NEHEMIA 5:4 - KITAB NU TUMPU ALLA LELE MA'IMAI'

⁴ Ka' daagi' mule' ko anu notatae, “Nonsabonmo doi bau polunasi hasin anu tinantukanmo i tomundo', aijo'mo hasin nu ale' sosu'anon sangga'at, ka' mule' ale' nu anggur mami.

NEHEMIA 5:4 Iomraidhean Croise

EZRA 4:13

De kota aijo' po'ule'mo nubau nu aha ka' pagan mesen nu kota' aijo' jadimo, aha mian anu jojoong i kiijo' madi'mo mongka'oho' mombayan hasin, lantas hasin anu o humpak hi mian da'isan maga'amo na anu obee' hi kalaja'an.

EZRA 4:20

Toho'mo kino to tomu-tomundo anu baani hondo nompalentah i kiijo' ka' nongkuasaimo songko-songko na Propinsi Efrat sasu Kinsoban ka' nombee'imo tanggungan hasin ka' apa-apaa mule' na anu tionyo nubayan nu aha sataun-toka sataun.

EZRA 7:24

Belemiu madi' timbali mongala hasin hi to ima-imam, mian nu Lewi, to panya-panyanyi, anu monjagai sabatan daka, anu lewa' osai mokalaja, kabai maumo pa' hi he na anu mokalaja i Laigan nu Tumpu.

NEHEMIA 5:3

Daagi' mule' ko anu notatae, “Jadi paya' aku nompogademo ahi' ale' sangga'at, ale' nu anggur ka' laigan mami da bau pongoli gandum da boli silaka nu ohop.”

NEHEMIA 9:37

Iwi-iwi' na hasinnyo anu ohumpak i tano' aiya, tionyo ahi' obee'mo hi to tomu-tomundo' nu lipu' To mia-mian anu balakuasa haha aijo' anu i hangkatmo nu Belento da mompalentah mian anu palesayamo hi Belento. Salaku hukuman nu dosa' anu binaumo mami hi Belento. Aha nompalentahmo mae yayamo pa' apaa na anu nu kahanda'i nu kinyonyoa nu aha, mompalentah butong mami ka' mule' mongkuasai potuu'on mami. Kalana aijo' kami nongoa'imo kasansala'an, saja'mo sinakisa ka' mule' saja'mo tinokan nu kasusa'an!”

AMSAL 22:7

Mian anu kasiasi nu kuasai nu mian anu kaya; mian anu monsabon nukuasai numian anu momposabonakon.

YOSUA 16:10

Panyo tulunan nu bansa Efraim madi' nolaa' mian nu Kana'an i da'erah Gezer. Mokonyo aijo' sangkutnyo tempo' uuka aiya aha mian nu Kana'an daagi' kiijo' i Gezer hingga-hinggat tiba aha mian nu Efraim, panyo aha opakisa mokalaja salaku posaihon hi aha mian nu Efraim.