NEHEMIA 5:11 - KITAB NU TUMPU ALLA LELE MA'IMAI'

¹¹ Belemiu tionyo ahi' suele bolimo mompoita samaya' nu belemiu haha aijo' hi mian da'isan anu binasamay'mo hi belemiu aijo' mau doi kabai gandum, kabai anggur kabai lanya' nu zaitun. Sampa sule'akon na ale' nu sosu'anan sangga'at, ale' nu anggur, ale' nu zaitun ka' laigan nu aha!”

NEHEMIA 5:11 Iomraidhean Croise

NEHEMIA 5:10

Posi aku, to utu-utusku ka' to sanga-sangalungku momposabolimo doi ka 'gandum hi mian da'isan. Madi'mo po'ule' opoita mami.

NEHEMIA 5:12

To pola-polaya' nu aha haha aijo' nontaami, “Pokinde' haha itina' otulutimo mami. Osule'akonmo mami iwi-iwi' ka' madi'mo otuntut mami na aha mombayan.” Lantas ilagangkumo na to ima-imam ka' pinalentangkumo na to pola-polaya' haha aijo' da basumpa' i ahop nu to ima-imam haha aijo', da apaa na anu tinaloakonmo nu aha aijo', totu-totu'u tionyo ahi' nubau nu aha.

YESAYA 58:6

Uuka na puasa' anu Ku kahanda'i; Alinakonmo na pompungu nu kasansala'an ka' hukuman anu madi' adin, ka' opobebas na mian haha aijo' anu sinansalamo.

LUKAS 3:8

Potoa'i kalakuanum, de komiu binala tobatmo, madi'mo mombau dosa-dosa' miu! Boli montampu'uni motatae, tukoo miu i Abraham aijo' mompolee' miu! Inau': Te batu pe'e aiya, Tumpu moko ala mombau lee' i Abraham!

PO'ULE' INGULIT 6:11

Laigannyo iwi-iwi' nobuke'mo nu to bala-balang anu to ima-ima', ka' misa' belemiu na nongisii. Komiu montoaje to bubu-bubung ka' misa' belemiu na nongkeke. Belemiu mohumpakmo ale' nu anggur tiba zaitun ka' misa' belemiu na nonsu'ani. De nuboamo nu Tumpu na belemiu i lipu' aijo', ka' iwi-iwi' na anu okahanda'i nu belemiu okaan daagi'mo,

1 SAMUEL 12:3

Uuka aiya aku tuminjo i ahop nu belemiu! De aku nombaumo kasala'an, pisala'i na aku i ahop nu Tumpu ka' i ahop nu to tomu-tomundo' anu pinile'an-Nyomo. Pa' toho'mo aku nongala sapi' kabai keledai nu aha mian sangga'at? Pa' toho'mo aku nongakali kabai nonsakisa kabai nongala doi anu pinontamboi da mombau anu ma'idek. Poto'i mae da mau pa' apaa na anu ingalangkumo po ule' ku sule'akon.”