NEHEMIA 4:20 - KITAB NU TUMPU ALLA LELE MA'IMAI'

²⁰ Jadi, de belemiu mohongomo onyi' nu tolompet, sampa lia-lia' mae sihuk hi kami aiya. Tumpu Allah-nto mahampatemo monsangaja'i kita.”

NEHEMIA 4:20 Iomraidhean Croise

1 TAWARIKH 19:12

I Yoab nottataemo hi utus ise'nyo aijo', “De aku madi'mo moko ala mongewa suludadu nu Siria sampe mae malia-lia' toka montulungi aku. Sumo aitu mule' suele de beleyum madi'mo moko ala mongewa suludadu nu Amon aku suele tokaje mae montulungi beleyum.

NEHEMIA 4:19

Lantas pinoto'ingkumo hi mian da'isan, hi to tu'a-tu'anyo, ka hi aha to pola-polaya', “Kalaja anu obaunto aiya kino ewa-ewanyomo sahingga kita nobagi-bagimo i pagan mesen anu i nantanmo sumo aiya, jadi nompaha pajo-pajo'onimo samian ka' samian.

NEHEMIA 4:21

Sumo aiya na kami mokalaja lengkat pe'e daagi' subu-subu hondo sampe mandala' i langit kantoanmo. Sambahagian na mian da'isan mokalaja mombau pagan mesen sadang sambahagian mule' balajaga-jaga mintoongon talombo'.

NOSABATMO 14:14

Tumpu na mahampate monjagai belemiu, ka' belemiu boli mombau apa-apaa.”

NOSABATMO 14:25

Pinotimbali-Nyomo na loda-loda nu kaleta nu aha na'idekmo sahingga aha madi'mo noko ala namba lau-laus. Mian nu Mesir notataemo, “Tumpu nahampatemo monjagai mian nu Israel mongewa kita. Imbo' pala'i na tampat aiya!”

ZAKHARIA 14:3

Lantas Tumpu mompahampateakonmo mongewa bansa haha aijo' susumo anu binau-Nyomo tempo'nyo naipuan mae.

PO'ULE' INGULIT 1:30

Tumpu Allah miu molaya'je komiu ka' mompagalakon komiu susumo pinositoa miu i Mesir

PO'ULE' INGULIT 20:4

Nusangaluije nu Tumpu Allah na belemiu ka' montulungi belemiu, ka' nu bee'je hi belemiu na ka'untungan de mahampate.’

PO'ULE' INGULIT 3:22

Boli okabuhuk na aha, kalana Tumpu Allah nu beleyum na mahampate monsangaja'i belemiu.”

YOSUA 23:10

Toto samian atina' hi belemiu moko ala mompatundu' momada-madala na mian, kalana Tumpu Allah nu belemiu na mahampate monsangaja'i belemiu susumo anu jinanji'-Nyomo.