NEHEMIA 5:12 - KITAB NU TUMPU ALLA LELE MA'IMAI'

¹² To pola-polaya' nu aha haha aijo' nontaami, “Pokinde' haha itina' otulutimo mami. Osule'akonmo mami iwi-iwi' ka' madi'mo otuntut mami na aha mombayan.” Lantas ilagangkumo na to ima-imam ka' pinalentangkumo na to pola-polaya' haha aijo' da basumpa' i ahop nu to ima-imam haha aijo', da apaa na anu tinaloakonmo nu aha aijo', totu-totu'u tionyo ahi' nubau nu aha.

NEHEMIA 5:12 Iomraidhean Croise

EZRA 10:12

Mian haha aijo' nontaamimo hoso-hoson, “Otulutimo mami na pokinde' nu Belento.”

EZRA 10:5

Jadi i Ezra nompalentahmo. Pinalentahnyomo na to kapa-kapala nu imam, to mia-mian nu Lewi ka' to mia-mian nu Israel sangga'at da basumpa' salaku tanda saba' apaa na anu tinaloakonmo i Sekhanya nubaumo nu aha.

NEHEMIA 10:29

Kami iwi-iwi' mosa'angu'mo tiba to pola-polaya' mami ka' basumpa'mo da montulutimo atulan nu Tumpu Allah anu binee'-Nyomo hi Musa, posaihonnyo aijo'. O'amalakon mami da Tumpu Allah mongkutuki mae kami de kami madi'mo mombau apaa na anu jinanji'mo mami aiya. Kami basumpa'mo da montulutimo totu-totu'u palentah iwi-iwi'; atulan ka' apaa na anu ingatunmo nu Tumpu, Tumpu Allah mami.

NEHEMIA 10:30

Kami basumpa'mo da madi'mo mogogalo'an na mo'osoa tiba to bansa-bansa sangga'at anu jinojoongmo i lipu' mami aiya.

NEHEMIA 10:31

De daagi' ko bansa anu i salipu'an mae mompobaluk gandum kabai pa' balang apaa hi kami i sinaa nu Sabat kabai pa' i sinaa anu susi' sangga'at kami madi'mo mongoli. De tokamo na taun anu kopopitu'nyomo kami madi'mo mongale kabai mompoita samaya' mami hi mian.

NEHEMIA 13:25

Pinokinde'ankumo na aha ka' kinutukankumo. Daagi' ko anu dinokengkumo ka' kiniiskumo na ubak nu aha. Lapas aijo' pinalentangkumo na aha da basumpa' i sanggo nu Tumpu Allah da aha ka' to ana-anak nu aha madi'mo mo'osoa mogogalo'an tiba bansa sangga'at.

NEHEMIA 5:11

Belemiu tionyo ahi' suele bolimo mompoita samaya' nu belemiu haha aijo' hi mian da'isan anu binasamay'mo hi belemiu aijo' mau doi kabai gandum, kabai anggur kabai lanya' nu zaitun. Sampa sule'akon na ale' nu sosu'anan sangga'at, ale' nu anggur, ale' nu zaitun ka' laigan nu aha!”

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”

LUKAS 19:8

Lapas mule' kiijo' i laigannyo, i Zakheus tinuminjo ka' notatae hi Yesus, “Tumpu, sambahagian na halata'ku, ku halala'akon hi mian kasiasi; tiba ihehe na anu toho' ingakalanku, po'ule' ku bayan hi ia pimpaton lipat!”