NEHEMIA 4:12 - KITAB NU TUMPU ALLA LELE MA'IMAI'

¹² Panyo mian nu Yahudi anu jojoong mompaha ohani tiba aha saja'mo mae tinoka nompoto'i hi kami tanga'an nu sampobali' haha aijo'.

NEHEMIA 4:12 Iomraidhean Croise

KAJADIAN 31:41

Sumo aijo' na bau-baunyo aku tempo'nyo nokalaja hi belento babo', sinampe uwampulu' na taun na kopinnyo. Sampulu' ka' opat na taun na kinopinnyo aku nokalajamo da mongosoai anak nu kita Babo' ua-ua'aha aijo' – ka' daagi' inganom na taun da mohumpak pahasan nu mee' ka' domba aijo'. Ka' tempo'nyo aitu mule' kita Babo' nombabali'imo tambongku sampe pinimpitun.

KAJADIAN 31:7

Mau mule' sumo aijo' aku ingakalannyomo ka' ingabali'nyomo na tambongku sampe pininsampulu'mo. Panyo Tumpu Allah madi' mompojohok ia mombau anu ma'idek hi belengku.

NEHEMIA 4:11

Hau-haunyo aitu anu monsampobali' kami kahanda'mo montumbuhi kami opotolokengkeng mae nu aha, lantas mompateimo kami sahingga tabantaakmo na nokalaja.

NEHEMIA 4:13

Kalana aitu pinaha bagi-bagiankumo bajak, talombo' ka' pana' hi mian da'isan, lantas pinokaungkumo nonjaga na aha, batu-batu aha sa'anakan i hiku nu pagan mesen, i tampat anu ma'isa jinadi na binau.

AYUB 19:3

Saja'mo belemiu mompopo'ambang aku, ka' madi' ma'ambang na belemiu monsakisa aku.

DANIEL 1:20

De i tomundo' mompoto'imo hahan anu palalu katalangan tiba anu opopikilakon nu toa saba' pokinde' tiba pikilan nu aha opa-opat na olitau haha aijo', pinsampulu' lipat na polingkuduinyo pokinde' tiba pikilan nu aha iwi-iwi' anu lewa' montahi'i ka' mule' anu kopangatahuan i uno nu songko-songko na kalaja'annyo.

NOMBILANGMO 14:22

saba' mian haha aiya madi'mo daagi' ko samian pe'e na anu daagi' tumuu' minsoop i lipu' anu jinanji'-Kumo hi mompolee' nu aha. Kalana aha madi' mongka'oho' tulu-tulutan hi beleng-Ku ka' saja' monsoba-soba Aku. Padahan aha nontoamo jingkang-Ku anu jongkilaban ka' anu okabangangi, anu binaung-Kumo i Mesir ka' i padang bola.