NEHEMIA 3:1 - KITAB NU TUMPU ALLA LELE MA'IMAI'

¹ Aiyamo na lelenyo mosia na mesen nu kota' Yerusalem pinokoima'anmo. I Imam Daka' Elyasib ka' to sanga-sangalunyo po'ule'mo nombau Sabatan Daka' Domba, nompokonamo tumbannyo ka' sinombahkonmo nu aha hi Tumpu. Aha nompoko'ima'imo ka' sinombahkonmo nu aha na pagan mesen toka-toka i Laigan tangka-tangkas sa'atu ka' toka-toka i Laigan tangka-tangkas Hananeel.

NEHEMIA 3:1 Iomraidhean Croise

NEHEMIA 12:10

Aiya na tatu-tatusannyo nu lee' i Imam Daka' Yesua: i Yesua, i Yoyakim, i Elyasib, i Yoyada,

NEHEMIA 12:30

To ima-imam ka' aha to mia-mian nu Lewi haha aijo' nombaumo adat momposusi' butong nu aha lapas aijo' ahamo mian da'isan, ka' mule' iwi-iwi' na sabatan daka' ka' pagan mesen nu kota'.

NEHEMIA 12:39

Lantas kami nontulumo Sabatan Daka' Efraim, Sabatan Daka' anu mana-manau'mo, Sabatan Daka' mamba pongolian ikan, Laigan tangka-tangkas Hananeel ka' Laigan tangka-tangkas Mea sampe tinoka i Sabatan Daka' nu Domba, Kami i lumajang nojiji' aijo', madi'mo i lumajang salatan tinokamo koko Sabatan Daka' anu bau Ponjaga'an aijo', koko Laigan nu Tumpu.

NEHEMIA 13:28

I Yoyada anak i Imam Daka' Elyasib, panyo sala'samian na anak i Yoyada tinimbalimo monian i Sanbalat mian nu kota' Bet-Horon. Kalana aijo' i Yoyada i laa'kumo madi'mo timbali jojoong i Yerusalem.

NEHEMIA 13:4

Ma'isa pe'e han aijo' jinadi, daagi' kino minsan i Imam Elyasib, anu binee'anmo kalaja monjaga ka' montoa iwi-iwi' na salipi' pongisian mantu posadiaon i Laigan nu Tumpu, mompahasumbu'mo hondo tiba i Tobia.

NEHEMIA 6:1

I Sanbalat, i Tobia, i Gesyem ka' sampobali' mami sangga'at nohongomo mae kami noko lapasmo na mombau pagan mesen, ka' iwi-iwi' na bolo'nyo pinaha tampolanmo, ola tempo'nyo aitu kami ma'isa nompaha pokona tumbannyo i sabatan daka' nu kota'.

NEHEMIA 7:1

Salatan pagan mesen aijo' jinadimo na binau, pinokaungkumo da tumbannyo opaha pokonamo. Lantas mian anu monjagai sabatan daka', to panya-panyanyi ka' aha to mia-mian nu Lewi pinokaungkumo da mombaumo kalajanyo nu aha toto samian.

MAZMUR 30:1

Mazmur i Daud. Nyanyian anu onyanyi momposawe'imo Laigan nu Tumpu.

MAZMUR 48:12

Sahanyo layat nu Sion tiba Yehuda montaligalaimo ka' lame'mo, kalana Belento nohukumo anu mongewa mae aha.

AMSAL 3:6

O'inau' na Tumpu i sinin na han apaa na kahanda' nu bau, sahingga Nu potiju'je hi belemiu mosia na kantumuu'an anu talakana'.

AMSAL 3:9

O adati na Tumpu nu anu osombahkon hi Ia, anu talalo hondo ma'ima' na halata' ka' isi nu ale' nu beleyum,

YEREMIA 31:38

Tumpu notatae, “Tokaje mae na tempo'nyo songko-songko na Israel po ule'mo obau salaku kota'-Ku lengkat pe'e mae hi Menara i Hananeel toka-toka i Sabatan Daka' anu i Pasu'nyo.

DANIEL 9:25

Tulis ka' alati'imo na aiya; Pimpitun lipat na popitu na taun na ohikuhakon, i mulaan pe'e mae tempo'nyo nonontalimamo palentah da po ule'mo mombau kota' Yerusalem sampe tokamo mae na samian na polaya' anu pinile'anmo nu Tumpu. Kopinnyo pimpitun lipat na anompulu' ka' ohua' na taun, iwi-iwi' na jalan tiba to bente-benteng nu Yerusalem anu ma'idekmo po ule'mo obau, panyo tempo'nyo aijo' manjoo' hondo nakasansala'an na ota'up.

ZAKHARIA 14:10

Songko-songko na lipu' lengkat mae i Geba sasu utara toka-toka i Rimon sasu salatan timbalimo katano'an. Panyo Yerusalem mompaka patangkasmo lebemo matangkas nu liu-liumo na tano' anu i duhu-duhuknyo; kota aijo' mompaka ewamo lengkat mae i Sabatan Daka' Benyamin toka-toka i Sabatan Daka' anu i Pasu'nyo, tampat nu Sabatan Daka' anu Momona ka' lengkat mae i Laigan tangka-tangkas Hananel toka-toka i pompao'an anggur anu i tomundo'.

YOHANES 5:2

I Yerusalem koko “Sabatan nu Domba,” daagi' ko sa'angu' na talaga de i basa' nu Ibrani osanggohi Betesda. I kiijo' daagi' ko lambingnyo olima'.

PO'ULE' INGULIT 20:5

Lapas aijo' to kapa-kapala nu suludadu tionyo ahi' mompoto'i potatae aiya hi belemiu, ‘Pa' daagi' ko mian anu aiya hi belemiu anu sala'je nompotinjo laigan, panyo ma'isa nombau adatnyo nomposawe'i? De daagi', pinsusule' pe'e na ia. Kalana de ia osilakaimo i uno nu pahampatean, mian sangga'atmo na monjojoongi laigannyo.