NEHEMIA 8:12 - KITAB NU TUMPU ALLA LELE MA'IMAI'

¹² Sahingga ninsusule'mo iwi-iwi' na mian da'isan da aha mongkaanmo ka' monginumo ka' mombagi-bagimo anu o kaan hi mian sangga'at. Aha i lame'mo kalana nongalati'mo apaa na alatinyo nu anu binasa'mo ka' anu i hongomo nu aha aijo'.

NEHEMIA 8:12 Iomraidhean Croise

1 TAWARIKH 29:22

Sinaa aitu aha lewa'mo nongkaan ka' binala'inum ka' binalame-lame' i ahop nu Tumpu. Lantas kinopinduannyomo na aha nombebakonmo i Salomo hi mian tukoonyo nu aha i Salomo tinimbalimo tomundo'. I Uno nu sanggo nu Tumpu pinotantumo nu aha na ia salaku tomundo' nu aha ka' i Zadok na i hangkatmo binau imam.

NEHEMIA 8:10

Jadi uuka pinsusule'mo; pongkaan ka' ponginum obau lame-lame' na kinyonyoa. Sambagian na anu o kaan nu belemiu ka' anggur anu o'inum nu belemiu bee' hi aha anu kinadaagi'anmo i anu o kaan, sinaa aiya sinaa anu tinantukanmo hi Tumpu Allah-nto, jadi bolimo susa' na kinyonyoa. Kalame'an nu kinyonyoa anu binee'mo nu Tumpu hi belemiu atina'mo na mompohoson belemiu.”

NEHEMIA 8:11

Ka' suele mian nu Lewi haha aijo' nompo uli-ulitmo na mongindeke' mian da'isan, “Bolimo susa' na kinyonyoa i sinaa anu tinantukanmo aiya.”

NEHEMIA 8:13

Dodo-dodopnyo sinihukmo iwi-iwi' na to kapa-kapala nu aha batu-batu sa'anakan mae, to ima-imam ka' to mia-mian aha Lewi lantas nambamo hi Ezra da monggulu'imo pengajalan Atulan nu Tumpu.

ESTER 9:22

Kalana i sinaamo aijo' na aha iwi-iwi' nompatundu'mo sampobali' nu aha iwi-iwi', sahingga kasusa'an ka' kasansala'an nu aha tinimbalimo kalame'an ka' kabilahian. Kalana aitu aha tionyo molame'akon sinaa haha aijo' obauakon bau-bauon mongkakaan ka' mompaha bagibagii kaanon ka' mule' mombee'i apa-apaa hi mian kasiasi.

AYUB 23:12

iwi-iwi' na palentah nu Tumpu Allah saja'mo ku tuluti, pongka'oho'Nyo, ku batukimo, ka'misa'mo anu ku ka'ima'i na ku bau.

MAZMUR 119:111

Palentah nu Belento baumo pusaka'ku sampe toka sidu-sidutu', anu nompolame'mo kinyonyoangku.

MAZMUR 119:127

Palentah iwi-iwi' nu Belento lebe ku ka'ima'i molingkudui mosoni', molingkudui mosoni' anu madi' ko galo'nyo.

MAZMUR 119:130

De otalangkan, pangajalan nu Belento mompojingka, mompopangalati' mian anu madi' talalo pande.

MAZMUR 119:14

Aku lame' na montuluti palentah nu Belento iwi-iwi', sumomo daagi' ko halata' anu monga-ngahan hi belengku.

MAZMUR 119:16

Atulan nu Belento nomposanangmo aku; pangajalan nu Belento madi'mo ku kolilimi.

MAZMUR 119:171

Aku saja'mo mompuji' Belento, kalana Belento nompotinganmo aku atulan nu Belento.

MAZMUR 119:174

Kinyonyoangku mongindimo kasalamatan lengkat mae hi Belento, atulan nu Belento nompolame'mo kinyonyoangku.

MAZMUR 119:72

De hi belengku atulan nu Belento lebe ko angga'nyo molingkudui mosoni' ka' salaka i dunia aiya.

MAZMUR 119:97

Talalo hondo ku ka'ima'i na atulan nu Belento; ku tutugi sansina-sinaa.

YEREMIA 15:16

Belento nompoto'imo mae hi belengku, ka' ihongongkumo na potatae nu Belento toto sa'angu'. Aku aiya belentomo na tumpunyo o Tumpu Allah Anu Balakuasa hondo kalana aijo' sinin na potatae nu belento nomposanangmo ka' nompobilahimo mae aku.

LUKAS 24:32

Panyo ia madi'mo tinoa nu aha. Koonyo nu aha samian ka' samian, “Te misa'o kinyonyoanto ingoa'an sinanangmo hondo salatan ia binasisik tiba kita i tonga' nu jalan, ka' nontutuhakonmo isi nu Kitab nu Tumpu hi kita?”

ROMA 7:18

Kusumbu' madi' ko sa'angu' pe'e na anu ma'ima' i butongku; aijo'mo sipatku salaku mian. Kalana daagi' ko indi hi belengku mombau anu ma'ima', panyo aku madi' moko ala mombau.

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.