NEHEMIA 7:2 - KITAB NU TUMPU ALLA LELE MA'IMAI'

² Anu mompalentah kota' Yerusalem binee'kumo hi utusku i Hanani ka' hi Hananya, anu montalenga'i benteng, kalana ia na molingkudui mian sangga'at, mabuhuk hi Tumpu Allah ka' timbali opalesaya.

NEHEMIA 7:2 Iomraidhean Croise

KAJADIAN 42:18

I sinaa ko itolunnyomo i Yusuf notataemo hi aha, “Aku mian anu mabuhuk ka' tulu-tulutan hi Tumpu Allah. Belemiu madi' opoposia asan mombatuki atulanku.

2 SAMUEL 23:3

Tumpu Allah i Yakub notataemo; hi belengku anu monjagai Israel nompoto'imo, “Tomundo' anu adin na mompalentah mian da'isan anu mompalentah montuluti Tumpu.

1 TOMU-TOMUNDO' 18:12

De ku pala'imo na tampat aiya, ku gantang Roh nu Tumpu momboamo belento Tuuma i tampat anu madi' ku sumbu'! Ka de ku poto'imo hi Ahab tukoongku belento Tuuma i aiya mae, lapas mae madi'mo nu humpak na belento Tuuma, tantu nu pateimo na aku. Da osumbu' nu belento Tuuma, aku aiya totu-totu'u monsombah Tumpu salatan pe'e aku daagi' anak!

1 TOMU-TOMUNDO' 18:3

Kalana aijo' i lagamo i Ahab na i Obaja da toka mae mangadap. (I Obaja kapala nu anu mongulus kapalaluan nu auan, i uno nu laigan i Tomundo'. Ia totu-totu'u mian anu saja' hondo monsombah Tumpu.

NEHEMIA 1:2

Tempo'nyo aitu, utusku i Hanani tinokamo lengkat mae i Yehuda tiba pa' aha mae sangkuka na mian. Lantas pinokilawangkumo na aha pa' mosiamo na kalebanyo nu Yerusalem ka' aha mian nu Yehuda anu ninsusule'mo mae lengkat i Babel pipinomboan aha.

NEHEMIA 13:13

Aku nombee'imo kalaja mian haha aijo' da montoa batu-batu salipi' pompo'una'an mantu posadiaon haha aijo': i Imam Selemya, i Zadok mian anu pande hondo i Atulan ka' i Pedaya mian nu Lewi. I Hanan anak i Zakur ka' makumpu i Matanya binee'ankumo kalaja da montulungi aha. Ku sumbu' na mian haha aijo' timbali opalesaya ka' timbali mongulus hahan anu obagi-bagi hi to sanga-sangalunyo anu mokalaja hingga-hinggat tiba ia, ka' mule' aha madi' tageo'.

NEHEMIA 2:8

Ka' mule', aku nompoitamo sulat anu toka obee' hi Asaf, anu monjagai alas nu kalaja'an, da nu potoukai kau' bau tumban nu sabatan daka' i benteng koko Laigan nu Tumpu, ka' anu opake i pagan mesen nu kota', ka' mule' anu bau laigan kajojoonganku. Iwi-iwi' na anu pinoitangkumo aijo' pinopo'imo i tomundo' kalana Tumpu Allah nontulungimo aku.

NEHEMIA 5:15

Iwi-iwi' na gubernur anu nompalentahmo momona ma'isa pe'e aku nompalentah, tinimbalimo tanggungan nu mian da'isan kalana aha montuntut patompulu' na doi salaka, na otalima sansinaa pombayan anu o kaan ka' anggur. Pakalaus mule' to mia-mian anu kopangkat aijo' hi aha suele nonsakisamo mian da'isan. Panyo aku madi' mongka'oho' mombau sumo aijo' kalana aku mabuhuk hi Tumpu Allah.

NEHEMIA 7:3

Pinoto'ingkumo hi aha, “Sabatan Daka' nu Yerusalem timbalije otuhea'akon de sinaamo ka' tionyo ahi' otumbanmo ka' osupati'mo ma'isa pe'e to mia-mian anu monjaga haha aijo' minsusule'mo, de madi'mo monjaga malom. Ka' mule' o'atunmo ahi' na mian nu Yerusalem anu monjaga, sambahagian i tampat-tampat ponjaga'an ka' sambahagian mule' mian anu molonda i da'erah duhu-duhuk i laigan nu aha.”

AYUB 1:1

I tano' Us daagi' ko samian na mo'ane anu jinojoong sanggonyo i Ayub. Ia nonsombah Tumpu Allah ka' montuluti hondo Ia. Ia mian anu ma'ima' hondo na kinyonyoanyo ka' madi' hondo lewa' mombau anu ma'idek.

MAZMUR 101:6

Ku ka'ima'i na mian anu tulu-tulutan hi Tumpu; aha timbali jojoong i laiganku. Mian anu tumuu' madi' ko kasala'annyo atina' na timbali mombau anu ku palentahkon.

NOSABATMO 18:21

Panyo tionyo ahi' suele beleyum mompile'i to pia-piangkuka na mo'ane anu pande, ka' mohangkat aha timbali polaya' hi mian anu samadala, mian anu sa'atu, mian anu limampulu' ka' mian anu sampulu'. Aha tionyo ahi' to mia-mian anu mabuhuk ka' mohongo-hongo Tumpu Allah, ka' timbali opalesaya ka' madi' mongka'oho' mongala doi bau pontutup palakala.

DANIEL 6:4

Salatan tinoamo na pakalaja'an i Daniel talu' lebe ma'ima' nu lingkudui na pakalaja'an nu gubernur-gubernur ka' mule' aha sangga'at anu montoa pakalaja'an nu to gubernur-gubernur. Kalana aijo' kahanda'mo nu hangkat i tomundo' na ia da mongkuasai songko-songko na kalaja'an.

NOMBILANGMO 12:7

Panyo madi' sumo posaihon-Ku i Musa. Olamo aijo' ia na mian anu tulu-tulutan madi' sumo mian sangga'at anu pinalesayamo hi beleng-Ku.

MATIUS 24:45

Koonyo mule' i Yesus, “Desumo aitu, posaihon anu mosia na anu mohongo-hongo ka' anu pande? Ia na anu o hangkat nu Tuannyo da timbali kapala nu to posa-posaihon sangga'at, da mombee'i aha mongkaan toka i tempo'nyo.

MATIUS 25:21

‘Ma'ima'mo’, koonyo nu tuan aijo', ‘beleyum posaihon anu ma'ima' ka' mohongo-hongo. Kalana beleyum timbali o palesaya i hahan anu sangkiding, manjoo'je na kubee' hi beleyum. Pinsoop ka' batuki na aku, basana-sanang tiba aku!’

1 KORINTUS 4:2

Anu momona pagala opoita hi to posa-posaihon anu susumo aijo' madi' kosangalasannyo aijo'mo da ia mohongo-hongo tuannyo.

2 TIMOTIUS 2:2

Ajalan anu u'utu mae i hongoummo lengkat hi belengku i ahop nu mian da'isan, tionyo ahi' beleyum mompalesayakonmo hi to mia-mian anu timbali opalesaya ka' anu pande na mongajan mian sangga'at.