NEHEMIA 2:14 - KITAB NU TUMPU ALLA LELE MA'IMAI'

¹⁴ Lapas aijo' lengkat mae i sasu Kinsoban kota' aijo' kami nambamo lau-laus i sasu utara, aijo'mo Sabatan Daka' mamba i Uee anu Mompinsopi mokiita', ka' Kolam i Tomundo'. Panyo i kiijo' madi' ko kajalanan nu keledai anu kuku sake'i, kalana talalo manjoo' na tambulan nu anu nohobo'mo.

NEHEMIA 2:14 Iomraidhean Croise

2 TOMU-TOMUNDO' 18:17

Panyo i Tomundo' Sanherib nompalentahmo mae ahi' gombuan anu manjoo' hondo na suludadunyo lengkat mae i Lakhis da montumbuhi Yerusalem. Gombuan nu suludadu haha aijo' sinanggaluan mae nu aha totolu' na Suludadu anu matangkas na pangkatnyo, ka' samian an talenga', samian na anu mongulus uee anu o'inum, ka' samian na anu mongkapalai suludadu monjagai tomundo'. Salatan tinokamo i kota' aijo', aha nongalamo tampat i ladang, anu osanggohi ladang Penatu koko sepe'nyo nu uee anu mo'ili lengkat mae i kolam anu aita' mae ibawonyo.

2 TOMU-TOMUNDO' 20:20

Sisikon sangga'at mongkona i Tomundo' Hizkia ka' mongkona hasin nu kabaaniannyo, ka mosia na ia nombau kolam ka' jalan nu uee da mo'ili mamba i kota', iwi-iwi' tinulismo i kitab Sisikon nu to Tomu-tomundo' Yehuda.

2 TAWARIKH 32:30

I Tomundo'mo Hizkia aijo' na nongompok mata nu uee nu Gihon ka' ingiliakonnyo namba i kota' Yerusalem pinojalannyo i pipa i uno nu tano'. Iwi-iwi' na anu binau i Hizkia aijo' saja' tinimbali.

NEHEMIA 12:37

Salatan tinokamo i Sabatan Daka' mamba i Uee anu Mintipuha, aha nonsiopo'akonmo ka' nindakomo nontulu ojan nokiita' i kota' i Daud moliu-liu laigan i tomundo Daud, lantas po'ule'mo namba nombalikakon i pagan mesen anu ko Sabatannyo Daka' mamba i Uee sasu kabete'an nu kota'.

ANU MOMPOLELE POTATAE NU TUMPU 2:6

Kinekengkumo na kolam da ko ueenyo na taman haha aijo' ka' mule' ale' haha aijo'.