NEHEMIA 7:73 - KITAB NU TUMPU ALLA LELE MA'IMAI'

⁷³ To ima-imam, to mia-mian nu Lewi, to mia-mian anu monjagai sabatan daka' i Laigan nu Tumpu, to panya-panyanyi kanjoo'annyo na aha te mian da'isan biasa anu mokalaja i Laigan nu Tumpu, osainsanggo-sanggomo iwi-iwi' na mian da'isan nu aha Israel, jojoong i to kota-kota' ka' i kampung toto ise-ise' i da'erah Yehuda.

NEHEMIA 7:73 Iomraidhean Croise

2 TOMU-TOMUNDO' 7:10

Kalana aijo' aha ninsusule'mo namba i Samaria ka' nompoto'i hi mian anu monjagai sabatan daka' nu kota'; “Kami nambamo i kemah nu aha mian Siria, ka' tinokan mami madi'mo ko miannyo i kiijo' mae. Ajahan ka' keledai nu aha tinokan mami dagi' sego-segot, i tampatnyo, ka' kemah nu aha iwi-iwi' pinojohokmo nu aha ka' pinala'ianmo nu aha.”

1 TAWARIKH 9:2

Aha anu momona ninsusule' mae po'ule' namba i posi tano' nu aha i kota' haha aijo', to tu'a-tu'anyo, to ima-imam, aha mian nu Lewi ka' anu mokalaja i Laigan nu Tumpu.

EZRA 2:70

To ima-imam, to mia-mian nu Lewi ka' sambahagian na mian da'isan anu jinojoongmo i Yerusalem ka' i iwi-iwi' na kota' anu madi' majo'on i Yerusalem. To mia-mian anu lewa' manyanyi, to mia-mian anu monjagai sabatan i Laigan nu Tumpu ka' to mia-mian Israel sangga'at jinojoongmo i iwi-iwi' na kota' anu kinajojoongan nu mompolee' nu aha naipuan mae.

EZRA 3:1

I bitu'on kopopitu'nyomo, mian nu Israel haha aijo' tinataapmo na jinojoong i kota' nu aha toto samian. I tanggan sa'angu' bitu'onmo ai-aijo' aha sinihukmo i Yerusalem,

NEHEMIA 11:3

I kota-kota' sangga'at, mian da'isan nu Israel, to ima-imam, to mia-mian nu Lewi anu mokalaja i Laigan nu Tumpu, lantas lee' mae nu to posa-posaihon i Salomo jojoong i posi tano' nu aha ka' i to kota-kota' nu aha.