NEHEMIA 5:9 - KITAB NU TUMPU ALLA LELE MA'IMAI'

⁹ Lantas po'ule'mo aku notatae, “Apaa na anu binaumo nu belemiu aijo' madi' ma'ima'! Ola ahi' sabenannyo belemiu tumuu' mabuhuk hi Tumpu Allah. Tiba jalan anu sumo aijo' sampobali'to anu madi' palesaya hi Tumpu aijo' madi' obee'i nu belemiu kasampatan mompopo'ambang kita.

NEHEMIA 5:9 Iomraidhean Croise

KAJADIAN 20:11

I Abraham nontaami, “Ku tutugi saba' i aiya madi' ko mian anu mabuhuk hi Tumpu Allah, sahingga aku nupateimo nu mian anu mongka'ima'i bengkele'ku.

KAJADIAN 42:18

I sinaa ko itolunnyomo i Yusuf notataemo hi aha, “Aku mian anu mabuhuk ka' tulu-tulutan hi Tumpu Allah. Belemiu madi' opoposia asan mombatuki atulanku.

2 SAMUEL 12:14

Panyo kalana belento Tomundo' nongambangimo Tumpu kalana nombaumo anu susumo aijo', anak mo'ane nu belento Tomundo' anu salaje' ihampe aijo' na tionyo ahi' silaka.”

NEHEMIA 4:4

Sahingga aku binalado'amo, “O Tumpu Allah, potombihingakon mae na kami aiya pinopo'ambangmo nu aha! Pokona'kon hi ubak nu aha na anu moko ambang aijo'. Bisa-bisa' iwi-iwi' apaa na halata' nu aha nutomang nu mian ka' aha oboa salaku mian anu i hakop mamba i tano' nu mian anu i salipu'an.

NEHEMIA 5:10

Posi aku, to utu-utusku ka' to sanga-sangalungku momposabolimo doi ka 'gandum hi mian da'isan. Madi'mo po'ule' opoita mami.

NEHEMIA 5:15

Iwi-iwi' na gubernur anu nompalentahmo momona ma'isa pe'e aku nompalentah, tinimbalimo tanggungan nu mian da'isan kalana aha montuntut patompulu' na doi salaka, na otalima sansinaa pombayan anu o kaan ka' anggur. Pakalaus mule' to mia-mian anu kopangkat aijo' hi aha suele nonsakisamo mian da'isan. Panyo aku madi' mongka'oho' mombau sumo aijo' kalana aku mabuhuk hi Tumpu Allah.

MAZMUR 90:11

Ihe na monsumbu' tambuha' nu Belento anu taha-tahahumo kabai mangalati' hondo pa' mosia na ka'ahenannyo nu tambuha' nu Belento?

AMSAL 16:29

Mian anu buhingison mombaleko'i to sanga-sangalunyo; ka momboa aha i uno nu kasilakan.

AMSAL 17:26

Madi' pantas opokonai denda, na mian anu madi' kosala'nyo; madi' pantas talalo buhingison hi mian anu manonong.

AMSAL 18:5

Madi' ma'ima' de matihapa hi mian anu palaganta ka' monsansala mian anu madi' ko sala'nyo.

AMSAL 19:2

Anu makeke de madi' ko ilimu', madi' ma'ima'; mian anu ko sia-sia saidi mae monsaduakon kasala'an.

AMSAL 24:23

To mia-mian anu pande hondo toho' notatae sumo uuka: Mian kopian madi' timbali maboat i sambiha'.

YEHEZKIEL 36:20

Maumo ahi' pa' moya na aha mamba, aha saja' ahi' mohumimi'i sanggong-Ku anu susi'. Mokonyo aijo' nu taloakon nu to mia-mian sumo uuka, ‘Bansa aiya te mian anu palesayamo hi Tumpu, panyo aha tionyo ahi' mompala'imo tano' anu binee'mo nu Tumpu hi aha.’

IMAMAT 25:36

Boli momoita sabonnyo i anu pinosabonmo hi ia panyo tionyo ahi okabuhuk nu belemiu na Tumpu Allah nu belemiu, ka' pobee' na mian aijo' jojoong atina' hi belemiu. Boli mongala ka'untungan i kaanon anu opobaluk nu belemiu hi ia.

SISIKON NU TO RASUL-RASUL 9:31

Sahingga jama'at i songko-songko na Yudea, Galilea ka' i Samaria madi'mo binata-bata. Roh nu Tumpu na nontulungi da nabuhuk hi Tumpu, sahingga to jama-jama'at aijo' nompaka majumo ka' nompaka da'isanmo.

ROMA 2:24

I uno nu Kitab nu Tumpu tinulis sumo uuka, “Kalana komiu to mia-mian nu Yahudi, sahingga sanggo nu Tumpu binusikanmo i tonga-tonga' nu bansa-bansa sangga'at.”

1 TIMOTIUS 5:14

Aijo' na sababnyo ku kahanda'i da to balu-balu anu ma'isa pe'e bengkele' po'ule' pe'e mo'osoa, mohumpak anak ka' mongulus auwan da sampo bali'to madi' mohumpak kasampatan mongide-idei sanggonto.

TITUS 2:5

timbali pande, tumuu' susi' ka' timbali tina nu auwan anu ma'ima', anu tulu-tulutan hi langkai'nyo. Tiba jalan anu sumo aijo' madi'mo ko mian anu mompisala'i lele lengkat mae hi Tumpu.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.

1 SAMUEL 2:24

Boli daagi mombau sumo aijo', belemiu anakku. Ma'idek hondo apaa na anu lewa' nu sisik nu mian anu pinalesayamo hi Tumpu mongkona belemiu!