NEHEMIA 2:3 - KITAB NU TUMPU ALLA LELE MA'IMAI'

³ Aku tinolokengkengmo, lantas tinaamankumo, “Tumuu'akon na belento Tomundo' sampe toka sidu-sidutu'! Mosia sampe aku susa' na kinyonyoangku, kalana kota' tampat pinolamunan mompolee'ku tempo' uuka aiya tampatnyo notoyo'mo ka' sabatan kiijo' anu toto daka-daka' imadi'anmo kalana pinapuanmo nu apu.”

NEHEMIA 2:3 Iomraidhean Croise

1 TOMU-TOMUNDO' 1:31

Sahingga tinolodadupumo na i Barsyeba ka' notatae, “Higahiakon mae na kita mian daka' anu talasanggo sampe toka sidu-sidutu'!”

2 TOMU-TOMUNDO' 25:8

I tanggan popitu', bitu'on anu ko olima'nyomo, i taun ko sampulu'nyomo ka' osio' na i Nebukadnezar tomundo' nu Babel nompalentah, tinokamo i Yerusalem na samian sanggonyo i Nebuzaradan. Ia anu lewa' mombee'i pokinde' i Nebukadnezar. Ka' mule' ia aijo' talenga' i Nebukadnezar.

2 TAWARIKH 21:20

Madi' ko samian anu nonsusuai ia sinilakamo. Ia i lamun kiijo' i kota' Daud, panyo misa' i pinolamunan aha to tomu-tomundo. Tempo'nyo ia tinimbalimo tomundo, umun i Yehoram 32 mo na taun, ka' ia nompalentah i Yerusalem 8 na taun na kinopinnyo.

2 TAWARIKH 28:27

I Ahas sinilakamo ka' i lamunmo i Yerusalem, panyo misa' i pinolamunan to tomu-tomundo'. I Hizkia anaknyo momo'ane na tinimbalimo tomundo nombolosakon ia.

2 TAWARIKH 32:33

I Hizkia sinilakamo, lantas i lamunmo i bahagian pindakoan i tano' pinolamunan to tomu-tomundo. Iwi-iwi' na mian nu aha Yehuda ka' Yerusalem nombee'mo apa-apaa bau tanda anu daka' hondo salaku pongadati ia tempo'nyo i sinilakamo. I Manasye anaknyo momo'ane na tinimbali tomundo' nombolosakon ia.

2 TAWARIKH 36:19

Pagan mesen nu kota Yerusalem i hobo'akonnyomo ka' pinapunyomo na kota aijo', tibamo Laigan nu Tumpu ka' iwi-iwi' na laigan nu tomundo tibamo sinin na balangnyo anu mahan na olinyo anu daagi' kiijo' i iwi-iwi' i laigan nu tomundo.

NEHEMIA 1:3

Aha nonsisikmo tukoonyo nu aha mian haha aijo' anu toho'mo binoa i Babel panyo ninsusule'mo mae i tano' kinahampean nu aha aijo', tempo' uuka aiya tumuu' sansala ka' saja'mo nu popoambang nu bansa sangga'at anu i salipu'an, anu kiijo' mompaha ohani tiba aha. Pakalaus mule' pagan mesen nu kota' Yerusalem daagi' hondo ma'idek ka' nosungke-sungkehetmo ka' iwi-iwi na tumbannyo anu toto daka-daka' ma'isa ahi' pinokopianan salatanmo pe'e pinapuan tempo'nyo naipuan mae.

NEHEMIA 2:13

Daagi' pihi-pihi, tempo'nyo aitu kami nompala'imo kota' notulu Sabatan Daka' Bangka'nyo sasu Kinsoban. Kami nambamo nompatui sasu Salatan, nokiijo' i Sabatan Daka' Duhehe montulu Mata nu Uee Naga. Kami i lumajang aijo' lewa'mo pinalesangku na anu singkapmo na'idek na pagan mesen nu kota' ka' mule' tinoangkumo na sabatan daka' iwi-iwi' anu pinapuanmo nu apu.

ESTER 8:6

Te sanang mule' na aku aiya montoa bansangku tiba to utu-utusku opateimo iwi-iwi'?”

MAZMUR 102:14

Belentomo tuminjomo mae ka' mongkalibosimo Sion, tempo'nyo tinokamo da mongkalibosi ia.

MAZMUR 102:15

Kalana to posa-posaihon nu Belento nongka'ima'imo ia, maumo ia nohobo'mo. Aha nongkalibosimo ia maumo ia tinimbalimo abu'.

MAZMUR 137:6

Bakas da aku madi'mo daagi' timbali manyanyi de aku mongkolilimimo beleyum ka' misa'mo beleyum na anu ku kalame'akon!

MAZMUR 38:7

Aku dinumukumo ka' tinadungkungmo sansina-sinaa aku mangkuyumo ka' sinusa'mo na kinyonyoa.

YEREMIA 52:12

Itanggan sampulu' bitu'on kino olima'nyomo kakonamo itaun ko sampulu'nyomo ka' osio' na i Nebukadnezar nompalentah tomundo' nu aha Babel, tinokamo i Yerusalem samian sanggonyo i Nebuzaradan. Ia anu lewa' mompokinde'i ka' anu saja' monsangalui i Nebukadnezar.

MOHAANGI 2:9

Sabatan anu toto daka-daka' singkapmo tinabuhan nu tano'; iwi-iwi' nasupatnyo nopato'mo; tomundo' tiba pagawe nu pamalentah kiijo'mo mae ipinomboan aha. Atulan nu Tumpu madi'mo daagi ingajanakon; nabi madi'mo daagi nontoa anu nu potoa nu Tumpu.

DANIEL 2:4

Tinaaman nu aha nu basa Aram, “Higahiakon na belento Tuanku sampe toka sidu-sidutu'! Sisik mae na ipion aijo' hi kami da otalangkan mami na alati'nyo.”

DANIEL 3:9

Aha nompoto'imo hi Tomundo' Nebukadnezar, “Higahiakon na belento Tuanku sampe toka sidu-sidutu'!

DANIEL 5:10

Nohongo loboo' nu tomundo' ka' anu to tangka-tangkas na pangkatnyo, tina i tomundo' ninsoopmo nokiijo' i unonyo nu pinombauan bau-bauon. Lantas ia notataemo, “Higahiakon na belento Tomundo' sampe toka sidu-sidutu'! Posanang na kinyonyoa nu belento Tuanku ka' boli ahi' mese.

DANIEL 6:21

Salatan tinokamo ikiijo' nabuhukmo na ia ka' notataemo daka-daka', “I Daniel memang posaihon nu Tumpu anu tumuu'! Ihe na Tumpu nu beleyum anu nunu sombah ka' nu tuluti nu beleyum totu-totu'u ka' moko ala momposalamat beleyum da madi' sina'u nu singa haha aijo'?”

DANIEL 6:6

Lantas aha binasale'mo, “Ola ahi' da ohumpakto na kasala'an i Daniel, olionto na han anu ko hubungannyo tiba agamanyo.”

IMAMAT 26:31

kota-kota' nu belemiu Ku potimbalimo tambulan nu anu i honsuhanmo, tampat pontalakanian nu belemiu pilogot Ku honsuhimo, ka' anu okolobanakon nu belemiu madi'mo Ku talima.