NEHEMIA 6:1 - KITAB NU TUMPU ALLA LELE MA'IMAI'

¹ I Sanbalat, i Tobia, i Gesyem ka' sampobali' mami sangga'at nohongomo mae kami noko lapasmo na mombau pagan mesen, ka' iwi-iwi' na bolo'nyo pinaha tampolanmo, ola tempo'nyo aitu kami ma'isa nompaha pokona tumbannyo i sabatan daka' nu kota'.

NEHEMIA 6:1 Iomraidhean Croise

NEHEMIA 13:4

Ma'isa pe'e han aijo' jinadi, daagi' kino minsan i Imam Elyasib, anu binee'anmo kalaja monjaga ka' montoa iwi-iwi' na salipi' pongisian mantu posadiaon i Laigan nu Tumpu, mompahasumbu'mo hondo tiba i Tobia.

NEHEMIA 2:10

Panyo salatan i Sanbalat, mian nu Bet-Horon tiba i Tobia mian anu ko pangkatnyo lengkat mae i Amon, nohongomo aku tinokamo mae kalana kapentingan nu aha bansa Israel, aha nompele-pele'mo ka' aha pinusamo.

NEHEMIA 2:19

Salatan tanga'an mami sinumbu'mo i Sambalat, i Tobia tiba i Gesyem, mian nu Arab kinokojoanmo nu aha ka' pinopo'ambangmo nu aha na kami. Koonyo nu aha, “Apaa na anu kahanda'mo obau miu? Pa' belemiu motomuhutmo hi tomundo?”

NEHEMIA 3:1

Aiyamo na lelenyo mosia na mesen nu kota' Yerusalem pinokoima'anmo. I Imam Daka' Elyasib ka' to sanga-sangalunyo po'ule'mo nombau Sabatan Daka' Domba, nompokonamo tumbannyo ka' sinombahkonmo nu aha hi Tumpu. Aha nompoko'ima'imo ka' sinombahkonmo nu aha na pagan mesen toka-toka i Laigan tangka-tangkas sa'atu ka' toka-toka i Laigan tangka-tangkas Hananeel.

NEHEMIA 4:1

Salatan i Sanbalat nohongomo mae taalu' kami mian nu Yehu di nombaumo pagan mesen nu kota', ia pinusamo hondo ka' lewa'mo nompopo'ambang kami.

NEHEMIA 7:1

Salatan pagan mesen aijo' jinadimo na binau, pinokaungkumo da tumbannyo opaha pokonamo. Lantas mian anu monjagai sabatan daka', to panya-panyanyi ka' aha to mia-mian nu Lewi pinokaungkumo da mombaumo kalajanyo nu aha toto samian.

DANIEL 9:25

Tulis ka' alati'imo na aiya; Pimpitun lipat na popitu na taun na ohikuhakon, i mulaan pe'e mae tempo'nyo nonontalimamo palentah da po ule'mo mombau kota' Yerusalem sampe tokamo mae na samian na polaya' anu pinile'anmo nu Tumpu. Kopinnyo pimpitun lipat na anompulu' ka' ohua' na taun, iwi-iwi' na jalan tiba to bente-benteng nu Yerusalem anu ma'idekmo po ule'mo obau, panyo tempo'nyo aijo' manjoo' hondo nakasansala'an na ota'up.