NEHEMIA 9:13 - KITAB NU TUMPU ALLA LELE MA'IMAI'

¹³ Lengkat mae i langit Belento nintatau'mo mae aita i Bungkutnyo nu Sinai, Lantas notataemo na Belento hi mian anu palesayamo hi Belento. Belento nombee'imo atulan, mosia na mongatun ka' mule' mosia na mompalentah, anu adin, adin ka' anu mingguna.

NEHEMIA 9:13 Iomraidhean Croise

2 TOMU-TOMUNDO' 17:37

Saja' otuluti na to atu-atulan ka' to pale-palentah anu tinulis Kumo da ogunakan nu belemiu. Boli monsombah to pilo-pilogot sangga'at,

EZRA 7:6

I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

MAZMUR 119:137

Belento adin, o, Tumpu iwi-iwi' na atulan nu Belento kinonamo hondo.

MAZMUR 119:160

Iwi-iwi' na potatae nu Belento totu'u, iwi-iwi' na atulan nu Belento anu adin tataap sampe toka sidu-sidutu'.

MAZMUR 119:4

Belento nombee'imo mae kami atulan nu Belento o Tumpu, da obau mami ma'i-ma'ima'.

NOSABATMO 16:23

I Musa notataemo hi aha, “Aiya na palentah nu Tumpu: Dodop samata-mata sinaa pilaweanmo, sinaa nu Sabat, sinaa anu osombahkonmo hi Tumpu. Apaa na anu kahanda' otunui nu belemiu sinaa aiya, tunuimo, ka' apaa na anu kahanda' o unjang nu belemiu, unjangmo. Labinyo nu anu opalalui sinaa aiya, posi po iwi'mo ka' po una' bau kapalaluan dodop.”

NOSABATMO 19:11

Hipuan aha tionyo ahi' montanda'imo. I sinaa aijo' Aku mintatau'mo mae i Bungkutnyo nu Sinai, tampat anu timbali pontoan Aku.

NOSABATMO 20:1

Lantas Tumpu Allah notataemo, ka' sumo uuka na potatae-Nyo,

NOSABATMO 20:22

Tumpu nompalentahmo i Musa da otaloakon hi aha bansa Israel, “Belemiu nontoamo mosia na Aku Tumpu, notataemo hi belemiu lengkat mae i langit.

YESAYA 64:1

Beakmo mae na langit ka' pintatau'mo mae, o, Tumpu, genggomo na bungkutnyo iwi-iwi' da gayu'anmo i ahop nu Belento,

YESAYA 64:3

Belento toho'mo nombau palabuatan anu opalias hondo anu madi' sinangka-sangka mami, Belento nintatau'mo mae ka' i ahop nu Belento iwi-iwi na bungkutnyo ginayu'anmo.

HABAKUK 3:3

Belento Tumpu Anu talalo ahi' susi' lengkat mae i Teman Belento lengkat mae i bungkutnyo nu Paran. Langit sinongkohanmo nu katalasanggoan nu Belento; dunia nobuke'mo nu anu bau pompuji' Belento.

ROMA 7:16

Yo, de aku mombau anu madi' mo'imboa tiba anu ku ka'ima'i, aijo' alati'nyo aku mongakui te atulan nu agama Yahudi aijo' ma'ima'.

PO'ULE' INGULIT 33:2

“Tumpu tinoka lengkat mae i Bungkut nu Sinai; Ia binete' mae aita' i Edom susumo batu nu sinaa ka' lengkat mae i Bungkutnyo nu Paran Ia nonjingkaimo mian anu pinalesayamo hi Ia. Ia sinangaluan mae nu malaekat aha sampulu' na madala; ka' apu moak i sasu koanan-Nyo.

PO'ULE' INGULIT 4:33

Pa' daagi' ko bansa anu sabole-bole tinumuu' salatan nohongomo pilogot notatae hi aha aijo' mae i apu, susumo anu tina'upmo nu belemiu?

PO'ULE' INGULIT 4:36

Aita' mae i langit Ia nompohongomo potatae-Nyo hi belemiu da mompokinde'i belemiu, i dunia aiya Ia nompotoamo hi belemiu apu-Nyo anu tahahumo hondo, ka' aijo' mae i apu Ia notataemo hi belemiu.

PO'ULE' INGULIT 4:8

Ka' bansa daka' iya na anu ko atulannyo susumo aijo' na ko adinnyo pokakana sumo atulan anu pinogulu'kumo hi belemiu sinaa aiya?

PO'ULE' INGULIT 5:4

Lengkat mae i apu aita' i bungkutnyo aijo' Tumpu kahanda'mo motatae hi belemiu.