NEHEMIA 6:9 - KITAB NU TUMPU ALLA LELE MA'IMAI'

⁹ Aha nonsoba-sobamo nompopobuhuk kami da kami madi'mo mombau kalaja aitu. Aku binalado'amo, “O Tumpu Allah, pohosonakon mae na aku.”

NEHEMIA 6:9 Iomraidhean Croise

2 TAWARIKH 15:7

Panyo belemiu tionyo ahi' saban na kinyonyoa ka' baani ahi'. Apaa na anu nu usahakon aijo' mingkaliangan.”

2 TAWARIKH 32:18

To mia-mian anu sinai mae nu aha Asyur haha aijo' nolobo'akonmo iwi-iwi' aijo' ipotatae nu aha Ibrani, bau pompopobuhuk nu aha da bolimo baani na to mia-mian nu Yerusalem anu aita' i pagan mesen nu kota da dengke na aha mompatundu' kota aijo'.

EZRA 1:6

Iwi-iwi' na Laigan anu mompaha ohani aha nontulungimo ka' nombee'mo pakakas susumo umpamanyo salaka tiba mosoni', ka' mule' anu bau mantu i jalan, binatang anu pomposake'an boaon, halata' sangga'at ka' apa-apaa na anu osombahkon i Laigan nu Tumpu.

NEHEMIA 6:14

Aku binalado'amo, “O Tumpu Allah, tutugiakon mae apaa na anu binaumo i Tobia ka' i Sanbalat aijo'. O hukumakon na aha! Sumo aijo' mule' suele i nabi anu osa-osanggohi Noaya ka' to nabi-nabi sangga'at anu kahanda'mo mompopobuhuk aku.”

MAZMUR 138:3

Salatan aku nongkakasemo hi Belento, Belento nontaamimo mae, pinohosonmo nu Belento na kinyonyoangku sahingga aku binaanimo.

MAZMUR 56:3

Sansina-sinaa na aku opahampeja'akon nu mian anu nongewamo mae aku; manjoo' hondo na mian anu nonsampobali'mo mae aku, o Tumpu Anu Matangkas na Kuasa-Nyo.

MAZMUR 68:35

Akuimo na kakuasa'an nu Tumpu anu mongkuasai aha bansa Israel, kuasa-Nyo toka-toka kiita' mae i langit.

MAZMUR 71:1

Hi Belentomo na bau pihohunganku, o Tumpu, boli opojohok na aku opopo'ambang.

YESAYA 40:29

Ia mompohoson mian anu nalawemo, mongkakeha'i mian anu madi'mo moko ala mombau apa-apaa.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YEREMIA 38:4

Sahingga nambamo na to mia-mian anu ko pangkatnyo haha aijo' hi tomundo' ka' nompoto'i, “Mian aiya tionyo ahi' opatei na hukumannyo. Kalana sababnyo ia nontaloakonmo susumo aijo' sahingga to sulu-suludadu ihentemo na kinyonyoa nu aha iwi-iwi' ka' mian sangga'at anu daagi' jinojoong ikota' aiya. Ia madi'mo nontulungi mian da'isan panyo ola mule' ahi' nonsilakaimo aha.”

YEHEZKIEL 30:24

Lantas Ku pohosonmo na limanyo i tomundo' Babel, ka' Ku potoongmo na bajak-Ku ilimanyo. Panyo lima i tomundo' Mesir Ku pato'akonmo sahingga ia molotando'mo ka' mule' silakamo i ahop i tomundo' Babel, sampobali'nyo.

ZAKHARIA 10:12

Aku mompohosonmo mian anu palesayamo hi beleng-Ku, aha tulu-tulutanmo ka' monsombahmo Aku. Akumo, na Tumpuu anu notataemo.”

2 KORINTUS 12:9

Panyo Tumpu nontaami, “Aku mongkalibosi beleyum ka' aijo' sukupmo hi beleyum; kalana kuasang-Ku na anu talalo mahoson de beleyum mongoa'imo madi' mahoson.” Mokonyo aijo' aku lebe sanang na mombuulakon anu madi' ku poko ala, kalana de aku madi'mo mahoson, saba' tempo'je ahi' aitu na aku mongoa'i i Kristus monjagai aku nu kahosonan-Nyo.

EFESUS 3:16

Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo.

EFESUS 6:10

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

FILIPI 4:13

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.

IBRANI 12:12

Kalana aijo', pohoson na limaum anu i lundengmo ka' buku nu beleyum anu i langkakatanmo aijo'!

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

1 SAMUEL 30:6

To sulu-suludadu i Daud sinusa'mo hondo kalana madi'mo kino anak tiba bengkele' nu aha. Mokonyo aijo' aha kahanda'mo mompahambunu'akon nu batu i Daud. Jadi i Daud sinusa'mo hondo panyo kinyonyoanyo po ule'mo pinohoson nu Tumpu Allahnyo.