NEHEMIA 4:15 - KITAB NU TUMPU ALLA LELE MA'IMAI'

¹⁵ Aha to sampo-sampobali' mami nohongomo mae taalu' tanga'an nu aha ihongomo mami. Sahingga tinolosukapmo na pikilan nu aha tukoonyo nu aha tanga'an nu aha aijo', tinewa'mo nu Tumpu Allah. Lapas aijo' kami po'ule'mo nokalaja nombau pagan mesen aijo'.

NEHEMIA 4:15 Iomraidhean Croise

2 SAMUEL 15:31

Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”

2 SAMUEL 17:14

Nohongo potatae aijo' i Absalom tiba aha mian nu Israel iwi-iwi' notataemo, “Pokinde' i Husai na lebe ma'ima' molingkudui pokinde' i Ahitofel.” Memang, Tumpumo na nontantukan da boli otuluti na pokinde' i Ahitofel anu ma'ima' aijo' da i Absalom mohumpakmo balaa'.

NEHEMIA 4:16

Panyo mulai i sinaa aitu, ola sambahagian na mian anu mokalaja, ka' sambahagian mule' balajaga-jaga saja'mo mompusok baju' anu bau pahampate ka' mintoongon talombo', kanta ka' pana'. To pola-polaya' nu mian da'isan totu-totu'u nombee'imo bantuan anu sukup hondo hi mian da'isan,

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

YESAYA 44:25

Akumo na anu madi' nompototu'u aha anu biasa sola' mongkila-kila apa na jadi saidi' mae, ka' sola'mo nombia-biangakon aha anu lewa' montahi'i. Potatae nu aha anu toto pande-pande ginagakon-Kumo, kapandean nu aha pinojading-Kumo kaponga'an.

YESAYA 8:10

Pombau tanga'an panyo iwi-iwi' aijo' madi' mingkaliangan. Pongala kaputusan panyo madi' kogunanyo, kalana Tumpu monsangalui kami.

MARKUS 13:34

Ka'ada'annyo sumomo anu mompala'i laigannyo, lantas mamba i tampat anu majo'on. Ia nonsai to posa-posaihonnyo montamongi laigannyo, ka' nombee'imo palentah hi aha toto samian. Hi aha anu montamongi pontumban, ia nompoto'i da balajaga ma'i-ma'ima'.

ROMA 12:11

Makeke na mokalaja. Boli moluluk. Mombau kalaja nu Tumpu o bika-bikasakon nu Roh nu Tumpu na mokalaja.

1 TESALONIKA 4:11

Bala usaha da tumuu' sabaan, ka' boli monggalo'i ulusan nu mian sangga'at. Tionyo ahi' komiu mokalaja mosi lio anu okaan, susumo anu pinalentahkonmo mami u'utu mae.