NEHEMIA 9:24 - KITAB NU TUMPU ALLA LELE MA'IMAI'

²⁴ Lee' nu aha nompatundu'mo tano' Kana'an; Mian anu jojoong ikiijo' pinatundu'mo nu belento. Mian anu palesayamo hi Belento binee'anmo nu Belento kuasa da mombau maumo pa' apaa. Kona hi aha bansa Kana'an ka' mule' hi aha to tomu-tomundo' nu aha.

NEHEMIA 9:24 Iomraidhean Croise

1 TAWARIKH 22:18

Ia notatae, “Tumpu Allah nu belemiu montulungimo belemiu ka' nombee'imo kadamean ka' ka'amanan i songko-songko na lipu'. Ia nombee'imo kahosonan aku sahingga noko alamo nompatundu' iwi-iwi' bansa anu naipuan mae jinojoong i lipu' aiya. Tempo' uuka aha tinundu'mo hi beleyum ka' hi Tumpu.

ESTER 9:5

Sumo aijo' na bansa Yahudi nombau sampobali' nu aha iwi-iwi', sahingga madi'mo aha nabuhuk hi sampobali' nu aha, toongon nu aha nontumbuhi aijo'mo bajak na pinompatei nu aha.

NOMBILANGMO 14:31

Belemiu notataemo tukoonyo nu belemiu to ana-anak nu belemiu saidi' mae o hakopmo ka' oboamo. Padahan ahamo ahi' na anu Ku boa i lipu' anu madi'mo o ala nu belemiu aijo' ka' lipu' aijo' saidi' mae timbalimo tano' nu aha.

2 TIMOTIUS 2:26

Tiba jalan anu sumo aijo' aha po'ule'mo sinsumbu' ka' nolapasmo i ponggoda'an nu Ibilis anu nonsale'imo aha ka' nompakisamo aha mombatuki pongka'oho'nyo.

YOSUA 10:40

Songko-songko na lipu' haha aijo' pinatundu'mo i Yosua. Ia nompatundu'mo tomundo haha aijo' anu i da'erah nu bungkutnyo, i tengkenyo nu bungkutnyo haha aijo' i sasu kabete'an, i tengke nu bungkutnyo haha aijo' sasu kinsoban ka' songko-songko na padang sasu selatan. Mau pe'e ola samian madi'mo daagi' ko anu pinotumuu'; iwi-iwi' pinateanmo. Aijo' binau susumo anu pinalentahkonmo nu Tumpu, Tumpu Allah nu aha Israel.

YOSUA 11:23

Songko-songko na lipu' aijo' pinatundu'mo i Yosua susumo anu pinalentahkonmo nu Tumpu hi Musa, ka' binee'mo hi bansa Israel tinimbalimo aha na tumpunyo. Lipu' haha aijo' binagi-bagimo ka' toto sa'angu' na tulunan nu bansa nohumpakmo sa'angu' na bahagian. Bansa Israel madi'mo lewa' nahampate ka' lipu' nu aha madi'mo ko anu lewa' mompoposia.

YOSUA 18:1

Noko lapas na nompatundu' lipu' anu jinanji'mo nu Tumpu, aha mian nu Israel iwi-iwi' sinihukmo i Silo, lantas aha nompaha pokonamo Kemah da bau katokaan nu Tumpu.

YOSUA 21:43

Sumo aijo' na Tumpu nombee' hi aha mian nu Israel songko-songko na tano' anu sinumpa'akonmo na jinanji' hi mompolee' nu aha. Salatan aha jinojoongmo i lipu' aijo' aha mian nu Israel tinataapmo ikiijo'.

YOSUA 21:45

Tumpu saja' mongganapi apaa na anu jinanji'-Nyomo hi aha mian nu Israel; madi' ko sa'angu' pe'e na anu madi' Nu ganapi.

TO MIA-MIAN KOPIAN 4:23

Sinaa aijo' Tumpu nompo'untungmo nahampate na mian nu Israel nongewa i Yabin, tomundo nu Kana'an.