NEHEMIA 13:6 - KITAB NU TUMPU ALLA LELE MA'IMAI'

⁶ Tempo'nyo han aijo' jinadi aku madi' ko anu kiijo' i Yerusalem, kalana i taun kinotolumpulu'nyomo ka' ohua' na i Artahsasta nompalentah, tomundo' nu Babel, aku nambamo i Babel mompoto'i hi tomundo' apa-apaa na anu binaungkumo. Madi' pinin kiijo' mae aku pinobee'je,

NEHEMIA 13:6 Iomraidhean Croise

EZRA 6:22

Ingipitun na kinopinnyo na aha binalame-lame' nolame'akon Lamean Roti anu Madi' ko Raginyo. Aha sinanangmo hondo kalana pino'ima'mo nu Tumpu na kinyonyoa i Tomundo Asyur, nongkanonongimo aha sahingga nontulungimo aha po'ule' nombau Laigan nu Tumpu, Tumpu Allah Israel.

NEHEMIA 2:1

Daagi' kino sansinaan, salatan ingopatmo na bitu'on noko lapas na aijo', kinakonamo i bitu'on Nisan, tempo'nyo i Tomundo' Artahsasta hau-haunyo mongkaan, aku nontawa'imo anggur ia, ohupku madi'mo binikas. Ma'isa toho' aku tinoa madi' bikas i ahop i tomundo' susumo sinaa aitu.

NEHEMIA 5:14

Aku tinimbalimo gubernur nu Yehuda sinampulu' ka' ohua' na taun na kinopinnyo, tinampu'unan lengkat pe'e i taun kinouampulu'nyomo sampe tinoka i taun kinotolumpulu'nyomo ka' ohua' na i Tomundo' Artahsasta nompalentah. Tempo'nyo aitu aku tiba to utu-utusku madi' toho' nongala gajingku salaku gubernur.

NOSABATMO 32:1

Salatan bansa Israel nontoa i Musa pininmo hondo madi'mo sampa ninsusule' mae lengkat i bungkutnyo dagi' sabole-bole kiita' mae, aha sinihukmo hi Harun ka' notataemo hi ia, “Kita madi' monsumbu' pa' apaa na anu tinimbalimo hi Musa, mian anu nomboamo mae kita nosabat lengkat mae i Mesir; jadi bauimo mae na kami pilogot anu molaya' kami.”

MATIUS 13:25

Daagi' kino sampahuan, salatan iwi-iwi' na mian ihoyotmo sampobali' nu topo ale' aijo' tinoka nonsau bine' nu padang i totonga' nu gandum aijo', ka' ia namba.