NEHEMIA 8:3 - KITAB NU TUMPU ALLA LELE MA'IMAI'

³ Lantas lengkat pe'e daagi' subu-subu tinoka-toka sonsu'unmo na sinaa, i Ezra nombasa'mo Atulan aijo' i ahop nu aha. Aha iwi-iwi' singkapmo nompotombihing totu-totu'u.

NEHEMIA 8:3 Iomraidhean Croise

NEHEMIA 10:29

Kami iwi-iwi' mosa'angu'mo tiba to pola-polaya' mami ka' basumpa'mo da montulutimo atulan nu Tumpu Allah anu binee'-Nyomo hi Musa, posaihonnyo aijo'. O'amalakon mami da Tumpu Allah mongkutuki mae kami de kami madi'mo mombau apaa na anu jinanji'mo mami aiya. Kami basumpa'mo da montulutimo totu-totu'u palentah iwi-iwi'; atulan ka' apaa na anu ingatunmo nu Tumpu, Tumpu Allah mami.

NEHEMIA 13:1

Salatan Atulan i Musa binasa'akonmo hi mian da'isan, kiijo'je ka' i humpak na katalangannyo sumo uuka: ‘Mian nu Amon ka' Moab madi' hondo timbali maninggalo' tiba mian anu palesayamo hi Tumpu Allah,

NEHEMIA 8:1

I bitu'on anu kinopopitu'nyomo mian nu Israel tinataapmo na jinojoong i kota' nu aha toto samian. I tanggan sa'angu' bitu'onmo ai-aijo' aha iwi-iwi' sinihukmo i Yerusalem, i popasan, i ahop nu Sabatan Daka' Uee. Aha nompoitamo da Kitab Atulan, nu alamae i Imam Ezra, mian anu pande hondo i Atulan anu binee'mo nu Tumpu hi Musa da opake hi aha mian nu Israel.

NEHEMIA 8:18

Pinitun sinaa na kopinnyo na aha nolame'akon. Sansina-sinaa bahagian nu kitab Atulan nu Tumpu Allah nubasa'akon i Ezra. Tinoka i sinaa ko ualunnyomo nombaumo adatnyo salaku kamingkotannyomo, susumo anu pinoto'imo nu Atulan nu Tumpu.

NEHEMIA 8:4

I Ezra tinuminjo i mimban te kau' na binau anu binaumo da bau katinjoan i Ezra aha mogombu aijo'. Mian anu tinuminjo i sasu koanannyo aitumo aha: i Matica, i Sema, i Anaya, i Uria, i Hilkia, tiba i Maaseya; ka' anu i sasu kowinyo aijo'mo: i Pedaya, i Misael, i Malkia, i Hasum, i Hasbadana, i Zakharia tiba i Mesulam.

NEHEMIA 8:5

Mimban anu kinatinjoan i Ezra aijo' lebe matangkas nu liu-liu na mian haha aijo', sahingga aha timbali montoa-toa ia. Salatan ia nombuka'mo kitab aijo', nodongan aha lia-lia' suele singkap mo tinuminjo.

MARKUS 12:37

Jadi, de i Daud monsanggo Tomundo' Pomposalamat aijo' ‘Tumpu’, mosiamo na Ia timbali lee' i Daud?” Mian da'isan anu kiijo' i Laigan nu Tumpu, sanaang na mohongo i Yesus mongajan.

LUKAS 19:48

panyo madi' mohumpak jalan da obau na han aijo', kalana iwi-iwi' na mian saja' mohongo Ia, ka' mongka'ima'i potatae-Nyo.

LUKAS 8:18

Mokonyo aitu o intomakon ma'i-ma'ima' apaa na anu i hongomo miu. Kalana mian anu daagi'mo opaka bee'i mule' lebe manjoo'; panyo mian anu madi' ko apa-apaa, sangkiding pe'e anu daagi' hi ia suele o ala.”

SISIKON NU TO RASUL-RASUL 13:15

Salatan Kitab i Musa ka' Kitab nu to nabi-nabi binasa'akon, to pola-polaya' i laigan pogalejaan aijo' nonsai mian mompokilawa hi Paulus ka' to sanga-sangalunyo, “To utu-utus, de kita utus ko pokinde apa-apaa hi to mia-mian aiya, ku poita da mompotokamo pokinde' aijo'.”

SISIKON NU TO RASUL-RASUL 13:27

kalana to mia-mian anu jojoong i Yerusalem ka' to pola-polaya' nu aha madi' monsumbu' saba' Iamo na anu momposalamat aijo'. Aha madi' mangalati' i sinaa nu Sabat, sahingga aha nohukum i Yesus. Panyo kalana mombau anu sumo aitu, ahamo na nonsabapi sahingga apaa na anu tinaloakon nu to nabi-nabi aijo' jinadimo.

SISIKON NU TO RASUL-RASUL 15:21

Kalana atulan i Musa daagi' pe'e naipuan mae saja' o basa'akon toka i sinaa nu Sabat, i to lai-laigan pogalejaan, ka' pinolelemo i iwi-iwi' na kota.”

SISIKON NU TO RASUL-RASUL 16:14

Samian anu lengkat aijo' hi aha, aijo'mo na anu lewa' mompobaluk hude mingkamumu', sanggonyo i Lidia nolengkat mae i Tiatira. Ia mongkalibosi Tumpu, sahingga Tumpu nohenggoakon kinyonyoanyo da ia montalima apaa na anu no ajanakon i Paulus hi ia.

SISIKON NU TO RASUL-RASUL 17:11

To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

SISIKON NU TO RASUL-RASUL 20:11

Lapas aitu i Paulus po'ule'mo noliba' nokiita', lantas nombagi-bagimo roti ka' kinaan nu aha hingga-hinggat. Salatan pininmo na binasisik tiba to mia-mian ilambaakonnyo subu-subu, i Paulus nambamo.

SISIKON NU TO RASUL-RASUL 20:7

I pihi nu duminggu kami nosa'angu' da mongkaan hingga-hinggat susumo anu moto utus. I Paulus lewa' binasisik tiba to mia-mian, kalana dodop ia kahanda'mo mamba. Tinoka tonga' pahu i Paulus ola saja' binasisik.

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

PO'ULE' INGULIT 31:9

Lantas i Musa nontulismo atulan nu Tumpu Allah ka' binee'nyomo hi to ima-imam nu aha Lewi anu binee'anmo kalaja da mongka'lesang Peti' Palajanjian, ka' hi to pola-polaya' nu aha Israel.

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

YOSUA 8:35

Batu-batu palentah i Musa binasa'akonmo i Yosua hi aha iwi-iwi' mian Israel anu sinihuk ikiijo' tibamo to bou-boune, to ana-anak, ka' to mia-mian anu lengkat mae i salipu'an anu jojoong kiijo' hi aha.

ANU PINOTO'I HI YOHANES 2:29

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 3:22

De ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”