NEHEMIA 3:22 - KITAB NU TUMPU ALLA LELE MA'IMAI'

^22-26 To pia-piangkuka na bahagiannyo na pagan mesen, te tusanannyo anu binau nu to ima-imam, aha tinulis sumo uuka na nombagi: To ima-imam anu kajojoongan nu aha madi' majo'on lengkat i Yerusalem I Benyamin ka' i Hasub: pagan mesen anu mompaha'ahop tiba laigan nu aha. I Azarya anak i Maaseya anak i Ananya: pagan mesen koko laigannyo. I Binui anak i Henadad: pagan mesen lengkat mae i laigan i Azariah toka-toka i pasu'nyo nu pagan mesen. I Patal anak i Uzai: pagan mesen lengkat mae i pasu'nyo nu pagan mesen ka' laigan tangka-tangkas kiijo' i laigan nu tomundo' sasu aita' mae i buannyo, koko popasan anu ko tampat ponjagaan. I Pedaya anak i Paros: pagan mesen toka-toka i ahop nu Sabatan Daka' Uee sasu Kabete'an ka' laigan tangka-tangkas bau ponjagaian Laigan nu Tumpu. (Madi' majo'on lengkat i kiijo' daagi' ko da'erah sanggonyo Ofel, tampat nu to mia-mian anu mokalaja i Laigan nu Tumpu).

NEHEMIA 3:22 Iomraidhean Croise

NEHEMIA 12:28

Sahingga sinihukmo na to panya-panyanyi aha mae to au-auwan nu mian Lewi, anu lengkat mae i da'erah kajojoongan nu aha anu madi' majo'on lengkat i Yerusalem, kabai anu lengkat mae i to kota-kota' anu madi' majo'on lengkat i Netofa.

NEHEMIA 6:2

Sahingga i Sanbalat tiba i Gesyem nompakatumo mae sulat bau polaga aku da mamba mogombu tiba aha i sala'sa'angu' na kampung ise' i Bangka'nyo nu Ono. Panyo sinumbu'kumo na aha kahanda'mo monsilakai aku.