NEHEMIA 9:14 - KITAB NU TUMPU ALLA LELE MA'IMAI'

¹⁴ Sinaa nu Sabat anu susi' tionyo ahi' nu lame'akon nu aha, ka' atulan nu Belento binee'mo nu Belento hi Musa lantas iaje na nompoto'i hi kami.

NEHEMIA 9:14 Iomraidhean Croise

KAJADIAN 2:3

Lantas binalakatan-Nyomo na sinaa ko popitu'nyo aijo' ka' pinotimbali-Nyomo sinaa anu susi', kalana i sinaa aijo' Tumpu Allah nilawemo, salatan iningkotmo na kalaja-Nyo.

NEHEMIA 1:8

O Tumpu, o'inau' na potatae nu Belento anu tinaeakonmo i Musa apaa na anu pinalentahkonmo nu Belento, tukoonto, de kami mian nu Israel madi' tulu-tulutan hi belento, kami obagi-bagimo nu Belento mamba i bansa-bansa sangga'at.

NEHEMIA 10:32

Sataun toka sataun kami toto samian tionyo ahi' mombee' olima' na gram na salaka anu bau pongongkosi Laigan nu Tumpu.

NOSABATMO 16:23

I Musa notataemo hi aha, “Aiya na palentah nu Tumpu: Dodop samata-mata sinaa pilaweanmo, sinaa nu Sabat, sinaa anu osombahkonmo hi Tumpu. Apaa na anu kahanda' otunui nu belemiu sinaa aiya, tunuimo, ka' apaa na anu kahanda' o unjang nu belemiu, unjangmo. Labinyo nu anu opalalui sinaa aiya, posi po iwi'mo ka' po una' bau kapalaluan dodop.”

NOSABATMO 16:29

O inau' Aku nombee'imo belemiu sansinaa na milawe. Mokonyo aijo' sinaa ko inomonnyo binee'an-Kumo anu okaan saimbanggan kapalaluan uansinaa. I sinaa ko ipitunnyo toto samian tionyo ahi' jojoongmo i laigan, ka' madi'mo timbali mosabat.”

NOSABATMO 24:12

Lapas aijo' Tumpu notataemo hi Musa, “Tokamo mae hi beleng-Ku aita' i bungkutnyo. I kiita' mae Ku bee'je hi beleyum ohua' na batu anu tinulisan-Kumo nu atulan-Ku iwi-iwi'. Iwi-iwi' na atulan aijo' Ku bee' da bau pompokinde'i bansa aijo'.”

YEHEZKIEL 20:11

Ikiijo' mae Ku bee'mo na palentah-ngKu hi aha ka' Ku ajanakonmo na atulan-Ku anu tionyo ahi' nu tuluti nu aha kalana mian anu montuluti aijo' na tataap ahi' tumuu'.

YEHEZKIEL 20:12

Ku palentahmo na aha da moholomati ahi' sinaa nu Sabat salaku tanda palajanjian anu binee'-Kumo hi aha saba' Akumo ahi' na Tumpu, anu nompo iwi'mo aha salaku mian anu palesayamo hi beleng-Ku.

YEHEZKIEL 20:20

Oholomati na sinaa nu Sabat da timbali bau salaku tanda palajanjian hi belengku tiba hi belemiu salaku bau pompotuka hi belemiu saba' Akumo ahi' na Tumpu nu belemiu'.’

IMAMAT 19:3

Toto samian tionyo ahi' mongadati tuuma ka' tinanyo ka' molame'akon sinaa nu Sabat susumo anu pinalentahkon-Kumo. Akumo na Tumpu Allah nu belemiu.

IMAMAT 27:34

Aijo'mo na to pale-palentah anu binee'mo nu Tumpu aita' i Bungkutnyo nu Sinai hi Musa da ogunakon hi bansa Israel.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

PO'ULE' INGULIT 4:45

Han aijo' binaunyo salatan noko posabatmo na aha lengkat mae i Mesir ka' jinojoongmo i bangka'nyo sasu kabete'an Kaunyo nu Yordan mompaha ahop tiba kota Bet-Peor. Da'erah aijo' u'utu mae da'erah i tomundo Sihon tomundo nu mian Amori, anu naipuan mae nompalentah kota Hesybon. I Musa ka' bansa Israel nompatundu'mo ia tempo'nyo aha nosabat mae i Mesir.

PO'ULE' INGULIT 4:5

Iwi-iwi' na atulan haha aijo' pinogulu'kumo hi belemiu susumo anu pinalentahkonmo nu Tumpu Allah-ngku. Tuluti na iwi-iwi' aijo' i lipu' anu opinsoopi miu ka' jojoongmo ikiijo'.

PO'ULE' INGULIT 5:31

Panyo beleyum, Musa po'ule' pinsusule' mae ka' jojoongmo i aiya tiba Aku; beleyum Ku bee'imo iwi-iwi' na atulan ka' palentang-Ku. Pogulu'akon hi aha, da aha montuluti de tokamo i lipu' anu Ku bee'mo hi aha.’