NEHEMIA 5:15 - KITAB NU TUMPU ALLA LELE MA'IMAI'

¹⁵ Iwi-iwi' na gubernur anu nompalentahmo momona ma'isa pe'e aku nompalentah, tinimbalimo tanggungan nu mian da'isan kalana aha montuntut patompulu' na doi salaka, na otalima sansinaa pombayan anu o kaan ka' anggur. Pakalaus mule' to mia-mian anu kopangkat aijo' hi aha suele nonsakisamo mian da'isan. Panyo aku madi' mongka'oho' mombau sumo aijo' kalana aku mabuhuk hi Tumpu Allah.

NEHEMIA 5:15 Iomraidhean Croise

KAJADIAN 20:11

I Abraham nontaami, “Ku tutugi saba' i aiya madi' ko mian anu mabuhuk hi Tumpu Allah, sahingga aku nupateimo nu mian anu mongka'ima'i bengkele'ku.

KAJADIAN 42:18

I sinaa ko itolunnyomo i Yusuf notataemo hi aha, “Aku mian anu mabuhuk ka' tulu-tulutan hi Tumpu Allah. Belemiu madi' opoposia asan mombatuki atulanku.

NEHEMIA 5:16

Iwi-iwi' na kahosonanku binee'kumo hi usaha mombau pagan mesen ka' aku madi' nohumpak tano' mau ola sangkiding salaku balosnyo mae, maumo iwi-iwi' na sangalungku anu lewa'ku pokau i uno nu kapalaluanku suele nokalajamo nombau pagan mesen aijo'.

NEHEMIA 5:9

Lantas po'ule'mo aku notatae, “Apaa na anu binaumo nu belemiu aijo' madi' ma'ima'! Ola ahi' sabenannyo belemiu tumuu' mabuhuk hi Tumpu Allah. Tiba jalan anu sumo aijo' sampobali'to anu madi' palesaya hi Tumpu aijo' madi' obee'i nu belemiu kasampatan mompopo'ambang kita.

AYUB 31:23

Madi' hondo aku mombau sumo aijo', kalana hukuman nu Tumpu Allah na nompopobuhukmo hondo kinyonyoangku.

MAZMUR 112:1

O puji' na Tumpu. Mohumpak ka'ima'an na mian anu tulu-tulutan, anu mongka'ima'i iwi-iwi' na palentah nu Tumpu.

MAZMUR 147:11

Tumpu sanang hi mian anu tulu-tulutan, hi mian anu sabole-boleh montaha'imani kalibosan-Nyo mae.

AMSAL 16:6

Mian anu tulu-tulutan hi Tumpu Allah mohumpak ka'ampunan; mia anu tulu-tulutan hi Tumpu madi' mombau palabuatan anu ma'idek.

AMSAL 29:12

De anu balakuasa palesaya hi lele anu madi' totu'u, pegawenyo iwi-iwi' timbali mo maidek na kinyonyoanyo.

YESAYA 50:10

O, belemiu anu moholomati Tumpu, ka' mompotombihing mae potatae nu posaihon-Nyo, jalan anu otului nu belemiu ugaat ahi' pintung madi' kojingkanyo anu monjingkai belemiu; panyo palesaya na Tumpu; paninseha hi Tumpu nu belemiu.

YEREMIA 32:9

Sahingga ingolingkumo na tano' i Hanameel sampulu' ka' popitu' na doi salaka na angga'nyo. Aku nolagamo to saki-sakisi lantas i ahop nu aha tinandatanganankumo na sulat tanda ingolimo lantas pinokampitankumo segel, ka' tinimbangkumo na doinyo.

MOHAANGI 5:8

Kami pinalentahmo nu to mia-mian anu sumo-sumomo ahi' posaihon; madi' ko anu balakuasa molapasakon mae kami aijo' hi aha.

MATIUS 5:47

Ka' de komiu mombee'i salan do'a ola hi to sanga-sangaluyum, apaa na ka'ima'annyo? To mia-mian anu madi' monsumbu' Tumpu suele mombau sumo aijo'?

2 KORINTUS 11:9

De tempo'nyo aitu aku kinakulanganmo, aku madi' toho' nomposusa' samian pe'e itina' hi komiu. Iwi-iwi' na anu kupalalui tinoukan mae nu to Utu-utus anu tinoka lengkat mae i Makedonia. Pagala pinimpalianku ima-ima' da aku madi' momposusa' komiu i uno nu han mau mule' pa' apaa, ka' saja' kupimpali da sabole-bole sumo aijo'.

2 KORINTUS 12:13

I uno nu han apaa na komiu madi' pinalahatikan, de opokakanakon tiba to jama-jama'at sangga'at? Anu tahahumo ola i uno nu han aiya: aijo'mo aku madi' momposusa' komiu mongongkosi aku. Ampuniakon mae na aku i kasala'an aijo'!

1 SAMUEL 8:15

Ale' sangga'at ka' mule' ale' nu anggur nu belemiu opokonaimo hasin sambagian anu o ala i sampulu' na bagian na isinyo nu ale' aijo', lantas nu bee'mo hi to kapa-kapala nu suludadu' ka' hi to mia-mian anu kopangkatnyo mokalaja hi ia.