-Ku ihumimi'anmo nu aha ka' anung-Ku pinojadimo nu aha susumo sa'angu' na balang anu okahegatimo.

YEREMIA 31:14

To ima-imam Ku posukupakonmo na anu nu kaan nu aha ka' molabi-labimo; ka' iwi-iwi' na anu nu palalui nu mian anu palesayamo hi beleng-Ku Ku bee'mo Aku, Tumpu, na anu nontaeakonmo.”

YEREMIA 32:23

Panyo salatan aha tinokamo ilipu' aiya ka' po ule'mo no ngala lipu' aiya, aha madi'mo nontuluti palentah iwi-iwi' nu Belento, ka' madi'mo tinumuu' mombatuki ajalan-ajalan nu Belento. Iwi-iwi' na anu Nu palentahkon hi aha mau sa'angu' madi' ko anu binau nu aha. Kalana aijo' Belento nompotokamo mae iwi-iwi' na balaa' aiya hi aha.

YEHEZKIEL 20:6

Tempo'nyo aijo' Aku nompohosonmo nu sumpa' na momboa aha mosabat lengkat i Mesir mamba ilipu' anu pinile'an-Kumo da bau kajojoongan nu aha. Lipu' aijo' kaya ka' mule' ma'omuk, tano' anu ma'ma hondo isongko-songko na dunia.

DANIEL 11:24

Tiba akannyo ia montumbuhimo daera-daerah anu molumba' salatan mian anu jojoong ikiijo' monganggapmo au'aitu madi'mo ko anu mompoposia aha. Ia mombaumo apaa na anu ma'isa toho' binau nu mompolee'nyo. Lantas nu bagi-bagiakonmo hi aha anu monsangaja'i ia, iwi-iwi' na balang anu pinahuhuakon haha aijo' tiba kakaya'an anu ihumpaknyo mae i uno nu pahampatean. Ia mombaumo sa'angu' na kapandean da montumbuhimo tampat-tampat anu ko bentengnyo panyo kasampatannyo madi' pin.

HOSEA 13:6

Panyo salatan belemiu jinojoongmo i lipu' anu ma'ima ka' belemiu nobosumo ka' na osamo, belemiu tinakabunmo lantas nongkolilimimo mae Aku.

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

ROMA 2:4

Kabai o oa'i miu dengke na kanonongan nu Tumpu tiba ka'ima'an nu kinyonyoa ka' kasabalan-Nyo anu daka' hondo sumo aijo'? Tantu osumbu' miu te Tumpu mompotoa ka'ima'an nu kinyonyoa-Nyo kalana Ia mongkahanda'i da komiu bolimo daagi' mombau to dosa-dosa' miu.

PO'ULE' INGULIT 3:5

Iwi-iwi' na kota aijo' anu mompohoson aijo'mo pagan mesen anu toto tangka-tangkas, sabatan toto daka-daka' ka' ponsupatnyo de o tumbanmo na sabatan toto daka-daka' haha aijo'. Ka' mule' sangga'at manjoo' na kota anu madi' ko pagannyo mesen titikub.

PO'ULE' INGULIT 32:13

Ia nompotimbalimo aha mongkuasai iwi-iwi' na bungkutnyo; aha mongkaan isi nu ale' ka' monginum juu' nu uani' anu ola i bungkutnyo nu batu. Aha nohumpak lanya' nu kau' zaitun anu tumuu' i tano' anu ko batunyo.

PO'ULE' INGULIT 32:14

Sapi' ka' mee' ka' domba nu aha pohumpakanmo susu manjoo'; potuu'on nu aha to ima-ima' hondo, gandum ka' anggur nu aha ma'ima' hondo.

PO'ULE' INGULIT 32:15

Mian anu pinalesayamo hi Tumpu kayamo, panyo saja' moto'idek, aha to lompo-lompo', nobosumo nu kaanon. Lantas aha nompala'imo Tumpu Allah, anu Nompotimbalimo aha ka' madi'mo nongala anu nomposalamatmo aha anu daka' hondo na kuasanyo.