NEHEMIA 9:20 - KITAB NU TUMPU ALLA LELE MA'IMAI'

²⁰ Kalana kuasa nu Belento anu ma'ima' hondo aijo' binaumo salaku pokinde' nu Belento hi aha. Aha nongkaanmo manna ka' nonginumo uee sampe sinukup hondo.

NEHEMIA 9:20 Iomraidhean Croise

NEHEMIA 9:30

Taun toka sataun sabaan na Belento mompokinde'i aha; Roh nu Belento mompoto'i aha to nabi-nabi da mompoto'iakon hi aha mian, Panyo mian anu palesayamo hi Belento mongonsongimo bihing nu aha, lantas binee'mo nu Belento na lipu' iwi-iwi' hi to bansa-bansa.

MAZMUR 105:41

Biniha'-Nyo na bungkutnyo nu batu sahingga tinolotimbimo mae na uee, anu no'ilimo susumo kaunyo i tampat padang anu mateges na tano'nyo.

MAZMUR 143:10

Potiju'akon mae na aku mombau pongka'oho' nu Belento, kalana Belentomo na Tumpungku. Belento manonong, ka' molaya'mo aku i jalan anu mahata.

NOSABATMO 16:15

Salatan tinoamo nu aha mian Israel, aha madi' monsumbu' pa' apaa na aijo'. Sahinga aha nompaha poki-pokilawamo samian ka' samian, “Apaa na aijo'?” Lantas i Musa notataemo hi aha, “Aijo'mo na anu okaan anu nubee' nu Tumpu hi belemiu.

NOSABATMO 16:35

Manna aijo' binaumo kaanon nu aha mian Israel kopinnyo pinatompulu' na taun, i lambakonnyo tinoka i Kana'an, tampat anu kinajojoonganmo nu aha. (

NOSABATMO 16:4

Tumpu notataemo hi Musa, “Uuka aiya Ku tau'akonmo mae na anu okaan manjoo' hondo sumo ujan bau bagi miu iwi-iwi'. Sansina-sinaa belemiu tionyo ahi' molimu' anu okaan aijo' saimbanggan anu okaan sansinaa. Tiba jalan anu sumo aijo' Aku monguji'mo mian anu pinalesayamo hi beleng-Ku da Ku sumbu' pa' aha mohongo-hongo to pale-palentah-ng-Ku kabai madi'.

NOSABATMO 17:3

Panyo mian haha aijo' talalomo hondo negot sahingga aha saja'mo nososon hi Musa. Koonyo nu aha, “Kadaka' binoamo mae nu beleyum na kami nosabat lengkat mae i Mesir? Sahingga kami, to ana-anak mami ka' potuu'on mami i natemo nu megot?”

NOSABATMO 17:6

Aku tuminjoje i ahop nu beleyum aita' i batu anu daka' i Bungkutnyo nu Sinai. Sapahi na batu aijo' da uee mosabat sahingga to mia-mian timbalimo monginum.” I Musa nombaumo sumo aijo' sinakisian nu to pola-polaya' nu aha mian Israel.

YESAYA 48:21

Maumo ahi' Ia nompotiju'mo aha nontulu mae padang tampat anu kinunmo, aha madi' ahi' sinansala nu megot. Tumpu nombiha'mo bungkutnyo nu batu ka' nompolubatmo mae uee, lengkat mae aijo' ibatu pinolubat-Nyomo mae na uee bau kapalaluan nu aha.

YESAYA 49:10

Aha madi'mo megot ka' mo'ohop, ka' madi'mo nu kona nu singit ipadang tampat anu mateges. Kalana Tumpu mongkalibosimo aha ka' mompotiju'mo aha, ka' montaka'mo mamba i mata nu uee.

HAGAI 2:5

Salatanmo belemiu nosabatmo mae lengkat i Mesir Aku binalajanji'mo saja' monjagai belemiu. Jadi boli belemiu bata-bata.

NOMBILANGMO 11:17

Aku mintatau'je mae ka' motatae hi beleyum i tampat atina' ka' sambagian na kuasa anu binee'-Kumo hi beleyum, Ku bee'mo hi aha. Sahingga timbalimo na aha montulungi beleyum mongkalesang hingga-hinggat bansa aiya, ka' bolimo ola posi beleyum na mongkalesang.

YOHANES 4:10

I Yesus nontaami, “De beleyum monsumbu' apaa na anu nubee' nu Tumpu ka' ihe na mompoita monginum hi beleyum tantu beleyum na momoita monginum hi Ia, ka' Ia tionyo mombee'i beleyum uee kantumuu'an.”

YOHANES 4:14

“panyo mian anu monginum uee anu Ku bee', madi'mo daagi' megot sidu-sidutu'. Kalana uee anu Ku bee' aijo' timbalimo mata nu uee i uno nu butongnyo anu mo'ili mosabat ka' mombee'i ia kantumuu'an talakana' sampe toka sidu-sidutu'.”

ROMA 15:30

Tiba sanggo nu Tumpunto i Yesus Kristus, ka' tiba kalibosan anu binee' mae nu Roh nu Tumpu, kupoita sabole-boleh hi komiu da aku tiba komiu mondo'akon mae totu-totu'u aku hi Tumpu Allah.

1 KORINTUS 10:3

Aha iwi-iwi' nongkaan kaanon nu Tumpu bubuu' pokakana,

EFESUS 5:9

Kalana lengkat i jingka aijo' na kalubatan nu ngangahan na bauon anu ma'ima', adin ka' hodi' i pontoan nu Tumpu.

YOSUA 5:12

I sinaa aijo' suele manna' madi'mo daagi' nanabu' lengkat mae i langit, ka' aha mian nu Israel madi'mo nongkaan manna'. I sinaamo aijo' na aha nontampu'uni nongkaan isi nu ale' nu Kana'an.

2 PETRUS 1:21

Kalana, madi' toho' potuunon nu Tumpu opolele ola kalana pongka'oho' nu mian. Panyo Roh nu Tumpu na mongkuasai mian da mompotokakon potuunon anu lengkat mae hi Tumpu Allah.