NEHEMIA 8:15 - KITAB NU TUMPU ALLA LELE MA'IMAI'

¹⁵ Kalana aitu songko-songko na Yerusalem, i to kota-kota' ka' i kampung toto ise-ise', binebakonmo nu aha na palentah aiya, “Lako'mo mamba i bungkutnyo ka' ala mae na to panga-panga' nu kau' lontio', zaitun, kau' lanya', palma, ka' to kau-kau' sangga'at da bau tahop susumo koonyo nu atulan anu daagi' i uno nu Kitab nu Atulan.”

NEHEMIA 8:15 Iomraidhean Croise

KAJADIAN 8:11

Mamalom tomonsi' aijo' ninsusule'mo mae hi ia nontongon mae santake na hon nu zaitun anu malonde' i tungkusnyo. Aijo'je ka' sinumbu' i Nuh taalu' uee no'otimo.

IMAMAT 23:4

Aiyamo na sinaa anu olame'akon anu pinotataapmo nu Tumpu ka' tionyo ahi' obebakon i tempo'nyo anu tinantukanmo.

IMAMAT 23:40

Sinaa momonanyo belemiu tionyo ahi' mongalamo to bua-bua' nu kau' anu talalo hondo ma'ima' i ale' nu belemiu, ka' suele to hohon nu palma ka' to panga-panga' nu kau' anu hoopo', lantas otampu'unimo na molameanakon salaku kabilahian bau pongadati Tumpu Allah nu belemiu.

ZAKHARIA 1:8

tinoangku malaekat nu Tumpu nonsake'imo sa'angu' na ajahan momea'. Ia tinuminjomo isa'angu' na bangka'nyo i olot nu kau' murad. Aitu mae ihikunyo tinuminjo pa sangkuka na ajahan sangga'at daagi' ko anu momea', daagi' ko anu gio-gio mohaha tiba anu mopute'.

MATIUS 21:1

Salatan Yerusalem ingohanimo, aha tinokamo i Betfage i Bungkutnyo nu Zaitun. I kiijo' i Yesus nonsai ua'aha na mian anu saja' mombatuki Ia lumajang namba i moona.

YOHANES 12:13

Aha nongala te hoon nu palem ka' namba nolabot Ia, baloo nontaligalai, “Puji'mo na Tumpu! Balakatiakon na ia anu toka momboa sanggo nu Tumpu. Balakatiakon na Tomundo' nu Israel!”

PO'ULE' INGULIT 16:16

Iwi-iwi' na to momo'ane nu aha Israel tionyo ahi' toka mae monsombah Tumpu Allah nu belemiu i tampat anu pinile'an-Nyomo sataun pintolun aijo'mo i Sinaa Lamean nu Paskah, i Lamean Monsawe' gandum, tiba Lamean Tahop o atopi nu Hon nu kau'. Batu-batu mian tionyo ahi' momboa palasombahan.

ANU PINOTO'I HI YOHANES 7:9

Lapas aijo' aku nontoa mule', ka' nondin mian manjoo' hondo – madi' ko samian pe'e na moko ala molekeng konjoo'nyo. Aha to mia-mian anu lengkat mae i toto sa'angu' na bansa, tulunan, negara, ka' basa'. Aha nompusok juba' anu to pute-pute' ka' i lima nu aha paha-paha totoong na to panga-panga' nu kau' palem, mian da'isan haha aijo' tinuminjoo' nongahopi suhangan aijo', ka' mo'ahop hi Anak nu Domba aijo'.