NEHEMIA 7:1 - KITAB NU TUMPU ALLA LELE MA'IMAI'

¹ Salatan pagan mesen aijo' jinadimo na binau, pinokaungkumo da tumbannyo opaha pokonamo. Lantas mian anu monjagai sabatan daka', to panya-panyanyi ka' aha to mia-mian nu Lewi pinokaungkumo da mombaumo kalajanyo nu aha toto samian.

NEHEMIA 7:1 Iomraidhean Croise

2 TOMU-TOMUNDO' 7:10

Kalana aijo' aha ninsusule'mo namba i Samaria ka' nompoto'i hi mian anu monjagai sabatan daka' nu kota'; “Kami nambamo i kemah nu aha mian Siria, ka' tinokan mami madi'mo ko miannyo i kiijo' mae. Ajahan ka' keledai nu aha tinokan mami dagi' sego-segot, i tampatnyo, ka' kemah nu aha iwi-iwi' pinojohokmo nu aha ka' pinala'ianmo nu aha.”

2 TAWARIKH 31:2

I Tomundo Hizkia po'ule'mo nohangkat gombuan nu to ima-imam ka' mian nu Lewi ka' pinosi bebee'an kalaja na aha. Anu nu kalaja nu aha aijo'mo: monsombahkon koloban anu opotunu, ka' koloban anu bau pompodame, mongatun anu monsombah i Laigan nu Tumpu, ka' mompuji' ka' mule' montalima kase hi Tumpu iyaya mae na tampat anu kiijo' i Laigan nu Tumpu.

EZRA 3:8

Sahingga salatan tinokamo i bitu'on anu ko ohua'nyomo, i taun anu ko ohua'nyomo salatan mian nu Israel ninsusule'mo i Yerusalem, aha nontampu'unimo po'ule' nombau Laigan nu Tumpu. I Zerubabel, i Yesua tiba to sanga-sangalu sangko bansa nu aha, to ima-imam, mian nu Lewi osainsanggo-sanggomo aha iwi-iwi' anu toho'mo binoa i Babel, nokalajamo hingga-hinggat. Aha mian nu Lewi anu ko umunmo 20 na taun mokiita' binee'an kalaja monjagai anu mokalaja i Laigan nu Tumpu aijo'.

NEHEMIA 10:39

Mian da'isan nu aha Israel tiba to mia-mian nu aha Lewi tionyo ahi' momboa anu nu bee'mo mae nu mian, anu saja nu bee' mae nu mian aijo'mo: gandum, anggur, ka' mule' lanya' nu zaitun oboa i salipi' pompo'una'an mantu ka' suele pompo'una'an pakakas nu Laigan nu Tumpu. Ikiijo'mo suele na kajojoongan nu to ima-imam anu mohumpakmo gililan mokalaja sinaa aitu, to mia-mian anu monjaga sabatan Daka' Laigan nu Tumpu ka' mule' to mia-mian anu lewa manyanyi i Laigan nu Tumpu. Kami madi' lenta na mongkalesang Laigan nu Tumpu mami.

NEHEMIA 11:3

I kota-kota' sangga'at, mian da'isan nu Israel, to ima-imam, to mia-mian nu Lewi anu mokalaja i Laigan nu Tumpu, lantas lee' mae nu to posa-posaihon i Salomo jojoong i posi tano' nu aha ka' i to kota-kota' nu aha.

NEHEMIA 12:24

I Hasabya, i Serebya, i Yesua, i Binui tiba i Kadmiel na mongatun aha to mia-mian nu Lewi da binagi-bagi toto santompuk. Minsan mohumpak kalaja aha ohua' na tompukannyo, anu mompuji' Tumpu ka' montalima kase hi ia mobolobosan montuluti susumo anu ingatunmo i Tomundo' Daud Posaihon nu Tumpu Allah aijo'.

NEHEMIA 6:1

I Sanbalat, i Tobia, i Gesyem ka' sampobali' mami sangga'at nohongomo mae kami noko lapasmo na mombau pagan mesen, ka' iwi-iwi' na bolo'nyo pinaha tampolanmo, ola tempo'nyo aitu kami ma'isa nompaha pokona tumbannyo i sabatan daka' nu kota'.

NEHEMIA 6:15

Nombau pagan mesen aijo' kinopinnyo i limampulu' ka' ohua' na sinaa, ka' jinadimo kakona i tanggan uampulu' ka' olima' bitu'on Elul.

NEHEMIA 6:19

Maumo i Tobia satuli-tulisnyo sulat toka mae hi belengku mompopobuhuk aku, panyo to pola-polaya' nu aha Yahudi haha aijo' na saja' ahi' mompuji' sanggonyo, nu taloakon nu aha aitu i ahopku, iwi-iwi na palabuatan ma'ima' anu binaumo i Tobia. Ka' mule' iwi-iwi' na anu ku sisik, nupoto'i nu aha hi ia.