NEHEMIA 2:8 - KITAB NU TUMPU ALLA LELE MA'IMAI'

⁸ Ka' mule', aku nompoitamo sulat anu toka obee' hi Asaf, anu monjagai alas nu kalaja'an, da nu potoukai kau' bau tumban nu sabatan daka' i benteng koko Laigan nu Tumpu, ka' anu opake i pagan mesen nu kota', ka' mule' anu bau laigan kajojoonganku. Iwi-iwi' na anu pinoitangkumo aijo' pinopo'imo i tomundo' kalana Tumpu Allah nontulungimo aku.

NEHEMIA 2:8 Iomraidhean Croise

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

EZRA 5:5

Panyo pinalahatikanmo nu Tumpu Allah ka' jinagaan-Nyomo na to pola-polaya' nu aha Yehudi, sahingga to mia-mian anu bapangkat hi Tomundo Persia nomputusimo madi'mo mompoposia aha aijo' de ma'isa ko sulat pontaami mae i Darius, sulat anu opakatuje nu aha.

EZRA 6:22

Ingipitun na kinopinnyo na aha binalame-lame' nolame'akon Lamean Roti anu Madi' ko Raginyo. Aha sinanangmo hondo kalana pino'ima'mo nu Tumpu na kinyonyoa i Tomundo Asyur, nongkanonongimo aha sahingga nontulungimo aha po'ule' nombau Laigan nu Tumpu, Tumpu Allah Israel.

EZRA 6:8

Ka' mule' aiya ku palentah na Belemiu to utu-utus da otu lungi na aha mokalaja mombau Laigan aijo' sumo uuka na mongatun: Iwi-iwi' na pombayan anu mokalaja Laigan aijo', tionyo ahi' o'ala i hasin nu negara propinsi Efrat sasu Kinsoban ka' tionyo ahi' bau pombayan mian haha aijo' boli otanda'i pin.

EZRA 7:6

I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

NEHEMIA 7:2

Anu mompalentah kota' Yerusalem binee'kumo hi utusku i Hanani ka' hi Hananya, anu montalenga'i benteng, kalana ia na molingkudui mian sangga'at, mabuhuk hi Tumpu Allah ka' timbali opalesaya.

AMSAL 21:1

Pokakana susumo Tumpu nongatun uee nukaunyo da mo'ili, montuluti pongka'oho'Nyo, sumo aitu mule' na la mongatun pikilan nu tomundo.

ANU MOMPOLELE POTATAE NU TUMPU 2:6

Kinekengkumo na kolam da ko ueenyo na taman haha aijo' ka' mule' ale' haha aijo'.

YESAYA 66:14

Nontoa aijo', belemiu lame'je, ka' tinimbalimo mahoson ka' bikas susumo hemput anu montampu'unije tumuu'. Sahingga to posa-posaihon-Ku mongoa'ije kakuasa'an-Ku o-sampobali'-Ku mongoa'ije tambuha'-Ku.”

SISIKON NU TO RASUL-RASUL 26:22

Panyo sampe tinoka i tempo' aiya aku jinagaan nu Tumpu Allah, sahingga aku tuminjo aiya mombee'i katalangan hi iwi-iwi' mian – anu ko pangkatnyo tiba anu madi' ko pangkatnyo. Apaa na anu tinaloakonkumo aiya madi' ko sangalasannyo aijo'mo na anu sinisikakonmo nu to nabi-nabi ka' i Musa;

SISIKON NU TO RASUL-RASUL 7:10

ka' nolapasakonmo ia i iwi-iwi' na kasusa'annyo. Tumpu nombee'imo ia kapandean tempo'nyo ia nangadap hi Firaun tomundo nu Mesir, sahingga i Firaun nompotimbali ia Gubernur i lipu' Mesir ka' nongkuasaimo Laigan Daka' i Firaun.

2 KORINTUS 8:16

Tahahumo hondo na kami montalima kase hi Tumpu, kalana Ia nompotimbalimo i Titus nakekemo sumo kami da montulungi komiu!