NEHEMIA 8:10 - KITAB NU TUMPU ALLA LELE MA'IMAI'

¹⁰ Jadi uuka pinsusule'mo; pongkaan ka' ponginum obau lame-lame' na kinyonyoa. Sambagian na anu o kaan nu belemiu ka' anggur anu o'inum nu belemiu bee' hi aha anu kinadaagi'anmo i anu o kaan, sinaa aiya sinaa anu tinantukanmo hi Tumpu Allah-nto, jadi bolimo susa' na kinyonyoa. Kalame'an nu kinyonyoa anu binee'mo nu Tumpu hi belemiu atina'mo na mompohoson belemiu.”

NEHEMIA 8:10 Iomraidhean Croise

1 TOMU-TOMUNDO' 8:66

I sinaa kino alunnyomo i Salomo nompalentahmo mian haha aijo' da minsusule'mo i laigan nu aha, kinyonyoa nu aha i lame'mo, kalana iwi-iwi' na balakat anu binee'mo nu Tumpu hi posaihon-Nyo i Daud ka' hi bansa Israel mian anu pinalesayamo hi Ia.

1 TAWARIKH 16:27

Katalasanggoan ka' kadaka'an saja' daagi' hi Ia, laigan-Nyo nobuke'mo nu kuasa ka' kalame'an.

NEHEMIA 8:11

Ka' suele mian nu Lewi haha aijo' nompo uli-ulitmo na mongindeke' mian da'isan, “Bolimo susa' na kinyonyoa i sinaa anu tinantukanmo aiya.”

NEHEMIA 8:12

Sahingga ninsusule'mo iwi-iwi' na mian da'isan da aha mongkaanmo ka' monginumo ka' mombagi-bagimo anu o kaan hi mian sangga'at. Aha i lame'mo kalana nongalati'mo apaa na alatinyo nu anu binasa'mo ka' anu i hongomo nu aha aijo'.

ESTER 9:19

Kalana aijo' mian nu Yahudi anu jojoong i kota toto ise-ise' saja' molame'akan i tanggan sampulu' ka' opat bitu'on Adar salaku sinaa kalame'an, sinaa pombauan bau-bauon ka' balame-lame', ka' mompaha bagi-bagii anu okaan.

ESTER 9:22

Kalana i sinaamo aijo' na aha iwi-iwi' nompatundu'mo sampobali' nu aha iwi-iwi', sahingga kasusa'an ka' kasansala'an nu aha tinimbalimo kalame'an ka' kabilahian. Kalana aitu aha tionyo molame'akon sinaa haha aijo' obauakon bau-bauon mongkakaan ka' mompaha bagibagii kaanon ka' mule' mombee'i apa-apaa hi mian kasiasi.

MAZMUR 149:2

Balame-lame'mo, o Israel kalana Ia na anu nompotimbalimo beleyum; bila-bilahimo, o mian anu jojoong i Sion kalana tomundo' nu beleyum!

MAZMUR 89:17

Sansina-sinaa aha sanang na kinyonyoanyo ka' sabole-boleh palesaya, kalana kanonongan nu Belento.

AMSAL 17:22

Kinyonyoa anu lame' momposehat butong; panyo kinyonyoa anu susa' monsaduakon da madi'mo kogia' mombau apa-apaa.

ANU MOMPOLELE POTATAE NU TUMPU 11:2

Balanjakon na doi nu beleyum ingangahan nu badagangan; Olio na usaha jonjoo'. Kalana mian palalu saja balajaga-jaga; mau ma'isa pe'e ko balaa' montokai mae.

ANU MOMPOLELE POTATAE NU TUMPU 2:24

Madi' ko anu lebe ma'ma' hi mian de misa' mongkaan ka' monginum ka' mule' molasa hasin nu kalaja. Aku iwi-iwi sumbu'je taalu' aijo' ola halala' nu Tumpu.

ANU MOMPOLELE POTATAE NU TUMPU 3:13

Ka'ima'annyo kita iwi-iwi' mongkaan ka' monginum ka' mongoa'i hasin nu kalajanto. Aitu anu binee'mo nu Tumpu.

ANU MOMPOLELE POTATAE NU TUMPU 5:18

De samian mohumpakmo kakaya'an tiba halata' lengkat mae hi Tumpu, ka' ia opobee' na molasai kakaya'an aijo', ia tionyo ahi' montalima kase na molasai hasin nu kalajanyo. Aijo' anu binee'mo nu Tumpu.

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

NYANYIAN ANU TALASANGGO 5:1

Aku tinokamo i ale'ku, sindua'anku pangantinku. Ilimu'kumo na mur tiba lampa-lampangku potik tiba juu' nu uani'ku kinaankumo inginumkumo na susu tiba uee nu anggurku. Pongkaanmo ka ponginumo to sanga-sangalungku. Inummo sampe nu osaimo na sindua'anku.

YESAYA 49:5

Ma'isa pe'e aku ihampe, ilagamo nu Tumpu da timbalimo posaihon-Nyo, da momposihukmo aha mian nu Israel, da aha po ule'mo mae toka hi bele-Nyo. Tumpu nompojadimo aku da iholomatan Tumpu aijo'mo na bau kahosonanku.

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

YOËL 2:23

O mian da'isan nu Sion, balame-lame'mo! Bilahimo ka' polo aismo! Kalana iwi-iwi' na anu ma'ima' lengkat mae hi Tumpu nu belemiu. I tempo'nyo nu polosuan binee'an-Nyomo sukup na ujan hi belemiu. I tempo'nyo nu bakin ujan tinudunakon-Nyomo mae. Ka' suele tempo'nyo nu pimbuhakan sumomo u'utu mae.

ZAKHARIA 14:21

Iwi-iwi' na kuhon anu daagi'i Yerusalem ka' mule' i songko-songko na Yehuda obee'mo samata-mata hi Tumpu, Tumpumo Anu Daka' na Kuasanyo na tumpunyo. Mian anu jojoong i Yerusalem de monsombahkonmo koloban na mompake da bau pongunjangan antok nu binatang anu opalasombahkon. De tokamo na tempo'nyo saidi' mae madi'mo daagi' ko padagang anu mobalu-baluk i Laigan nu Tumpu Anu Daka' na Kuasanyo.

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

2 KORINTUS 8:2

Aha inguji'mo nu kasusa'an anu toto boa-boat. Panyo mau mule' aha nongoa'imo kasusa'an-kasusa'an sumo aijo', aha bilahi ka' manonong hondo na kinyonyoa mombee'i bau pontulungi mian sangga'at, mau mule' aha kasiasi hondo.

FILIPI 3:4

Sabenannyo aku timbalije mule' taha'iman i adat haha aijo'. Kalana de daagi' ko toto samian anu mongoa'i ia daagi' ko pintoongan montaha'imani to ada-adat anu mombatuki dunia, aku na anu lebe-lebe mule'.

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.

1 SAMUEL 25:8

Soba pokilawa hi aha tantu nu pototu'uje nu aha. Kalana aijo' ku kakaase da suludadungku timbali otalima na toka i laigan nu belento boli opoposia kalana kakona i sinaa daka' aiya na kami tinoka mae aiya. Bee'i mae na to posa-posaihon nu belento aiya ka' suele hi belengku, i Daud, sangalu nu belento anu mompahakona hondo tiba belento, yayamo pa' apaa na anu ohalala'akon mae nu belento.”