NEHEMIA 5:13 - KITAB NU TUMPU ALLA LELE MA'IMAI'

¹³ Lapas aijo' binukankumo na salempang anu butu-butu' i kompongku lantas kinokabakonkumo ka' pinoto'ingkumo, “Sumo aiya na Tumpu Allah mongkobahakon batu-batu mian anu madi' mongganapi janji'nyo. Mian aijo' timbalimo loloison, laigan ka' iwi-iwi na halata'nyo nu alamo nu Tumpu Allah!” Iwi-iwi' na mian anu binalagombumo nontaami, “Totu-totu'umo na kinyonyoa mami!” Lantas nompuji'mo Tumpu. Jadi to pola-polaya' haha aijo' nongganapimo janji' nu aha.

NEHEMIA 5:13 Iomraidhean Croise

1 TAWARIKH 16:36

O Puji' na Tumpu, Tumpu Allah nu Israel, uuka aiya ka' sampe toka sidu-sidutu'! Lapas aijo' iwi-iwi' na mian nu Israel notataemo, “Amin”, lantas aha nompuji'mo Tumpu.

NEHEMIA 8:6

I Ezra notataemo, “O puji' na Tumpu, Tumpu Allah anu talasanggo!” Iwi-iwi' na mian da'isan nohangkatmo tangka-tangkas lima nu aha ka' nontaami, “Totu-totu'u na kinyonyoangku, totu-totu'u na kinyonyoangku!” Lantas aha tinolodadupumo nonsombah Tumpu Allah.

MAZMUR 119:106

Anu jinanji'kumo ka' sinumpa'mo tionyo ku ganapi, bau pintoongan i kaputusan nu Belento anu adin.

MAZMUR 50:14

Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

MAZMUR 76:11

Maumo to mia-mian anu buhingison hi sangko mian mompuji'mo Belento, ka' anu daagi' motambuha' nompusokmo kalung salaku tanda ko anumo sinilaka.

AMSAL 28:4

Ihe na madi' montoongi atulan mosambiha' hi mian anu ma'idek na kinyonyoanyo, ihe na montuluti atulan mongewa mian anu palaganta.

ANU MOMPOLELE POTATAE NU TUMPU 5:5

Boli potatae nu beleyum monsaduakonmo beleyum baladosa' sahingga beleyum talapakisa mompoto'i hi imam anu molayani Tumpu tukooyum beleyum sinangkalingamo na binalajanji'. Apaa na gunanyo nonsaduakonmo Tumpu nontambuha'imo beleyum sahingga ihansunan-Nyomo na hasin nu pakalajaan nu beleyum?

NOMBILANGMO 5:22

Uee anu mompotoka kutuk aiya minsoop mo i kompong nu beleyum ka' mompotimbalimo sombak ka' mule' mingkihu-kihutmo na jalempakan nu beleyum.” Boune aijo' tionyo ahi' montaami, “Aku situjumo; o amalakon da Tumpu mombaumo sumo aijo'.”

MATIUS 10:14

De ko laigan kabai kota' anu madi' mongka'oho' montalima komiu kabai madi' mongka'oho' mohongo komiu, pala'i na tampat aijo', ka' sapuakon na abu' nu pala nu tengkeum.

SISIKON NU TO RASUL-RASUL 13:51

Sahingga to rasul-rasul aijo' nonsapuimo abu' i tengke nu aha, i ahop nu to mia-mian aijo' bau tanda, lantas nambamo nokiijo' i Ikonium.

SISIKON NU TO RASUL-RASUL 18:6

Panyo kalana to mia-mian saja' monggagakon ka' mompisala'i, sahingga i Paulus nonsapui abu' i baju'nyo salaku tanda da mompo'ingat aha i kasala'an nu aha. Ia notatae, “De komiu silaka, posi sala' miu! Aku madi' monsumbu'! Mulai uuka aku mambamo hi to mia-mian anu misa' Yahudi.”

1 KORINTUS 14:16

Kalana de kita Utus ola montaloakon talima kase hi Tumpu Allah nu kinyonyoa, ka' daagi' ko mian sangga'at anu madi' mangalati' i basa' anu okabangangi, anu lengkat mae hi Roh nu Tumpu aijo', saba' mian aijo' madi' moko ala motatae, “Aku setuju” i do'a pontalima kaseum aijo'; kalana ia madi' monsumbu' apaa na anu tinaloakonmo nu kita Utus.

1 SAMUEL 15:28

Lantas notataemo na i Samuel hi ia, “Sinaa aiya Israel anu nu palentah nu belento Tomundo' bineakmo nu Tumpu ka' nu bee'mo hi mian sangga'at anu lebe ma'ima' molingkudui belento Tomundo'.