NEHEMIA 4:3 - KITAB NU TUMPU ALLA LELE MA'IMAI'

³ Lantas i Tobia anu suele tinjo-tinjo koko hi ia suele notataemo, “Toa na pagan mesen anu binaumo nu aha aijo'! Ola dedeng nu alas timbalimo mohobo'akon!”

NEHEMIA 4:3 Iomraidhean Croise

1 TOMU-TOMUNDO' 20:10

“Tomundo' mami nonsaimo mae suludadu manjoo' hondo toka mae mongidei kota nu belemiu, sahingga abu nu kota anu motoyo'mo aijo' me sangkakup na nukakup nu aha ka' nu boa nu aha. Ia binasumpa'mo da nu hukum nu to pilo-pilogot, ka' nu patei na ia, de han aijo' madi' nu bau!”

1 TOMU-TOMUNDO' 20:18

I Benhadad nompalentahmo da suludadu nu sampo bali' haha aijo' o hakop boli opatei, pa'aha mamba mae mompahampateakon kabai toka mae da simpiamo.

2 TOMU-TOMUNDO' 18:23

Uuka aiya aku na motatae nomboa mae sanggo i tomundo' Asyur, aku baani na batalo de belemiu obee'i 2.000 na ajahan, tantu belemiu madi' ko samian anu monsake'i iwi-iwi' de sumo aijo'mo na konjoo'nyo!

NEHEMIA 2:10

Panyo salatan i Sanbalat, mian nu Bet-Horon tiba i Tobia mian anu ko pangkatnyo lengkat mae i Amon, nohongomo aku tinokamo mae kalana kapentingan nu aha bansa Israel, aha nompele-pele'mo ka' aha pinusamo.

NEHEMIA 2:19

Salatan tanga'an mami sinumbu'mo i Sambalat, i Tobia tiba i Gesyem, mian nu Arab kinokojoanmo nu aha ka' pinopo'ambangmo nu aha na kami. Koonyo nu aha, “Apaa na anu kahanda'mo obau miu? Pa' belemiu motomuhutmo hi tomundo?”

NEHEMIA 6:1

I Sanbalat, i Tobia, i Gesyem ka' sampobali' mami sangga'at nohongomo mae kami noko lapasmo na mombau pagan mesen, ka' iwi-iwi' na bolo'nyo pinaha tampolanmo, ola tempo'nyo aitu kami ma'isa nompaha pokona tumbannyo i sabatan daka' nu kota'.

PO'ULE' INGULIT 23:3

Mian nu Amon ka' Moab tiba lee'nyo nu aha sampe lapisannyo anu ko sampulu'nyomo madi'mo timbali minsoop mian anu pinalesayamo hi Tumpu,