NEHEMIA 2:18 - KITAB NU TUMPU ALLA LELE MA'IMAI'

¹⁸ Lantas sinisikumo hi aha mosia na Tumpu Allah nontulungimo aku ka' apaa na anu pinoto'imo i tomundo' hi belengku. Tinaaman nu aha, “Imbo' da otampu'unintomo na mombau kota!” Lantas nosadiamo na aha da montampu'unimo mombau kota'.

NEHEMIA 2:18 Iomraidhean Croise

2 SAMUEL 2:7

Posahaan na kinyonyoa nu belemiu ka' baumo na apa-apaa susumo suludadu anu baani hondo! I Saul tomundo' nu belemiu memang sinilakamo, panyo aha mian nu Yehuda nohangkatmo aku binau tomundo' nu aha.”

1 TAWARIKH 11:10

Aiya na sanggo nu suludadu i Daud anu toto tangka-tangkas na pangkatnyo ka' anu tinalasanggomo. Tiba iwi-iwi' na mian da'isa nu Israel, aha binala'usahamo totu-totu'u da i Daud timbali tomundo', susumo ahi anu jinanji'mo nu Tumpu. Ka' sabole-bole ahi' nusangaja'i nu aha na anu nu palentahkon i Daud.

1 TAWARIKH 19:13

Pohoson na kinyonyoa! Imbo' babaani mae na kita mahampate montinjohakon bansanto ka' to kota-kota' nu Tumpu Allah-nto. O' amalakon da Tumpu mombau apaa na anu Nu kahanda'i.”

2 TAWARIKH 32:5

Lantas i tomundo nompokopianimo kota da mahoson, pagannyo mesen pinokopianan, nompotinjomo laigan anu toto tangka-tangkas aita' i pagan mesen ka' mule' nombau sangga'at i sambiha'nyo nu kota. Ka' mule pinokopianannyomo na benteng anu binaumo i tano' anu tinambun sasu kabete'an i bahagian kota Yerusalem anu momonanyomo binau. Ia mule' nompalentahmo da mombau talombo' ka' kanta oponjoo'.

EZRA 6:22

Ingipitun na kinopinnyo na aha binalame-lame' nolame'akon Lamean Roti anu Madi' ko Raginyo. Aha sinanangmo hondo kalana pino'ima'mo nu Tumpu na kinyonyoa i Tomundo Asyur, nongkanonongimo aha sahingga nontulungimo aha po'ule' nombau Laigan nu Tumpu, Tumpu Allah Israel.

NEHEMIA 2:8

Ka' mule', aku nompoitamo sulat anu toka obee' hi Asaf, anu monjagai alas nu kalaja'an, da nu potoukai kau' bau tumban nu sabatan daka' i benteng koko Laigan nu Tumpu, ka' anu opake i pagan mesen nu kota', ka' mule' anu bau laigan kajojoonganku. Iwi-iwi' na anu pinoitangkumo aijo' pinopo'imo i tomundo' kalana Tumpu Allah nontulungimo aku.

EFESUS 6:10

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

FILIPI 2:13

kalana Tumpu na mokalaja i uno nu butong miu da mompotimbali komiu halala' ka' moko ala momposanang kinyonyoa nu Tumpu.

1 SAMUEL 23:16

I Yonatan nambamo nokiijo' nonsingkaboti ia da mompohoson kinyonyoanyo da palesaya ahi' totu-totu'u kalana Tumpu Allah saja' monjagai ia.