NEHEMIA 2:5 - KITAB NU TUMPU ALLA LELE MA'IMAI'

⁵ lantas aku notataemo hi tomundo', “De sanang na belento Tomundo' ka' halala' na belento mombee' mae anu ku kakaase aiya, sai mae na aku mamba i tano' nu Yehuda da po'ule' mombau kota' anu pinolamunanmo mompolee'ku.”

NEHEMIA 2:5 Iomraidhean Croise

2 SAMUEL 14:22

I Yoab tinolodadupumo nonsombah i ahop i Daud ka' notatae, “O'amalakon da Tumpu Allah mombalakati belento Tomundo'! Uukaje ka' sinumbu'ku taalu' belento Tomundo' mongkanonongi ahi' mae aku kalana belento Tomundo' nompopo ii'mo mae apaa na anu pinoto'ingkumo.”

EZRA 5:17

De opobee' nu belento Tomundo, opoita mami da otoa itina' i daputan nu kalaja'an Babel. Tiba jalan anu sumo aijo' osumbu'je pa' totu'u ko palentah i Tomundo Kores nompalentah po'ule'mo pombau Laigan nu Tumpu ai-aiya i Yerusalem. Lapas atina' okakase mami na lele pa' mosia na kaputusan nu belento Tomundo mongkona palakala aiya.”

NEHEMIA 2:4

Pinokilawamo i tomundo', “Jadi, apaamo na anu nu ka'ima'i?” I uno nu kinyonyoangku, aku binalado'amo hi Tumpu Allah anu daka' na kuasanyo kiita' i suluga',

NEHEMIA 2:6

Lantas i tomundo' anu hau-haunyo suha-suhang bebe-bebe' tiba Bengkele'nyo nompopo'i'mo apaa na anu pinoitangkumo. Pinokilawanyomo mae hipian na kopinnyo mae na aku jojoong kiijo' mae, ka' hipian na po'ule' mae minsusule', jadi pinoto'ingkumo hi ia na tanggan anu tinantukankumo.

ESTER 1:19

Kalana aitu, opoita mami da belento Tomundo sampa mongala kaputusan mongkona i Wasti Bengkele' nu Belento Tomundo. Kaputusan aijo' opotimbalimo atulan nu Persia ka' Media da madi'mo timbali obali'i. Lapas aijo' bee'mo na pangkat hi Wasti salaku bengkele' nu Belento hi boune sangga'at anu lebe ma'ima' nakinyonyoanyo molingkudui ia.

ESTER 7:3

Tinaamanmo i Ester Bengkele' i tomundo aijo', “De sanang na kinyonyoa nu Belento Tomundo, ku poita da aku tiba bansangku daagi' opotumuu'.

ESTER 8:5

“de Belento Tomundo sanang na kinyonyoa ka' mongkalibosi aku, da obaumo na sulat palentah mompoto'i saba' sulat iwi-iwi' i Haman anu isinyo mompalentahkon da opateimo na mian nu Yahudi iwi-iwi' i kalaja'an aiya, bolimo obau.

AMSAL 3:4

da belemiu nuka'ima'i ka' nu angga'i nu Tumpu Allah ka' mule' manusia.

DANIEL 9:25

Tulis ka' alati'imo na aiya; Pimpitun lipat na popitu na taun na ohikuhakon, i mulaan pe'e mae tempo'nyo nonontalimamo palentah da po ule'mo mombau kota' Yerusalem sampe tokamo mae na samian na polaya' anu pinile'anmo nu Tumpu. Kopinnyo pimpitun lipat na anompulu' ka' ohua' na taun, iwi-iwi' na jalan tiba to bente-benteng nu Yerusalem anu ma'idekmo po ule'mo obau, panyo tempo'nyo aijo' manjoo' hondo nakasansala'an na ota'up.

MATIUS 23:27

Silakamo na komiu to gulu-gulu' agama ka' to mia-mian Farisi! Komiu ola ahi' mombau pula-pula! Komiu sumomo to kubu-kubun anu o set mopute', i sambiha'nyo o toa ma'ima', padahan i unonyo mobuke' nu buku ka' iwi-iwi' anu to busi-busik.

I RUT 2:13

Tinaaman i Rut, “Kita Tuuma totu-totu'u mongkanonongimo mae aku mau mule' aku madi' pokakana tiba anu mokalaja hi belento Tuuma. Kanonongan nu belento Tuuma nomposanangmo hondo kinyonyoangku.”