NEHEMIA 9:10 - KITAB NU TUMPU ALLA LELE MA'IMAI'

¹⁰ Kona hi tomundo' Mesir binaumo nu Belento na hahan anu opalias. Ka' suele kona hi mian anu kopangkat ka' mule' hi mian da'isan anu i lipu' nu aha, kalana osumbu' nu Belento mosia na mian anu palesayamo hi Belento, sisinakisamo nu aha. Lantas tinalasanggomo na sanggo nu Belento sampe sinaa uuka aiya.

NEHEMIA 9:10 Iomraidhean Croise

NEHEMIA 9:16

Panyo mompolee' mami nindaka-daka'mo ka' mule' pinanggagamo; iwi-iwi' na palentah nu Belento madi'mo pinajulian nu aha.

NEHEMIA 9:29

Pinokinde'anmo nu Belento na aha da pangajalan nu belento otapali ahi', panyo aha madi'nontalima atulan nu Belento kalana kinyonyoa nu aha takabun. Padahan de atulan nu Belento obau ahi' na bau-baunyo, tantu mohumpak ka'ima'an na kantumuu'an. Aha panggaga hondo ka' mule' ulawon na kinyonyoa nu aha, madi' mongka'oho' mohongo ka' madi' tulu-tulutan.

MAZMUR 83:18

Bakas na aha saja' opopo'ambang ka' saja' mongoa'i mabuhuk, bakas na aha silaka kalana nusaduakon lewa'mo o'alu.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

NOSABATMO 3:20

Panyo Ku pakeje na kakuasa'an-Ku, ka' mohukum Mesir nu to bala-balaa' anu okabuhuk anu ku pokona hi aha kiijo' mae. Lapas aijo' ia mompobee'je belemiu mamba.

NOSABATMO 5:2

“Ihe na Tumpu aijo'?” pinokilawa i tomundo. “Kadaka' aku montapalimo Ia ka' mompobee'mo bansa Israel mamba? Aku madi' monsumbu' Tumpu aijo' ka' mian nu Israel madi' ku pobee' mamba.”

NOSABATMO 7:1

Tumpu notatae hi Musa, “Ku potimbalimo na beleyum sumo Tumpu Allah i ahop i tomundo, ka' utus nu beleyum i Harun na basisik hi ia salaku nabi nu beleyum.

NOSABATMO 9:16

Panyo belemiu Ku pobee' tumuu' da timbali Ku potoa na kakuasa'an-Ku hi belemiu, sahingga sanggong-Ku talasanggo i songko-songko na dunia.

YESAYA 42:20

O, Israel, manjoo'mo na anu tinoa nu beleyum panyo madi' nu palahatikan, bihing nu beleyum tabuka' panyo madi' beleyum mohongo.”

YESAYA 63:12

Iyamo mae na Tumpu anu nonsangaluimo i Musa, nu lima-Nyo maho-mahoson hondo ka' nombagimo ohua' na uee i ahop nu aha da sanggo-nyo talasanggo sampe toka sidu-sidutu'?

YESAYA 63:14

Tumpu nomboamo aha itampat pilawean, susumo potuu'on binoamo da mongotot hemput itampat padang anu ewa. Sumo aijo'mo na Ia mompotiju' mian anu palesayamo hi Ia, da sanggo-Nyo opopodaka'.

YEREMIA 32:20

Naipuan mae Belento nombaumo hahan anu okabangangi tiba hahan anu daka' hondo i Mesir, ka' sampe toka tempo uuka aiya Belento daagi' ahi' saja' mombau mau hi aha mian nu Israel mau hi aha iwi-iwi' na bansa sangga'at. Kalana aijo' Belento tempo' uuka aiya tinalasanggomo iyaya mae.

YEHEZKIEL 20:9

Panyo aijo' madi' binaung-Ku da sanggong-Ku boli mae o'alu nu to bansa-bansa itampat kajojoongan nu aha. Kalana i ahop nu bansa haha aijo' Aku nombebakonmo tukoong-Ku bansa Israel Ku sabatakonmo lengkat i Mesir.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

DANIEL 9:15

O, Tumpu, Tumpu mami, Belento nompotoamo mae kuasa nu Belento nonomboamo aha mian anu palesayamo hi Belento nosabat lengkat mae i Mesir, ka' kuasa nu Belento aijo' daagi' saja' tataap o, inau'. Kami nombaumo dosa' ka' mule' nombaumo kasala'an.

SISIKON NU TO RASUL-RASUL 7:36

I Musa ai-aijo'mo na polaya' nu bansa Israel nosabat lengkat i Mesir ka' nombau anu okabangangi tiba hahan anu ma'isa toho' tinimbali i Mesir, i Ambai anu Momea' ka' i padang ewa kinopinnyo patom pulu' na taun.

ROMA 9:17

Kalana i Kitab nu Tumpu tinulis, “Tumpu notatae hi Tomundo' nu Mesir, ‘Aku mompotimbali beleyum Tomundo' ola sa'angu' na kahanda' aiya, da kalana beleyum, Aku mompotoa kuasang-Ku, ka' mompotimbali sanggong-Ku talasanggo i songko-songko na dunia.’ ”

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

PO'ULE' INGULIT 7:19

O' inau' na to bala-balaa' anu okabuhuk hondo anu pinosi sakisianmo nu belemiu, batu-batu anu okabangangi, ka' kakuasa'an anu daka' na binaumo nu Tumpu Allah nu belemiu, kalana kahanda' mompobebas belemiu. Sumo aijo' suele na Tumpu Allah mombau iwi-iwi' na bansa anu okabuhuk miu.

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”