NEHEMIA 4:7 - KITAB NU TUMPU ALLA LELE MA'IMAI'

⁷ Salatan i Sanbalat, i Tobia ka' aha mian nu Amon ka' Asdod tiba to mia-mian nu Arab nohongomo mae taalu' pagan mesen nu Yerusalem binaumo ka' nompaka nalia'mo, ka' mule' pinaha tampolanmo na bolo'nyo aijo' i pagan mesen, aha nompaka potambuha'mo mule'.

NEHEMIA 4:7 Iomraidhean Croise

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

2 TOMU-TOMUNDO' 24:2

Tumpu nonsaimo sa'angu' na tumpukan nu to sulu-suludadu lengkat mae i Babel, Siria, Moab, tiba Amon da mongewa i Yoyakim ka' monsila kaimo Yehuda susumo apaa na anu tinaloakon-Nyomo hi to nabi-nabi posaihonnyo.

2 TAWARIKH 20:1

Madi' pinin ilapas na aijo' suludadu nu Moab ka' Amon, hingga-hinggat tiba anu monsangaja'i aha aijo'mo suludadu nu aha Meunim, nontumbuhimo Yehuda.

EZRA 5:8

Da osumbu' nu belento Tomundo, taalu' kami nambamo i Propinsi Yehuda ka' nontoamo Laigan nu Tumpu, Tumpu Allah Anu Daka' na kuasanyo, hau-haunyo po'ule'mo binau nompake batu toto daka-daka' ka' pagannyo mesen i lapisan nu kau'. Talalo ahi' pinopokopianan na nombau, ka' saja' sakala-kalajanyo madi' toho' opo'idok.

NEHEMIA 2:10

Panyo salatan i Sanbalat, mian nu Bet-Horon tiba i Tobia mian anu ko pangkatnyo lengkat mae i Amon, nohongomo aku tinokamo mae kalana kapentingan nu aha bansa Israel, aha nompele-pele'mo ka' aha pinusamo.

NEHEMIA 2:19

Salatan tanga'an mami sinumbu'mo i Sambalat, i Tobia tiba i Gesyem, mian nu Arab kinokojoanmo nu aha ka' pinopo'ambangmo nu aha na kami. Koonyo nu aha, “Apaa na anu kahanda'mo obau miu? Pa' belemiu motomuhutmo hi tomundo?”

NEHEMIA 4:1

Salatan i Sanbalat nohongomo mae taalu' kami mian nu Yehu di nombaumo pagan mesen nu kota', ia pinusamo hondo ka' lewa'mo nompopo'ambang kami.

NEHEMIA 4:6

Tempo'nyo aitu kami sabole-bolemo nombau pagan mesen aijo', ka' madi' pinin ingko-ingkot na pagan mesen aijo' inintonga'mo na kotangkasnyo na binau, kalana mian da'isan nakekemo hondo na nokalaja.

NEHEMIA 4:8

Aha binasangaja'mo montumbuhi Yerusalem da madi'mo mahoson na po'sa'angu'an nu aha Yerusalem.

NEHEMIA 6:16

Tempo'nyo to sampo-sampobali' mami te to bansa-bansa anu mompaha ohani kiijo' nohongomo han aijo', aha nabuhukmo dumo saidi mae ma'ambangmo, kalana sinumbu'mo nu mian iwi-iwi' na kalaja aijo' binau kalana Tumpu Allah na nontulungi.

YEREMIA 41:10

Lapas aijo' i Ismael nohakopmo to lalangkoyang anak nu tomundo' ka' iwi-iwi' na mian anu daagi' i Mizpa anu binee'mo i Nebuzaradan da nu jagai i Gedalya. I Ismael nomboamo aha tiba ia hingga-hinggat nambamo i daerah Amon.

AMOS 1:13

Tumpu notatae, “Bansa Amon saja'mo nombau dosa' pa' pimpianmo, kalana aijo', Aku tionyo mohukumo aha. Salatan nahampate da mompo ewa da'erahnyo, aha nombeheti'imo kompong nu to bou-boune anu i hempumo kiijo' i Gilead.

AMOS 1:8

Mian anu jojoong ka' mongkuasai kota' Asdod ka' Askelon Ku alinimo. Kota' Ekron Ku hukumo ka' iwi-iwi' na tuha'nyo nu mian Filistin Ku hopu'imo.”

AMOS 3:9

Bebaakonmo na aiya hi to mia-mian anu jojoong i Mesir ka' Asdod i laigan nu tomundo, “Posa'angu'mo i to bungku-bungkutnyo anu atina' i Samaria ka' potoakon na kahengge'an anu talalomo hondo, lewa'mo nompakisa anu nu mian ikiijo' mae.”

SISIKON NU TO RASUL-RASUL 5:33

Salatan to sanga-sangalunyo nu Mian Kopian Daka' nu Agama nohongomo aijo', aha pinusamo hondo ka' aha nosa'angu'mo na tanga'an da mompateimo to rasul-rasul haha aijo'.

ANU PINOTO'I HI YOHANES 12:17

Ulo anu talalo hondo daka' aijo' pinusamo hondo hi boune aijo', sahingga ia nambamo nontumbuhi lee'nyo sangga'at nu boune aijo', aijo'mo iwi-iwi' mian anu tulu-tulutan i to pale-palentah nu Tumpu Allah, ka' anu tinimbalimo sakisi mongkona i Yesus ka' kakuasa'an-Nyo.

1 SAMUEL 11:2

Tinaaman i Nahas, “Sumo uuka na ku bau de aku mojanji'mo, 'Mata nu belemiu i koanan toto samian ku kubetakon salaku bau pongambangi bansa nu aha mian Israel iwi-iwi'!’ ”