NEHEMIA 6:6 - KITAB NU TUMPU ALLA LELE MA'IMAI'

⁶ isi nu sulat aijo' sumo uuka: “I Gesyem nompototu'umo lele anu ma'isa talalo manasa anu lengkat mae hi bansa-bansa anu aitu mae mompaha ohani, anu nompoto'imo tukoonyo nu aha belento Utus ka' iwi-iwi' na mian nu Yahudi ko tanga'anmo mongewa, kalana aijo' Belento utus nombaumo pagan mesen nu kota'. Ia nompoto'i mule' tukoonyo Belento utus kahanda'mo timbali tomundo' nu Yehuda.

NEHEMIA 6:6 Iomraidhean Croise

EZRA 4:12

Da osumbu' nu belento Tomundo saba' mian nu Yahudi anu nompala'imo mae pa' sangkuka na da'erah sangga'at i uno nu kalaja'an nu belento Tomundo tempo' uuka aiya jinojoongmo i Yerusalem ka' po'ule'mo nombau kota' anu na'idekmo hondo ka' kahanda'mo mongewa na aha aijo'. Aha po'ule'mo nombau pagan mesen nu kota' ka' madi'mo pin kalaja nu aha aijo' mingkotmo.

EZRA 4:15

da opalentah nu belento Tomundo soba otoa i daputan na sanggo nu to mia-mian anu kiijo' tuli-tulis naipuan pe'e mae aijo'mo mompolee' nu belento Tomundo. I kiijo'je na belento Tomundo monsumbu' taalu' kota' Yerusalem memang saja' mombau ka'idekan hi pamalentah ka' naipuan pe'e mae saja' mompolugi' to tomu-tomundo ka' suele mompolugi' anu mompalentah Propinsi. Mian anu jojoong i kiijo' mahan hondo na opalentah. Mokonyo aijo' kota' aijo' ingideanmo.

NEHEMIA 2:19

Salatan tanga'an mami sinumbu'mo i Sambalat, i Tobia tiba i Gesyem, mian nu Arab kinokojoanmo nu aha ka' pinopo'ambangmo nu aha na kami. Koonyo nu aha, “Apaa na anu kahanda'mo obau miu? Pa' belemiu motomuhutmo hi tomundo?”

NEHEMIA 6:13

Tanga'an nu aha, aijo'mo da aku mabuhuk lantas montulutimo pongka'oho' nu aha sahingga baladosa'mo. Tiba jalan anu sumo aijo' nuhumpakmo nu aha na jalan mombusiki sanggongku sahingga aku lewa'mo nu alu nu mian.

NEHEMIA 6:5

Anu kino pinilimannyomo samian na suludadu i Sanbalat tinokamo mae nombee' mae sulat madi'mo pinai lupi',

NEHEMIA 6:7

Ka' nompoto'imo pa' aha sangkuka na nabi mohangkat ka' mombalakati Belento utus kiijo' i Yerusalem. Lele anu ma'isa talalo manasa aijo' tio-tionyomo toka hi tomundo'. Kalana aijo', tokamo mae da obisalakonmo na han aijo'.”

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

MATIUS 5:11

Bila-bilahi na komiu de o alu, o sakisa, o pitana'i kalana Aku.

LUKAS 23:2

I kiijo' aha nontampu'unimo nontuuk Ia. Koo-Nyo nu aha, “I humpak mami na Mian aiya, mompogulu' sala' hi mian daisan. Ia nonsale'i mian da boli mombayan hasin hi Tomundo, kalana tukoonyo Ia atina'mo i Kristus samian na Tomundo.”

YOHANES 19:13

Salatan i Pilatus nohongo potatae haha aijo', ia nomboamo i Yesus nosabat, lantas sinumuhangmo i kadela pomputusian palakala i tampat sanggonyo Salo Batu. (I uno nu sisik nu Ibrani sanggonyo Gabata.)

ROMA 3:8

Ka' kadaka' kita madi' timbali montaloakon, “Sahanyo kita mombau anu ma'idek da lubat na ka'ima'an?” Memang daagi' ko to mia-mian anu mongalu aku, nontaloakon tukoonyo, aku nontaloakonmo sumo aijo'. To mia-mian anu sumo aijo' nukonamo na o hukum nu Tumpu.

2 KORINTUS 6:8

Kami o adati, panyo mule' opopo'ambang; o puji' ka' mule' o'alu. Mau mule' kinyonyoa mami sahondo-hondonyo, kami opobau-bau baleko'.

1 PETRUS 3:16

Panyo obau ahi' na aijo' nu ima' ka' mingadat. Ka' kinyonyoa komiu opohodi' ahi', da de belemiu opitana'i kalana belemiu tumuu' ma'ima' salaku anu mombatuki i Kristus, saba' mian anu mompitana'i aijo' timbali mosi pa'ambangje.